A NOSA FRASE DA PAZ 2016

Elexida polos nosos seguidores/lectores:

"Non hai camiño cara á paz, a paz é o camiño"

Mahatma Gandhi


21/12/10

NORMAS DE USO DOS ORDENADORES


Os que vos pasades pola Biblioteca case a diario, xa vistes ao longo deste mes que temos ordenadores novos nas mesas novas, que falta facían! Pero para que duren e utilizalos con sentidiño, imos poñer unhas normas de uso, porque cando algo é de moitos haino que coidar máis aínda, se cabe.

NORMAS DE USO DOS ORDENADORES

Os ordenadores da biblioteca teñen principalmente unha finalidade pedagóxica e de procura de información para traballos escolares. Polo tanto:
1- Hai que
pedir permiso ao profesor de biblioteca para usalos, explicando para qué se usa e enchendo unha FOLLA DE REXISTRO.
2- No caso de baixar con algún profesor a traballar en clase, será ese profesor o encargado de que os alumnos enchan a FOLLA DE REXISTRO.
3- Non se pode tocar a apariencia nin a configuración do ordenador.
4- Limitarase o tempo se hai outros alumnos esperando para usalos.
5- Hai que deixar as cadeiras colocadas e a pantalla apagada ao terminar.
E para que o compartades cos amigos ou a familia, aqui vos deixamos máis fotos.



QUE AS COUSAS FUNCIONEN DEPENDE DE TODOS

UN XOGO PARA AS VACACIÓNS


Mañá mércores é o último día de clase. Ante nós aparecen as vacacións de Nadal como un tempo de lecer, de comidas en familia e tamén de regalos. En arquivos do trasno pensamos que un bó regalo podería ser o trivial "Arume Xogal", un xogo de mesa con preguntas sobre a historia e a cultura galega, que nos pode facer pasar un bo rato en familia divertíndonos e xogando.

16/12/10

PROXECTO EDUCATIVO MUSICAL

O día 11 saíu á venda este CD-DVD que recolle temas de música tradicional galega e irlandesa interpretados por nenos e nenas de tres países, de tres culturas, de tres colexios diferentes.
Celtic Roots é un proxecto educativo multidisciplinar que ten como obxectivo afondar no coñecemento e na comunicación entre nenos e nenas de países que comparten unha cultura atlántica común.

Este CD-DVD recolle temas da música tradicional galega e irlandesa, interpretadas polo alumando dos colexios CEIP. Humberto Juanes de Nigrán (Galicia), St. John's Catholic Primary School de Manchester (Reino Unido) e St. Cronan's School de Bray (Irlanda), contando coa colaboración especial de Xose Manuel Budiño en Galicia, Michael McGoldrick no Reino Unido e Dònal Lunny en Irlanda, que fixeron posible este traballo.

Celtic Roots - GL from Casa de Tolos on Vimeo.

A nosa Biblioteca vaino pedir aos Reis Magos. E vós?

15/12/10

REFLEXIÓN SOBRE O INFORME PISA

No Blog "As zocas faladoras" da biblioteca do IES de Poio atopamos esta interesante reflexión sobre os datos do recente informe PISA:

"Hai uns días publicáronse as conclusións das probas PISA do 2009: O alumnado galego mellora os seus resultados en comprensión lectora situándose por encima da media española –cinco puntos por encima da media e sete puntos máis adiante con respecto ao 2006- así mesmo progresa en competencia matemática (materia ata agora impartida en galego).
Estes datos lévannos a reflexionar sobre esta evolución que se relaciona directamente coa lingua e coa lectura; fálase de competencia lectora e ao tempo fálase das materias de lingua e literatura e ninguén menciona o labor levado adiante durante estes anos das Bibliotecas Escolares, ou citar os Clubs de lectura dos nosos centros de ensino, algo terán que ver con esta mellora, non si? Desde o meu punto de vista é un labor día a día, lectura a lectura, o noso traballo non é estritamente académico e non por iso menos rigoroso, o alumnado acode a nós para ler e nós abrímoslles portas ao lecer mais tamén á información, a comprensión lingüística, a competencia lectora, a alfabetización…

Relacionado con estes datos de PISA está tamén o futuro do ensino: Son a lectura, a busca de información, a síntese e a análise dos textos o eixe central da aprendizaxe, unha aprendizaxe actual acorde cos novos medios de comunicación e as novas tecnoloxías? Descartaremos por fin o libro de texto como único recurso e levaremos aos nosos alumnos ás biliotecas para consultas miquis, webs educativas, xornais dixitais, blogs, bibliotecas virtuais?

Mellorarán entón os resultados do informe PISA?"

Semella interesante pararse a pensar un pouco sobre estas cuestións
.

11/12/10

AS LETRAS E OS NÚMEROS

Xa que estes días estamos a falar do informe PISA, e visto que, aínda que melloramos un pouquiño, estamos lonxe de acadar o nivel doutros países do noso entorno, aquí vos traemos esta presentación para que repasedes as letras e os números.

LETRAS Y NUMEROS


09/12/10

ELOXIO DA LECTURA E A FICCIÓN

Italoedu
Dúas noticias importantes que apareceron nos medios de comunicación durante estas minivacacións:

Una) O discurso "Elogio de la lectura y la ficción" pronunciado por Vargas Llosa en Estocolmo con motivo da recepción do Premio Nobel de Literatura no que fai unha louvanza da lectura e unha homenaxe á súa familia e aos seus mestres, entre os que cita a Flaubert, Faulkner, Cervantes, Dickens, Tolstoi ou Thomas Mann. Lede estes fragmentos:

"(Aprender a leer) es la cosa más importante que me ha pasado en la vida. Casi setenta años después recuerdo con nitidez cómo esa magia, traducir las palabras de los libros en imágenes, enriqueció mi vida, rompiendo las barreras del tiempo y del espacio y permitiéndome viajar con el capitán Nemo veinte mil leguas de viaje submarino, luchar junto a d'Artagnan, Athos, Portos y Aramis contra las intrigas que amenazan a la Reina en los tiempos del sinuoso Richelieu, o arrastrarme por las entrañas de Paris, convertido en Jean Valjean, con el cuerpo inerte de Marius a cuestas.
La lectura convertía el sueño en vida y la vida en sueño y ponía al alcance del pedacito de hombre que era yo el universo de la literatura. [...] Seríamos peores de lo que somos sin los buenos libros que leímos, más conformistas, menos inquietos e insumisos y el espíritu crítico, motor del progreso, ni siquiera existiría."

"Me gustaría que mi madre estuviera aquí, ella que solía emocionarse y llorar leyendo los poemas de Amado Nervo y de Pablo Neruda, y también el abuelo Pedro, que celebraba mis versos y el tío Lucho que tanto me animó a volcarme en cuerpo y alma a escribir... Toda la vida he tenido a mi lado gentes así, que me querían y alentaban, y me contagiaban su fe cuando dudaba."

Dúas) O Informe PISA 2009 que nos conta que melloran os datos respecto ao informe anterior polo que se refire á lectura, se ben hai moita diferenza entre as distintas comunidades do Estado español. En Galicia non saímos tan mal parados, aínda que necesitamos mellorar.
Podedes ver AQUÍ a información que proporciona o diario Xornal. com ou AQUÍ a que vén no diario EL PAÍS.

Unha mensaxe que podemos deducir destas noticias -ATENCIÓN PAIS E NAIS- é que a familia é fundamental no desenvolvemento do hábito lector.

08/12/10

DEREITOS DA INFANCIA

Vede con atención a historia que se conta neste vídeo. Pode ser un punto de partida para reflexionar sobre a pouca importancia que lles damos ás cousas que temos porque sempre as tivemos.


Vía asaco.

05/12/10

ENSINAR A LER E ESCRIBIR

Esta fin de semana en El País semanal aparece publicada unha entrevista que Javier Rodríguez Marcos lle fai ao presidente da RAE Víctor García de la Concha, na que se despide despois de 12 anos á fronte da institución e dialoga co entrevistador arredor de diversos temas. Entre as preguntas e respostas efectuadas rescatamos unha que reforza unha vez máis as nosas conviccións e nos anima a seguir adiante contra vento e marea.

"¿Y que ha fallado en España? Las humanidades retroceden en la educación. ¿El gobierno no escucha a la Academia?
Nosotros insistimos cada día. Los chicos que llegan hoy a la Universidad tienen una preparación lingüística muy inferior a los anteriores.
¿Por qué?
Tal vez porque hemos atiborrado durante años las mentes de los muchachos con análisis gramaticales complejos. Hay que volver a lo básico: a enseñar a leer y a escribir, a leer en voz alta, a recitar, a discursear. Es lo que nos enseñaron a nosotros en la escuela. La ortografía que yo sé es la que aprendí a los 10 años. Para hacer el bachillerato había un examen de ingreso y con más de tres faltas de ortografía se suspendía."

Os que queirades ler a entrevista completa podedes entrar aquí.

02/12/10

27/11/10

LOITO NA CULTURA GALEGA




Morreu Fdz. del Riego, o derradeiro galeguista da xeración Galaxia. Nacido en Vilanova de Lourenzá un lonxano 7 de xaneiro de 1913, dedicou a súa vida a Galicia. Membro do S.E.G., fundador da Ed. Galaxia, membro da R.A.G. da que chegaría a ser presidente entre 1997 e 2001 e impulsor da proposta de celebrar o Día das Letras Galegas o 17 de maio, director da biblioteca da Fundación Penzol, fundador do P.S.G. e do P.G.... En fin, Don Paco non paraba. Disfrutaba lendo e escribindo, o que non deixou de facer mentres lle duraron as forzas, como podemos constatar todos os que liamos os seus artigos de La Voz de Galicia. Autor dunha extensa obra pola que recibiu numerosos premios, entre os seus títulos podemos destacar Galicia no espello, o seu discurso de entrada na R.A.G. Un país e unha cultura: a idea de Galicia nos nosos escritores, Historia da literatura galega, dúas antoloxías poéticas (Do dezanove ós continuadores, 1976; Do posmodernismo ós novos, 1980), ou o seu libro de memorias O río do tempo. Unha historia vivida.
Morreu un home íntegro, un "idealista pragmático", un exemplo para todos.
D.E.P.

24/11/10

DÍA CONTRA A VIOLENCIA ÁS MULLERES

O 25 de novembro celébrase o Día contra a violencia de xénero. Desde a biblioteca queremos que todos reflexionemos cos nosos alumnos o motivo de que no século XXI haxa tanta violencia e, en concreto, contra as mulleres. Con este fin, o de reflexionar, deixámosvos este vídeo



e repartiremos como símbolo uns lazos morados.
Vede tamén os caligramas que fixeron os alumnos de 4º de ESO, que tedes expostos á porta da biblioteca.

ORDENADORES NAS AULAS

Agora que xa todos comprobamos que a presenza dos ordenadores na aula é algo cotiá, debemos dar un paso máis cara adiante para que sexa un elemento que contribúa ao cambio e á mellora do sistema educativo. Non se trata só de ter un aparato novo na aula.

"Se requiere aprender y borrar. Aprender nuevos métodos didácticos basados en que sea el alumno el protagonista de su aprendizaje y borrar las prácticas de enseñanza tradicionales, sin miedo a la innovación constante. La formación del profesorado es, sin duda, la clave fundamental".

Estas son as conclusións ás que chegou O Centro de Investigación de Tecnologías Avanzadas (CITA) da Fundación Germán Sánchez Ruipérez o pasado 13 de novembro na súa reflexión sobre ordenadores na aula, retransmitida en directo por:



As conclusións podédelas ler en
Conclusiones Focus Gropu

18/11/10

O QUIXOTE INTERACTIVO


O pasado mes de outubro presentouse ao público a versión interactiva da primeira edición de El Quijote (1605 y 1615), conservada na Biblioteca Nacional. Non se trata dunha mera transcrición, senón dunha transcrición liña a liña do texto que permite realizar búsquedas específicas de términos dentro de el. Ademais incorpora son ao pasar as páxinas, detalle que fai que o lector sinta coma se tivese o libro nas mans e achega a lectura dixital e a tradicional
Tamén aporta complementos que axudan a situarnos no contexto histórico da obra, como un mapa cos erráticos itinerarios do inxenioso Fidalgo; un recorrido cronolóxico polas edicións máis relevantes que conserva a Biblioteca Nacional da obra. Inclúe unha selección coas composicións musicais máis populares da época.

Para ver esta magnífica edición, premede AQUI

UNHA LECCIÓN DE HISTORIA

12/11/10

XA TEMOS TODOS OS LIBROS

Por fin temos no Instituto todos os libros para iniciar eses 20 minutos de lectura diaria nas aulas de ESO. Agora toca rexistralos e poñerlles as etiquetas. E son 180. Desde a Biblioteca pedimos paciencia. Con todo, á velocidade que imos, contamos poder comezar en todas as aulas para a semana que vén.

Unha vez rexistrados e etiquetados os libros o proceso a seguir será o seguinte:

Darémoslle ao titor ou titora de cada grupo os exemplares correspondentes á súa aula e el ou ela encargarase de repartilos aos alumnos. Mais lembrade unha cousa:

-Haberá o dobre de alumnos por curso que de libros, é dicir, cada dous alumnos disporán dun exemplar do libro.

-O titor fará un préstamo a un deles, e este será o encargado de levalo na mochila, levalo á aula materia na que toque ler, e deixalo no seu casilleiro cando non se utilice.

-NON DEBEN LEVARSE PARA A CASA.

O titor dará aos alumnos o horario establecido para A HORA DE LER e os alumnos engadirano no horario xeral do curso.

11/11/10

1º LIBROTRÁILER GALEGO

Edición Xerais acaba de presentar a 1º librotráiler galego da historia para promocionar Todo é silencio, a última novela publicado por M. Rivas.
A peza audiovisual foi deseñada e montada por David Rodríguez e a música e a interpretación é de Lara Domínguez
.

02/11/10

PAPEL OU iPAD?


O pasado fin de semana alguns profesores do equipo de biblioteca asistimos en Santiago aos III Encontros de Bibliotecas Escolares de Galicia. Tratáronse moitos temas, todos relacionados coa lectura, pero eu destacaría o tratado na conferencia de clausura "Os camiños de transformación da lectura e escritura" do profesor A. Rodríguez de las Heras, da Universidade Carlos III de Madrid. Segundo este profesor "los cambios en las formas de leer y de escribir son imparables, porque es ya un hecho la migración al soporte digital y al espacio electrónico de la pantalla. Por lo tanto, debemos buscar y concebir en el mundo digital espacios virtuales de escritura distintos al de la página, más adecuados al nuevo soporte, a la pantalla, y sobre todo, adecuado a una nueva generación que hay que educar." Como o tema é moi interesante e quedamos convencidos de que os tiros van por aí, deixámosvos cun enlace a un artigo que fala da batalla entre o libro tradicional e o electrónico.
E TI EN QUE LES, EN PAPEL OU EN iPAD?

XORNADA POLA CIENCIA EN GALEGO

A BIBLIOTECA únese tamén á celebración da xornada pola ciencia en galego coa exposición de libros en galego EN GALEGO TAMÉN SE FAI CIENCIA cos seguintes obxectivos:
-Amosar que as linguas se aprenden usándoas en todos os contextos.
-Amosar que TODAS AS LINGUAS son válidas para a expresión científica, tamén o galego.
E para que vaiades coñecendo a algúns científicos galegos de sona, vede os documentais que tedes a continuación.








30/10/10

VOLVEN OS RECUNCHOS DE POESÍA E MÚSICA

Este ano commemórase o centenario do nacemento de dous recoñecidos artistas: LUIS SEOANE E MIGUEL HERNÁNDEZ. Do primeiro xa fixemos unha entrada neste blog hai pouco (cf. CEN POR CEN SEOANE), e do segundo podedes ver esta páxina na que nos informan da súa vida e obra.
Nós desde a Biblioteca recuperaremos o martes 2 de novembro no 2º recreo os recunchos de poesía e música con un poema de cada un deles. Se queredes ir facendo boca, aqui vos deixamos coa homenaxe que o rapeiro NACH lle fixo a Miguel Hernández.


27/10/10

DESCONXELE

Rematou o periodo de rodaxe. A biblioteca está xa á temperatura adecuada, así que...


25/10/10

CEN POR CEN SEOANE

O 22 de outubro inaugurouse na sé de Caixa Galicia da Coruña unha extraordinaria exposición sobre Luís Seoane que permanecerá aberta ata o 30 de xaneiro. Esta exposición, a máis completa de todas as realizadas ao longo deste ano do seu centenario, está formada por máis de 350 pezas orixinais, ademais de centos de fotos e documentos que abranguen tanto a súa faceta de artista: pintura, gravado, deseño, ilustración, textos literarios, cerámica... como a súa faceta de activista político.

Ademais a exposición amosa tamén o contexto histórico no que se desenvolveu a súa obra e as personalidades contemporáneas coas que tivo relación.

NON A PERDADES, ESPECIALMENTE OS ALUMNOS DE 4º DE ESO E 1º E 2º DE BACH., PORQUE MERECE A PENA.

24/10/10

DÍA DAS BIBLIOTECAS ESCOLARES


Celebramos o Día das Bibliotecas Escolares co anuncio da publicación de novos dicionarios.

A chegada de novos dicionarios é sempre motivo de alegría para os estudosos das linguas, e aínda o é máis neste caso polas características dos mesmos.

O I.L.G.A. e a R.A.G. acaban de publicar o Dicionario de pronuncia da lingua galega, elaborado por X.L. Regueira, profesor de Filoloxía Galega na USC, xunto cun equipo de investigadores. A obra dirixida tanto a galego falantes como foráneos foi presentada con estas palabras:

"É unha ferramenta relevante para a normalización do galego, xa que permite establecer un modelo de pronuncia estándar utilizable na aprendizaxe, nos medios orais de comunicación e noutros ámbitos de difusión da lingua".

O Centro Ramón Piñeiro acaba de publicar tamén un Dicionario galego-latino clásico e moderno elaborado por Xosé López Díaz. Este dicionario ten a particularidade de incluír termos actuais do galego así como expresións populares.

Tamén resulta novidoso o Diccionario de colocaciones del español elaborado por un equipo dirixido pola profesora da Univ. da Coruña Margarita Alonso en versión internet ao que podedes acceder dende AQUÍ.

23/10/10

PASIÓN POR RENOIR

O 19 de outubro inaugurouse no Museo do Prado a primeira exposición monográfica dedicada a Renoir en España, baixo o título PASIÓN POR RENOIR.
A mostra conten 31 obras do artista impresionista (1841-1919), as mellores entre as reunidas polo coleccionista norteamericano Robert Sterling Clark, que permanecerán expostas no Prado ata o 6 de febreiro.
Se algun de vós ten a sorte de poderse achegar a Madrid con motivo da festa do 1 de novembro, ou nas vacacións de Nadal, ha de saber QUE RENOIR O ESTÁ ESPERANDO.

Moza peiteándose (1894) .............................Dúas mozas ao piano (1894)

Se premedes AQUI poderedes ver unha importante selección de cadros deste pintor.

20/10/10

CHEGOU "A HORA DE LER"

Como xa sabemos todos, este curso comezamos cun proxecto novo, que demos en chamar A HORA DE LER. Consiste en dedicar todos os días 20 minutos a ler en voz alta en todas as clases da ESO.
Despois de escoitar as opinións de moitos profesores do noso centro, e tamén doutros centros que xa levan varios anos con lectura diaria nas aulas, estes son os libros escollidos para A HORA DE LER no “RAFAEL DIESTE”:

S1ºA: E. LINDO, Manolito gafotas , ed. Alfaguara
S1ºB: P. NESSMAN, Todas as respostas ás preguntas que nunca te fixeches, ed. Factoría K
S1ºC: M.S.CALVEIRO, O carteiro de Bagdad, col. Ala Delta

S2ºA: AGUSTÍN FDZ PAZ, Contos por palabras, ed. Xerais
S2ºB: JEAN-PAUL NOZIÈRE, La canción de Hannah, ed. Anaya
S2ºC: Mª ISABEL MOLINA, El señor del cero, ed. Alfaguara

S3ºA: LUCY & STEPHEN HAWKING, La clave secreta del Universo, ed. Montena
S3ºB: MARCOS S. CALVEIRO,
O pintor do sombreiro de malvas, ed. Xerais
S3ºC: CONCHA ROMERO, Así aman los dioses, ediciones clásicas (teatro)

S4ºA: STEFAN ZWEIG, Momentos estelares de la humanidad, Ed. Acantilado
S4ºB: MARILAR ALEXANDRE, A cabeza de Medusa, Ed. Xerais
S4ºC: VICTOR GONZÁLEZ, El río que se secaba los jueves y otros cuentos imposibles, Anaya (microrrelatos)
S4ºD: P. NESSMAN, Todas as respostas ás preguntas que nunca te fixeches, ed. Factoría K


O horario, que quedou establecido nas avaliacións iniciais, está exposto no taboleiro da sala de profesores e da biblioteca. Xa están encargados os exemplares necesarios, de maneira que poidamos contar con 15 exemplares de cada título. Sería desexable comezar na semana do 1 ao 5 de novembro. En canto cheguen AVISAREMOS.

O LIBRO TOTAL


Que o libro dixital xa é un feito, sabémolo. Mais aínda así a moitos séguenos a sorprender que poidamos ou nos poidan ler un libro con só darlle a unha tecla do noso ordenador. E se non, botádelle unha ollada a esta páxina da fundación colombiana El Libro Total, un proxecto cultural que reúne libros da literatura clásica e hispanoamericana nun formato doado de utilizar e que incorpora audio nalgúns casos (recomendo a audición d´A Ilíada de Homero). Esta aplicación permite, ademais de audiolectura, comparación de textos en varias linguas, confrontación de versións, dicionarios e enlaces a recursos adicionais. Todo isto faina interesante e atractiva para o seu uso didáctico, e de visita obrigada.

POR FALTA DE PALABRAS

19/10/10

PREMIO CERVANTES CHICO 2010


Fernando Lalana (Zaragoza, 1958) recibiu o Premio de Literatura Infantil y Juvenil Cervantes Chico 2010, recuperado no ano 2004 después de cinco anos sen entregarse.
O autor de Morirás en Chafarinas, El secreto de la arboleda, El zulo, Los hijos del trueno... leva publicados máis de 70 libros e recibiu un sinfín de premios: Premio Nacional de Literatura infantil y juvenil, o Premio Gran Angular tres veces, o Barco de Vapor, o Jaen...
Agora tocoulle o Cervantes Chico.

"El jurado valoró su amplia y esmerada producción literaria; igualmente, contempló entre sus méritos el tratarse de una obra variada, dirigida a un amplio espectro de reales y potenciales lectores entre su público, así como su permanente compromiso con la comunidad educativa y con la promoción de la lectura."

Os que aínda non o coñezades entrade na súa páxina web.

A VOLTAS COAS TICs


Agora que moitos profesores andamos aplicando a informática as nosas clases, creo que este titorial pode virnos ben a todos. A través del aprenderemos cómo se fai un slideshare, unha webquest ou un hot potatoes, ferramentas todas elas moi útiles. Se vos interesa aprender, premede AQUI

16/10/10

SEGURIDADE EN INTERNET

Todos navegamos xa por internet e moitos visitamos xa as Redes Sociais. Mais debemos ter coidado e saber que encerran tamén perigos.
"Cuidarte en Internet es muy sencillo. Sólo tienes que aplicar la lógica que utilizas en tu vida y ajustar la privacidad en las Redes Sociales a las que te conectas".

Isto é o que nos di a asociación SAVE THE CHILDREN na súa páxina http://www.deaquinopasas.org/ , onde descubriremos cómo coidarnos nas Redes Sociais. Por exemplo:
-non crendo todo o que vemos ou nos din
-non facéndonos pasar por outro na Rede
-non acudindo sós ou sen avisar a ninguén a citas
-non compartindo a contraseña
-non contando todo de un
-non conectándonos en ordenadores que non sexan os nosos
-non facéndonos amigos de calquera na Rede
-non colgando fotos sen privacidade ningunha, etc

LIBROS PARA A HORA DE LER

Xa que andamos este días a voltas cos libros que imos elixir para os 20 minutos de lectura diaria, aqui vos deixo un enlace a unha páxina para consultar os catálogos de libros que a Red de Selección de Libros Infantiles y Juveniles elabora anualmente desde 2004. Éste é un grupo de traballo constituído por institucións, asociacións e revistas que realizan un labor de selección e recomendación de lecturas para nenos e mozos nas distintas linguas do Estado Español.



PODEMOS ATOPAR ALGO INTERESANTE

15/10/10

EDUARDO MENDOZA, PREMIO PLANETA 2010

Eduardo Mendoza gaña o premio Planeta deste ano con Riña de gatos, unha obra que segundo el mesmo di mestura intriga, aventuras e reflexión, e que resume así:

"En la primavera de 1936 un joven inglés que es experto en pintura antigua viaja a España para tasar un posible Velázquez desconocido, pero en Madrid ya se anuncia lo que será la Guerra Civil."

Todos coñecedes a Eduardo Mendoza. Quen non leu La verdad sobre el caso Savolta, El misterio de la cripta embrujada ou Sin noticias de Gurb, que por certo están a ler estes días un grupo de alumnos do noso club de lectura O trasno na rede.


Vaia desde aquí a nosa felicitación para Eduardo Mendoza.


Vede e escoitade o que di neste vídeo:


Nostromo 04: Eduardo Mendoza, Humor y Literatura



14/10/10

BICENTENARIO DO PRIMEIRO LIBRO EDITADO EN GALEGO


Entre o 13 de outubro e o 13 de novembro, con motivo do bicentenario da publicación de Proezas de Galicia de José Fernández y Neyra, o primeiro libro editado en galego, a Sala de Exposicións do Pazo Municipal da Coruña acollerá unha exposición conmemorativa que as bibliotecas municipais da Coruña presentan así:

"En 1810, hai agora douscentos anos, imprímese na Coruña o primeiro libro en galego, tres anos despois edítase o primeiro supervendas da literatura galega, Rogos dun galego da autoría de Manuel Pardo de Andrade, "Impío e demócrata en sumo grao" como é nomeado nunha Lista de inimigos. Pero é no período 1885-1931 cando se configura na Coruña a moderna empresa editora; a partir de 1885, a Biblioteca Galega de Mártinez Salazar comeza a formar un público e a seguinte xeración de editores xa é capaz de soñar un mercado: Leandro Carré e Ánxel Casal comezan a cadrar os números do libro galego con sentido empresarial e compromiso ideolóxico."


Tedes máis información en PROEZAS DEL LIBRO EN GALLEGO

13/10/10

RECURSOS ELECTRÓNICOS CO CARNÉ DA BIBLIOTECA

O video que hai a continuación, elaborado pola Biblioteca Anxel Casal de Santiago, permítenos a todos os usuarios da nosa biblioteca coñecer os recursos electrónicos que Bibliotecas de Galicia pon á nosa disposición. Para acceder teremos que usar o nº do carné da biblioteca do Instituto e poñer o noso apelido en minúscula como contraseña.

Animamos a todos a usar estes recursos que temos a sorte de ter á nosa disposición.

09/10/10

PREMIO NACIONAL DE NARRATIVA 2010

O escritor extremeño Javier Cercas foi galardoado co Premio Nacional de Narrativa pola súa obra Anatomía de un instante, unha mestura de novela e ensaio na que fai unha reflexión sobre a nosa Transición cara a democracia a partir do intento de golpe de estado do 23F.

Javier Cercas é un autor para os que vos gusta a novela histórica. Tedes tamén na biblioteca Soldados de Salamina, publicada no ano 2001 e que foi levada ao cine por David Trueba.
Se queredes coñecer mellor a Javier Cercas vede o documental que tedes a continuación.


Entrevista: Javier Cercas autor de ’Anatomía de un instante’


07/10/10

O NOVO NOBEL DE LITERATURA


Hoxe sóubose a identidade do novo premio Nobel de Literatura, Mario Vargas Llosa. O escritor peruano-español, que xa levaba soando nas quinielas do NOBEL moitos anos foi elixido, por fin, este ano.

A abundancia de títulos publicados por Vargas Llosa e a sona dos mesmos impídenos decantarnos por un, pero os que queirades coñecer a súa obra podedes pasar a partir de mañá pola biblioteca e pedir en préstamo a que prefirades.

Se queredes ler más información sobre el premede AQUÍ ou AQUÍ.

05/10/10

DÍA MUNDIAL DOS DOCENTES

Todo o mundo sabe, ou debería saber, que o papel dos docentes é indispensable na sociedade, e a UNESCO quere recoñecelo dedicándolles o día de hoxe. Mais como ocorre con todas as celebracións e homenaxes, estas teñen que estar respaldadas con outras actuacións para que o que se pretende chegue a facerse realidade. Iso é o que todos esperamos que suceda algún día.


04/10/10

BIBLIOTECA ESCOLAR, UN MUNDO DE OPORTUNIDADES


Xa saíu o cartel de Bibliotecas Escolares deste ano realizado por Marina Seoane. O lema xa o di todo:

BIBLIOTECA ESCOLAR, UN MUNDO DE OPORTUNIDADES

O único que cómpre é aproveitar ese mundo de oportunidades convertendo en algo habitual as visitas á blbioteca do noso centro de ensino.

02/10/10

O COMIC ESTÁ DE FESTA


O día 2 de outubro de 1950 nacía oficialmente o bo de Charlie Brown, o celebérrimo Carlitos, o eterno perdedor, da man do debuxante americano Charles M. Schulz, e dous días despois o seu inseparable Snoopy, o entrañable canciño soñador que nos namorou a todos. Logo virían o resto dos personaxes da banda que durante 50 anos faría as delicias de xeracións de lectores de máis de 70 países: Sally, a irmá de Carlitos, os imáns Linus e Lucy, a chapona de Marcia e a súa amiga Peppermint Patty, o paxaro Emilio, os irmáns de Snoopy, Spike e Canicas...
Que mellor maneira de celebrar o aniversario que reler algunha das entrañables historias creadas por Charles M. Schulz.

29/09/10

A LECTURA POR PRACER OU O PRACER DA LECTURA?

Nestes días nos que todos estamos a aportar suxestións para organizar o mellor posible A HORA DE LER, parécenos moi oportuna esta reflexión do poeta e ensaísta británico W.H. Auden:
"O pracer non é de ningunha maneira unha ferramenta crítica infalible, pero si a menos falible.
A lectura do neno guíase polo pracer, pero o seu pracer é indiferenciado; non pode distinguir, por exemplo, entre o pracer estético e os praceres da aprendizaxe ou a ensoñación. Na adolescencia comprendemos que hai diferentes clases de praceres, algúns dos cales non poden disfrutarse simultaneamente, pero para diferencialos aínda necesitamos axuda. Se trate de comida ou de literatura, o adolescente busca un mentor cuxa autoridade sexa convincente. Come ou le o que o seu mentor lle recomenda e, isto é inevitable, hai momentos nos que se ve obrigado a enganarse un pouco; ten que esaxerar a súa afección ás aceitunas ou a Guerra e Paz."

27/09/10

Collemos prestado do blogue RAIOTECA, do CEIP de Andrade-Pontedeume, este decálogo da lectura que pensamos pode axudar ás familias a desenvolver o hábito lector nos seus fillos. Trataremos de difundilo a través dos titores e da APA para que entre todos consigamos que a lectura forme parte da vida dos nosos alumnos.

26/09/10

ALUMNOS COLABORADORES

Este curso que agora comeza gustaríanos contar de novo cun grupo de alumnos que queiran axudar na biblioteca. Podedes axudar no préstamo de libros nos recreos, na organización das actividades ou no blogue. Todos os que queirades apuntarvos deberedes dirixirvos aos profesores do equipo de biblioteca antes do 6 de outubro, xa que elixiremos por orde de chegada.

Ah! Lémbrovos que cada alumno só poderá coller un recreo á semana.

DÁDEVOS PRESA E ANOTÁDEVOS AXIÑA!

AS RELACIÓNS PROFESOR-ALUMN@

A convivencia dentro dunha comunidade do tipo que sexa é un tema fundamental para os seus integrantes. Se non existe, porque cada un vai polo seu lado, ou se non é boa, porque os enfrontamentos son permanentes, repercutirá en todo o que se faga. Un exemplo disto pode verse a continuación dentro da pequena comunidade dunha aula.
Agora que aínda estamos comezando o curso é o momento de telo en conta.

MÁIS VALE PREVIR QUE CURAR!

25/09/10

PREMIO NACIONAL DE ILUSTRACIÓN

A pintora, ilustradora e escritora valenciana Ana Juan foi galardoada co Premio Nacional de Ilustración 2010 polo conxunto da súa obra. Este premio, concedido polo Ministerio de Cultura, recoñece o labor que leva realizado no ámbito do libro e a literatura.
Se non coñecedes os seus debuxos, podedes ver unha pequena mostra a continuación:

22/09/10

LER E ESCOITAR


A Consellería de Educación, a través da Dirección Xeral de Centros e Recursos Humanos, publica hoxe no Portal Educativo a convocatoria do I Concurso de Lectura en voz alta, "LER E ESCOITAR", destinado ao alumnado de 3º Ciclo de Primaria e 1º Ciclo de ESO. O concurso terá unha primeira fase no centro e unha fase autonómica, da que sairán os finalistas da fase última do concurso que se resolverá nun acto de lectura pública. O concurso contempla as modalidades individual e de grupo. Haberá premios para as lectores e os lectores e para os centros de procedencia.
Aquí tedes o TEXTO DA CONVOCATORIA.

A QUE É APETECIBLE?

POIS, ÁNIMO, E ADIANTE!!!!

21/09/10

IN MEMORIAM

"Habrá un día en que todos al levantar la vista veremos una tierra que ponga libertad".
In memoriam para ti, J.A. Labordeta e para todos os que caestes gritando liberdade.



Imos facer co futuro un canto á esperanza

20/09/10

CLÁSICOS CON CLASE

Hoxe foron xa moitos os alumnos que se achegaron a nós para preguntarnos cando comenzabamos as actividades na biblioteca e cando podían pasar a coller libros. Pois ben, botádelle un ollo á porta da biblioteca de cando en vez, porque alí aparecerán os horarios en canto os teñamos listos.

Mentres, para que vos vaiades familiarizando cos clásicos de todos os tempos, lede o que vos deixamos a continuación:

"AS PALABRAS SON TODO O QUE TEMOS" (Samuel Beckett)

19/09/10

A HORA DE LER


Esta semana comezaremos na biblioteca as xuntanzas para organizar o mellor posible a HORA DE LER.

Como punto de partida queda aquí esta reflexión que Daniel Pennac escribiu no seu libro
Como unha novela: “Un neno non sente gran curiosidade por perfeccionar un instrumento co que o atormentamos; pero conseguide que ese instrumento sirva ao seu pracer e non tardará en aplicarse a el a pesar voso". (1993).

AGARDAMOS AS VOSAS IDEAS, ESTRATEXIAS E SUXESTIÓNS!!!

17/09/10

BENVID@S UN ANO MÁIS


Hoxe o instituto encheuse de novo de voces e risas. Todos chegabamos nerviosos coma novatos, tanto os que pisaban as aulas por primeira vez coa inseguridade dos primeiros pasos coma os veteranos, contentos, non obstante, de poder contactar de novo cos colegas que levaban tempo sen ver.

Xa nos informaron a todos dos cambios que se van producir este curso, dos profesores que van dar clase nas diferentes aulas, das titorías, dos compañeiros que coincidirán na mesma aula... Pero aínda queda moito por descubrir a partir da semana que vén.

A biblioteca tamén vos garda algunhas sorpresas.

VÉMONOS A SEMANA QUE VÉN!!!!

22/06/10

UN BO VERÁN LECTOR

Acabaron os exames!!!

Mañá será o día de recoller as notas e ao mellor, coa emoción, alguén esquece que a biblioteca estará aberta para os que queiran pasar por ela a coller algún libro para o verán.
Que non sabedes que coller? Pois podedes detervos o tempo que queirades diante dos andeis. Seguro que haberá un libro agardando por vós.

E se preferides seguir as nosas suxestións...


21/06/10

ADEUS AOS DE 2º DE BAC.

Como todos os anos por estas datas, os alumnos de 2º de Bacharelato terminan a selectividade e despídense do Instituto para empezar a camiñar por novos vieiros. Nós desde aqui querémoslles desexar boa sorte e pedirlles que veñan a visitarnos algunha vez, porque sempre serán ben recibidos na que foi a súa segunda casa durante varios anos. ATA SEMPRE E SORTE NA SELECTIVIDADE!

A EDUCACIÓN DO FUTURO

Será a xestión das emocións básicas do alumnado a clave da educación do futuro?
Vede o que din ao respecto Eduardo Punset e Robert Roeser:


Vía Trafegando Ronseis

19/06/10

A ANTESALA DO INFERNO

A partir da novela de John Berger From A to X, na que unha muller escribe cartas ao seu home preso, Isabel Coixet crea a instalación FROM I TO J, unha exposición-homenaxe ao escritor inglés que se pode ver no cárcere da Coruña ata o 11 de xullo.

A instalación mergúllanos nunha atmosfera envolvente que nos leva polas distintas cartas do libro, que son lídas por Monica Bellucci, Sophie Calle, Patricia Clarkson, Penélope Cruz, Julie Delpy, Isabelle Huppert, Maria de Medeiros, Sarah Polley, Tilda Swinton e Leonor Watling, segundo entramos en cada unha das celas que rodean un dos patios da prisión.

Reixas, ambiente claustrofóbico, restos de enseres, textos gravados nas mantas que cobren algúns somiers, imaxes, cartas manuscritas de despedida de presos represaliados durante a guerra civil converten o lugar nesa antesala do inferno na que Coixet quixo situar o escenario destas cartas para que o espectador poida recrear e recuperar a memoria de centos de inocentes que por alí pasaron.

Antesala do inferno on PhotoPeach


18/06/10

A POESÍA DOS MARTES

A musa Erato tocando a lira
Martes? Non, hoxe é venres. Pois da igual, calquera día é bo para a poesía. E buscando poesía espartana para un alumno, a quen lle interesan os espartanos, atopei este poema de guerra -non podía ser doutro tema tratándose de Esparta-. É unha elexía do poeta Tirteo e di o seguinte:

Que cada quen resista coas pernas abertas, ambos os pés espetados no chan, mordendo os beizos cos dentes; as coxas, as pernas, o peito e os ombreiros cubertos co ancho ventre do cóncavo escudo. E branda na súa destra a pica espantosa e axite o penacho terríble sobre a súa cabeza.

O poema describe a pose dun hoplita en combate. Lembrei entón un poema de PONDAL, da súa obra Queixumes dos pinos, que di:

¡Quen tivera ditoso
un tan sublime acento
que do seu fondo sono
despertara ós galegos!
¡Oh, quen cumprir pudera
tan xeneroso intento
desenterrando a lira,

a lira de Tyrteo!

Certo, non lle puxera
doces e brandos nervos,
mais dobres lle cinguira
unhas cordas de ferro
¡Oh, cal soara baixo
dos meus febrentes dedos
a lira sonorosa

a lira de Tyrteo!

¡Oh, como despertar
os máis sublimes ecos
ecos de liberdade
dos parias e dos servos!
¡Cal do seu fondo sono
despertara ós galegos
a lira estrepitosa,
a lira de Tyrteo!

ETIQUETAS

a lingua (25) A.FdezPaz (4) acoso-bullying (6) actividadeBiblio (124) actualidade (41) adolescencia (4) alfin (2) amor (24) animación (15) arqueoloxía (9) arte (20) astronomía (10) audio (3) audiovisual (33) autores (54) baile (4) bibliotecas (78) bioloxía (6) cartel (5) centenario (16) certames (12) cidades (4) ciencia (21) ciencia-ficción (4) cine (27) club de lectura (4) comic (27) compromiso (83) concursos (41) conferencia (9) congresos (5) contacontos (10) Cosmos (29) cuca (5) cuestionario (4) curta (2) dereitos humanos (53) deseño (4) dicionarios (8) didáctica (16) discapacidade (7) DiversidadeCultural (8) documentais (6) educación (82) efemérides (172) encontros con escritores (14) enlaces (260) enquisas (8) ensaios (1) entrevista (2) entroido (8) Escola de Atenas (1) exposicións (49) expresión oral (2) familia (5) familias (4) ficha (1) filosofía (6) física (2) fomento da lectura (144) fondos (1) formación de usuarios (8) formularios (1) fotografía (6) galego (6) Galicia (43) Gastronomía (1) graduación (4) guías (3) HªEscritura (18) HªOlimpiadas (9) historia (46) homenaxe (65) humor (19) ilustración (8) inglés (41) iniciativas (10) intercambio (4) interculturalidade (14) internet (14) latín (2) letras galegas (53) LIBROS (148) LibrosVivintes (3) linguas estranxeiras (8) literatura (87) manualidades (2) matemáticas (10) medio ambiente (22) microrrelatos (1) mitoloxía (8) mochilas viaxeiras (1) Morte de Sócrates (1) mulleres (44) MUSE (1) música (50) narrativa (40) natureza (2) Nobel (4) noticias (39) obituario (24) obradoiro (3) Odisea (1) OPINIÓN (2) ortografía (2) patrimonio (18) paz (49) pioneiros (20) poesía (73) premios (46) presentación (14) publicidade (3) química (1) radio (1) RD25Anos (5) recursos (16) revista (2) roteiros (3) S.C.AntiguaGrecia (15) Samaín (8) saúde (6) semana cultural (123) solidariedade (12) teatro (25) textos (1) tics (44) titoría (3) traballo por proxectos (9) traducción (1) tríptico (1) verán (3) viaxes (3) vídeos (93) violencia de xénero (8) votacións (3) xadrez (1) xeografía (7) xogos (15) xornadas (1) xornalismo (3) xubilación (1)

PUBLICACIÓNS POPULARES DA SEMANA

PUBLICACIÓNS POPULARES DO MES

PUBLICACIÓNS POPULARES DE SEMPRE

LinkWithin

Related Posts with Thumbnails

BIBLIOTECAS ESCOLARES DE GALICIA

BIBLIOTECAS ESCOLARES DE GALICIA
Blogue

BIBLIOTECAS GALEGAS DE PRIMARIA

BIBLIOTECAS GALEGAS DE PRIMARIA
Blogues

BIBLIOTECAS GALEGAS DE SECUNDARIA

BIBLIOTECAS GALEGAS DE SECUNDARIA
Blogues

BLOGALIZA

CANAL LECTOR

PASAPALABRA

PORTAL DAS PALABRAS

PROLINGUAPROLINGUAPROLING

TICs

educ@conTIC

WIKISABER