18/12/15

BO NADAL 2015 DENDE ARQUIVOS


Dende Arquivos queremos desexarvos unhas Felices Festas. Pásade un Bo Nadal e uns felices días de descanso.

Por se queredes seguir os pasos de Papá Noel, deixámosvos este enlace: SEGUÍDEO.
Versións en inglés @ ClickOnEnglish: SANTA TRACKER e máis fotos e descrición das tradicións de Nadal polo mundo A SNAPSHOT OF CHRISTMAS AROUND THE WORLD.

16/12/15

UNHAS PIONEIRAS: AS SUFRAXISTAS


O vindeiro venres, estréase unha nova película "SUFFRAGETTE", un drama histórico dirixido por Sarah Gavron e escrita por Abi Morgan coa presencia das actrices Carey Mulligan, Helena Bonham Carter e Meryl Streep. Conta a historia do movemento Sufraxista. Este movemento feminino que loitou polo dereito de voto das mulleres. É un movemento pioneiro sobre o que imos traballar na nosa Semana Cultural 2016. O Departamento de Inglés traballará neste tema.
Podedes ver aquí un fotograma da película e o trailer en castelán:




+ info: Versión inglesa desta entrada con enlaces a máis información @ ClickOnEnglish.

14/12/15

GUÍA DE NADAL

Xa andamos estes días repartindo aos titores a Guía de Nadal para que vos comenten as lecturas que a Biblioteca recomenda para estas datas. Pero ademais, todos os usuarios que esta última semana de clase levedes en préstamo algún documento recibiredes un exemplar da guía e un marcapáxinas navideño.

"Un libro aberto é un cerebro que fala; pechado, un amigo que agarda; esquecido, un alma que perdoa; destruído, un corazón que chora" - Proverbio indú 




13/12/15

ACTO DE HOMENAXE A LUÍSA VILLALTA



Como sempre, na última semana de clase antes das vacacións de Nadal, a Biblioteca celebra un acto de homenaxe a un escritor galego. Este curso tócalle o turno á escritora Luísa Villalta. Os cursos que preparastes algún texto dela, acudiredes á biblioteca cos vosos profesores a lelos e ver unha presentación desta autora. Como colofón, se estivestes atentos, poderedes resolver un pasapalabra con preguntas sobre a súa vida e obra. O horario dos actos é o seguinte:



Para que todos os demais profesores e grupos tamén poidades ver a presentación nas aulas deixámosvos a presentación e o pasapalabra que elaboramos.


Luísa Villalta from Matilde De Cal on Vimeo.


Crea tu pasapalabra educativo

12/12/15

LEDICIA COSTAS E ANTÓN CORTIZAS: AUTORES GALEGOS DE LITERATURA INFANTIL E XUVENIL


Dous dos mellores autores da literatura infantil e xuvenil en galego, estiveron o pasado xoves dando unha conferencia para profesores e mestres de linguas no centro Eduardo Pondal de A Coruña dentro dos XII Encontros con Autores que organiza o CEFORE. Acercámosvos a súa biografía e obras:
Ledicia Costas (Vigo, 1979), Premio Nacional de Literatura Infantil e Xuvenil na súa edición 2015 pola súa novela 'Escarlatina, a cociñeira defunta'. Este galardón concedido polo Ministerio de Educación, Cultura e Deporte para distinguir unha obra de autor español, escrita en cualquera das linguas oficiais do Estado e editada en España durante o pasado ano 2014. 
+ info: LEDICIA COSTAS e na Wikipedia.


Antón Cortizas Amado (Ferrol1954) é mestre e escritor de literatura infantil en lingua galega. Galardoado co premio Merlín en 2001, e co premio O barco de vapor en tres ocasións.

+ info: AS SÚAS OBRAS.

Vale a pena achegarse aos seus libros. "O corazón de Xúpiter" de Ledicia Costas é dos nosos recomendados pola biblioetca este nadal.

09/12/15

CONCURSO "Recoméndoche un libro"

Este venres 11 de decembro termina o prazo para presentar as tres fichas elixidas en cada clase para participar no concurso "TES UN MOMENTIÑO? EU RECOMÉNDOCHE.....". O día 16 daremos a coñecer os catro gañadores da ESO, un por nivel.


08/12/15

35 ANOS SEN LENNON


Recordando a John Lennon no 35 aniversario do seu asesinato en Nova York con algunhas das súas citas máis famosas. 
Como a da foto superior: "Imaxina a toda a xente vivindo en paz". E as demáis que seguen...

"Non necesitas a ninguén que che diga quen eres ou que eres. Eres o que eres"

"A vida é o que pasa mentras fas outros plans"

"Para o mundo pode que sexas unha persoa, pero para unha persoa pode que sexas o mundo"

"Vivimos nun mundo donde nos escondemos para amarnos, mentras que se practica a violencia á luz do día"


04/12/15

CULTURGAL 2015

Culturgal, a Feira das 
Industrias Culturais Galegas, é a gran casa da cultura galega. Un espazo de encontro, unha oportunidade e unha ferramenta. Un punto de encontro no que o sector da cultura mostra a súa forza. Unha oportunidade para mostrar novos proxectos e iniciativas ante outras empresas, institucións e ao público en xeral nun gran escaparate.
Pero ademáis Culturgal é unha ferramenta para promover, apoiar e reforzar a acción cultural que se desenvolve en Galicia. Remarcar o valor social e económico desa acción cultural é unha misión central da Feira.
Celébrase esta fin de semana en Pontevedra.



01/12/15

LOQUELEO


Estamos de estrea, nace unha nova editorial de literatura infantil e xuvenil. E un novo proxecto da editorial Santillana que continúa con todo o historial da antigua Alfaguara infantil e editará novas obras. Chámase LOQUELEO. Presentouse xa en Arxentina e vai extenderse ao resto de Latinoamérica, España e Europa. O seu lanzamento oficial foi o pasado 28 de novembro na Feria Internacional do Libro de Guadalaxara (México). Empezará en España a principios de 2016.

+ info:
- Paxina web oficial: loqueleo.com

28/11/15

NA MORTE DE XOSÉ NEIRA VILAS


«Eu son Balbino. Un rapaz de aldea. Coma quen di, un ninguén. E ademais, pobre».    [Primeiras liñas de "Memoria dun Neno Labrego"]

Onte á mañá soupemos da morte dun grande das Letras Galegas: Xosé Neira Vilas. Faleceu na súa casa de Gres (Vila de Cruces) aos 87 anos. Xosé era un narrador, ensaísta, periodista, poeta... ainda en activo e con proxectos e coñecido por ter escrito un dos libros esenciais das letras galegas Memorias dun Neno Labrego, a testemuña da vida no rural galego. Libro que foi traducido a moitos idiomas.  Membro da Real Academia Galega, ten recibido moitos premios e galardóns ao longo da súa vida.
DEP, Xosé Neira Vilas.


+ info:

27/11/15

CENTENARIO DA TEORÍA DA RELATIVIDADE DE EINSTEIN


Neste mes de novembro de 2015, cúmplese o centenario da Teoría da Relatividade de Albert Einstein e que supuxo todo un hito que modificou a concepción do mundo. O mundo tal e como o coñecemos na actualidade débelle moito aos descubrimentos deste ciéntifico.

+ info:

Centenario de Einstein (Unam)

25/11/15

25 NOVEMBRO DÍA INTERNACIONAL CONTRA A VIOLENCIA DE XÉNERO.

48 no que vai de 2015!

Un ano máis, o día 25 de novembro se denuncia a nivel mundial a violencia que están a sufrir as mulleres. Recórdase que son demasiadas as mulleres asesinadas en todo o mundo por esta lacra. E non so mulleres, a menudo son os fillos tamén.
Neste ano 2015 e soamente en España foron asesinadas 48.

24/11/15

AS VÍCTIMAS DO TERRORISMO NO MUNDO.


Despois dos ataques terroristas da pasada semana en París e Mali, e as amenazas que seguen en todo o mundo, aquí tedes un map que mostra o número de víctimas en ataques terroristas o ano pasado arredor do mundo, según o Global Terrorsim Index que se publicou fai hoxe unha semana.
Boko Haram aparece como o grupo terrorista mais perigoso do mundo. Operando dende o norte de Nixeria, este grupo asesinou mais de 6.600 persoas o ano pasado. O grupo de EI ou ISIS foi o segundo matando a un pouco mais de 6.000 persoas. Ambos os dous grupos son responsables de mais de metade das mortes (51%) por terrorismo no ano mais mortífero de toda a historia., cun aumento do 80% en comparación co ano anterior.
32.654 persoas morreron o ano pasado en ataques terroristas (nove veces máis víctimas que no ano 2000). O 80% destes ataques ocurriron so en cinco países: Iraq, Afganistán, Pakistán, Nixeria e Siria.

Versión en inglés desta entrada @ ClickOnEnglish.

21/11/15

VI XORNADAS DO PLAMBE (20-21 de novembro 2015)

Como vos anunciábamos neste blog hai uns días, este venres e sábado tiveron lugar en Compostela as VI Xornadas de Bibliotecas Escolares de Galicia organizadas pola Dirección Xeral de Centros e Recursos Humanos, a través da Asesoría de Bibliotecas Escolares e a Dirección Xeral de Educación e Formación Profesional e Innovación Educativa, a través do CAFI. Tamén vos adiantábamos que este ano tocáballe a nosa biblioteca contar aos profesores doutros centros quen somos, como estamos organizados e que actividades facemos. A ponencia, titulada "ABRINDO ESPAZOS, SUMANDO VONTADES", foi defendida pola nosa coordinadora do equipo de biblioteca e podédela ver aquí completa.


20/11/15

UN POUCO DE AUTOCRÍTICA: TODOS SON VÍCTIMAS



Oportuna reflexión autocrítica nestes momentos. Según estadísticas, hai moitísimas máis víctimas por ataques terroristas  en Nixeria, Irak, Siria... Todos son víctimas. Non hai unhas víctimas de primeira e de terceira clase.

O perigo de poñerse a foto de perfil co filtro da bandeira francesa



19/11/15

FORGES SOBRE AS GUERRAS...


As reflexións de Forges nas súas viñetas... Conducen a algo as guerras? Ou foron as que nos trouxeron a donde estamos...  ("EL PAÍS")



16/11/15

PAZ PARA PARIS E PARA TODO O MUNDO



Tras os ataques terroristas do pasado venres en París, queremos mostrar a nosa total repulsa e condena ante este atroz ataque á vida humana. As nosas sentidas condolencias ás familias das víctimas e aos feridos para unha pronta e completa recuperación. Condolencias extensivas a todas as víctimas do terrorismo en todo o mundo. 


Versión inglesa @ ClickOnEnglish.

13/11/15

PREMIO CERVANTES 2015 PARA FERNANDO DEL PASO

O escritor mexicano Fernando del Paso (Cidade de México, 1 abril de 1935) ven de ser galardonado co Premio Cervantes 2015. 
Fernando é ademáis académico, dibuxante, pintor, diplomático.
Especialmente recoñecido por tres extensas novelas, consideradas entre as mellores da narrativa mexicana do século XX: José Trigo, Palinuro de México e Noticias del Imperio.
Como sempre, faráselle entrega do premio o vindeiro 23 de abril.

+ info:

10/11/15

APRENDENDO A BUSCAR NA REDE CON EFICIENCIA


Reeditamos esta entrada porque non funcionaba á presentación que tiñamos enlazada. Aproveitamos para ampliar a información.
Grazas a formar parte do PLAMBE temos a sorte de acceder a traballos tan bos e útiles coma este que hoxe volvemos a colgar en arquivos. Baixo o título "Aprende a buscar na rede con eficiencia", dúas profesoras, Olga do CEIP Milladoiro de Malpica e Charo do IES Sánchez Cantón de Pontevedra, explícanos cómo debemos prantexar unha búsqueda na rede para que esta sexa o máis eficiente posible. Desde arquivos o noso máis sinceiro agradecemento polo traballo e a xenerosidade.

Podedes ver a presentación de novo neste ENLACE.
+ info: TRATAMENTO DA INFO E COMPETENCIA DIXITAL.

09/11/15

NOVEMBRO 2015: MES DA CIENCIA NAS BIBLIOTECAS ESCOLARES.


Por segundo ano consecutivo, desde a Consellería de Cultura, Educación e Ordenación Universitaria promóvose a celebración de novembro como  MES DA CIENCIA EN GALEGO NAS BIBLIOTECAS, sumándose á celebración doutras iniciativas como o Día da Ciencia en Galicia, da Real Academia Galega de Ciencias, celebrado o pasado 1 de xuño e dedicado á oceanógrafa galega Ánxeles Alvariño, ou o Día da Ciencia en Galego, que se celebrou o pasado 4 de novembro, a instancia da Institución Galega de Ciencia entre outras institucións. 

06/11/15

PRESUMAMOS


Son ben coñececidas as campañas publicitarias dunha cadea de supermercados galegos que fan bandeira das costumes e formas de ser e sentir dos galegos. Veñen de facer un novo anuncio en donde se reivindica a galeguidade e a nosa forma de ser, ademáis de amosar as marabillosas paisaxes que temos. Presumamos...

Video PRESUMAMOS COMO GALEGOS:

03/11/15

VI XORNADAS DE BIBLIOTECAS ESCOLARES DE GALICIA. [Compostela 20/21-Nov]



Os vindeiros 20 e 21 de novembro terán lugar en Compostela as VI Xornadas de Bibliotecas Escolares de Galicia organizadas pola Dirección Xeral de Centros e Recursos Humanos, a través da Asesoría de Bibliotecas Escolares  e a Dirección Xeral de Educación e Formación Profesional e Innovación Educativa, a través do CAFI.
O programa inclúe unha grande colección de experiencias das bibliotecas escolares galegas como "base de exploracións", que é o lema da campaña deste curso, así como tamén as experiencias de traballos por proxectos e semanas culturais coordinados por elas. A coordinadora do noso equipo de biblioteca Matilde de Cal dará unha desas ponencias baixo o titulo "ABRINDO ESPAZOS, SUMANDO VONTADES". Da que ampliaremos información aquí.



29/10/15

FELIZ SAMAÍN 2015!


Disfrutade destes días de lecer nesta longa fin de semana na que comemoramos o Samaín. Haberá moitas festas nas vilas e cidades durante estes días. Como por exemplo en Cedeira, unha das vilas galegas que máis está a facer na recuperación desta tradición.


+ info: 

Festa do Samaín – Cedeira outubro 2015

HALLOWEEN (SAMAÍN), CABAZAS… PROCEDENCIA CELTA?

[Ocio y Cultura. Blasting news]

28/10/15

O ABECEDARIO MÁIS ANTIGO DO MUNDO



Para a Semana Cultural do curso pasado traballamos moito na procura de información sobre abecedarios, ao tratar o tema da Historia da Escritura. Vimos de atopar unha noticia sobre o descubrimento dun ostracón exipcio (na foto superior) que contén o abecedario máis antigo do mundo, que se coñece ata o momento.
O ostracón é un pedazo de pedra caliza que ten inscrito unha lista de palabras exipcias do século XV a.C. ordenadas polos seus sons iniciais. 
Así que sumamos esta información a toda a que descubrimos para a preparación dese proxecto cultural...

+ info:

IDENTIFICAN O ABECEDARIO MÁIS ANTIGO DO MUNDO NUN OSTRACÓN DE LUXOR

[Ocio y Cultura. Blasting News]

27/10/15

NOVA ACTUALIZACIÓN DO DICIONARIO DA REAL ACADEMIA ESPAÑOLA EN VERSIÓN WEB




Xa temos unha edición actualizada da 23ª versión do Dicionario da Real Academia Española, que se publicou en outubro do ano pasado. Trátase dunha versión actualizada, que xa se pode consultar, eso sí, na páxina web da academia. Conta con novas definicións de palabras como: homoparental, wifi, amigovio. A presentación oficial da versión en línea do dicionario fíxose o pasado día 21 de outubro, apúntase que esta versión en línea renovarase cada 3 meses.

26/10/15

PROCURA DOCUMENTAL

Magnífico traballo realizado coas aportacións de varias persoas:
Gloria Durban Roca, Mª Olga Rodríguez  Díaz.
Infografía feita por Diego A. López Rodríguez.
No centro escolar CEIP Canosa-Rus.


23/10/15

A LIBRARÍA INSTITUCIONAL DA XUNTA

O pasado mes de abril a Xunta de Galicia presentou a súa Libraría Institucional a través da rede. 
Unha plataforma virtual  na que a administración pon a disposición de todo o público todo o seu fondo editiorial, sendo un punto de acceso importante a todos os materiais dispoñibles.
A biblioteca escolar pode atopar neste recurso materiais de interés e unha ferramenta útil para todos os departamentos didácticos do centro.



O sitio web: libraria.xunta.gal

20/10/15

BIBLIOTECA ESCOLAR, BASE DE EXPLORACIÓNS


Xa temos cartel e lema elexidos para a campaña anual das Bibliotecas Escolares 2015:

BIBLIOTECA ESCOLAR, BASE DE EXPLORACIÓNS

E neste enlace tedes + info.

14/10/15

"O PAPIRO DO CÉSAR". VOLVE ASTÉRIX... OUTRA VEZ!


Astérix está de volta...
Outra vez! O vindeiro 22 de outubro, volven os Galos nun lanzamento simultáneo en máis de quince países e traducido a máis de vinte linguas.
O volume número 36 das aventuras de Astérix e Obélix titularase O PAPIRO DO CÉSAR.
Parece que as novas historias adáptanse aos novos tempos: un dos personaxes está inspirado en Julian Assange e haberá referencias ás redes sociais cunha equivalencia á época Romana.
O argumento inspírase nos sete volumes dos Comentarios das Guerras das Galias escritos por Xulio César, nas que relataba os 9 anos de batallas que pasou combatindo os exércitos que se opoñían á dominación romana no actual territorio francés.



Do último volume das súas aventuras (de 2013 ASTÉRIX E OS PICTOS) vendéronse máis de 5 millóns de exemplares en todo o mundo. A nova entrega espera revalidar o éxito. Distribuiranse más de 160 mil exemplares en castelán, 25 mil en catalán, 4 mil en euskera, 3 mil en galego e 1.500 en asturiano!! Do total dos 35 volumes levan vendidos, a finais de 2014, máis de 350 millóns de copias

10/10/15

O DRAMA SIRIO, O DRAMA DA EMIGRACIÓN

Hoxe unha reflexión...


Mentras esquecemos ou non os dramas humáns que nos conmocionan, a escola debería levalos ás aulas para reflexionar sobre eles. E ainda que esquezamos a nosa historia recente, a que nos queda por escribir non é unha sucesión de relatos inevitables. Educación e conformismo son termos en disputa. A escola debe traballar por un cambio de mentalidade que force a súa vez un cambio nunha realidade que nos disgusta. de outra maneira, estaremos falando sempre dunha escola que esconde dita realidade para facerse cómplice da súas inxusticias.
Un sistema que insiste no seguimento escrupuloso de programacións e libros de texto está negando a forza do presente como materia educativa.




09/10/15

NOBEL DE LITERATURA 2015: SVETLANA ALEXIEVICH


O Premio Nobel de Literatura foise este ano a Bielorrusia para a escritora e xornalista Svetlana Alexievich. Para máis información sobre ela:

07/10/15

NOVOS DESCUBRIMENTOS ARQUEOLÓXICOS EN MONDOÑEDO (LUGO)



El patrimonio arqueolóxico de Mondoñedo increméntase con dous novos achados localizados ao longo deste ano polo servizo municipal de Arqueoloxía, dirixido por Abel Vigo. Trátase dos restos dun menhir de case tres metros de altura que está ubicado nas proximidades do Pico da Toxiza y dun Castra Aestiva, un campamento militar romano de campaña, localizado cerca da parroquia de Estelo.
Persoal do Servizo de Arqueoloxía da delegación lucense da Dirección Xeral de Patrimonio, xunto co de Mondoñedo visitaron os lugares, procedendo a súa catalogación.
Nos próximos días, procederase á documentación detallada de cada un deles e á elaboración de proxectos de investigación relacionados cos mesmos, sobre todo no caso do campamento para tentar de corroborar o que a todas luces parece un novo vestixio romano en Mondoñedo.
Según o área de Arqueoloxía de Mondoñedo, o menhir é un monumento, da época megalítica e en Galicia hai poucos e en A Mariña, sinalan, ningún catalogado.
De campamento, din que presenta ben visible unha especie de línea rectangular que se correspondería co perímetro típico dos campamentos militares de campaña, que rodeaban dunha especie de elevación (como un murete), con foso exterior.

05/10/15

5 OUTUBRO - DÍA MUNDIAL DOS DOCENTES: FRASES TÍPICAS.



Hoxe é o Día Mundial dos Docentes, como cada 5 de outubro. Este ano baixo o lema "Empoderar ao profesorado para construir sociedades sostibles". 
Queremos celebralo traendo un artigo do Huffington Post que recopila as frases máis típicas y repetidas polos profes.
Hai profesores que deixan pegada, hainos que se recordan polo seu mal carácter, os que tiñan un mote graciosísimo, os que foron decisivos para elexir unha profesión ou outra... Nas distintas etapas escolares, houbo profesores de todos os tipos, pero moitos con algo en común: usaban as mesmas frases unha e outra vez. Un fenómeno que se repite en todas as xeracións e aulas.

Enlace:
FRASES TÍPICAS DOS PROFESORES. ("Huffington Post").

Posiblemente a frase máis repetida en todo o país:

"De qué te ris? Dio en voz alta e así rímonos todos"


Poderás ver algunhas máis se picas no enlace superior.

29/09/15

TIM BOWLER: UN AUTOR PARA ADOLESCENTES


Tim Bowler é un autor británico (Leigh-on-sea, Inglaterra) que escribe para nenos e rapaces. En 1996 gañou a Medalla Carnegie ao mellor libro infantil de ano por "O CHICO DO RIO" ("RIVER BOY"). Cursou sueco e estudios escandinavos na Universidade East Anglia. Tras pasar por varios traballos, dedicouse á ensinanza de linguas chegando a ser director de Lenguas Modernas na escola Newton Abbot. Ademáis de súa labor literaria, é tamén traductor.

A súa obra cíñese á literatura xuvenil. Caracterízase por sólidas descripcións e diálogos, con frases breves e un gran ritmo narrativo. Ten recibido algúns premios de literatura xuvenil.


Estes días andivo por España e concedeu unha entrevista ao xornal El País:

Todo o mundo trata de crear outro Harry Potter, pero nunca haberá nada igual. Foi incríble.

Hai que explicar aos rapaces que non teñen por qué deixar a súa vida en Internet, as súas redes, os seus móbiles para ler.

Para máis info sobre este autor,  aquí a súa páxina web en inglés: TIM BOWLER

Tim Bowler: it’s fun. It’s joyous. It’s life affirming. Reading is great!


Tim Bowler sobre a lectura: "É divertido. Da alegría. Da motivos para vivir. Ler é fabuloso!"

23/09/15

ABRIMOS A BIBLIOTECA

Por fin, despois dunha semana complicada organizando a súa apertura, mañá xoves abrimos a biblioteca para toda a comunidade educativa. Esperámosvos un curso máis para facer da biblioteca entre todos "o mellor lugar do Instituto". A semana que vén celebraremos "a semana de portas abertas". Mentres, podedes ir devolvendo os préstamos deste verán e solicitando documentos que queirades que pidamos ao longo deste primeiro trimestre. 

Todos os comezos de curso son difíciles e, como non hai nada como o humor para aliviar o ánimo, aquí tedes esta viñeta.



10/09/15

NOVO CURSO

A semana que vén comezaremos o novo curso 2015-2016 (tempus fugit!) e arquivos quere anticiparse e darvos a benvida cunha nova literaria. O vindeiro 22 de outubro sae ao mercado unha nova aventura de Astérix e Obélix, "O papiro do César", cun novo personaxe e inspirada na "Guerra das Galias", libro histórico escrito por Xulio César. Neste enlace podedes ler a entrada que fai o blog La túnica de Neso a quen lle agradecemos a información. 

Bonus Promoplús


Encargaremos un exemplar para a biblioteca. BENVIDOS!

ETIQUETAS

8-M a lingua acoso-bullying actividadeBiblio actualidade adolescencia Ágora alfin amor animación ApadriñaLector arqueoloxía arte astronomía audio audiovisual autores baile bibliotecas bioloxía blog cartel centenario certames cidades ciencia ciencia-ficción cine club de lectura comic compromiso concertos concursos conferencia congresos contacontos Cosmos cuca cuestionario curta dereitos humanos deseño dicionarios didáctica discapacidade DIVERINTERCULTURAL DiversidadeCultural documentais educación efemérides encontros con escritores enl enlaces enquisas ensaios entrevista entroido exposicións expresión oral familias feminismo ficha filosofía física fomento da lectura fondos formación de usuarios formularios fotografía francés galego Galicia Gastronomía graduación Grego guías HªEscritura HªOlimpiadas historia homenaxe HoraDeLer humor ilustración inglés iniciativas intercambio interculturalidade internet latín letras galegas LIBROS LibrosVivintes linguas estranxeiras literatura manualidades matemáticas medio ambiente microrrelatos mitoloxía mochilas viaxeiras mulleres MUSE museos música nadal narrativa natureza Nobel noticias O CINE O MAR obituario obradoiro Odisea OPINIÓN ortografía P.Cervantes P.Dado Pasapalabra patrimonio PATRIMONIOGALEGO paz pioneiros PLAMBE PlanProxecta poesía premios presentación publicidade química radio Radiofiestra RadioNaBiblio RD25Anos recursos revista roteiros S.C.AntiguaGrecia Samaín saúde semana cultural solidariedade teatro textos tics titoría traballo por proxectos traducción tríptico verán viaxes vídeos violencia de xénero votacións xadrez xeografía xogos XOGOSTRADICIONAIS xornadas xornalismo xubilación

PUBLICACIÓNS POPULARES DA SEMANA

PUBLICACIÓNS POPULARES DO MES

PUBLICACIÓNS POPULARES DE SEMPRE

ESTATÍSTICAS DE VISITAS

LinkWithin

Related Posts with Thumbnails

BIBLIOTECAS ESCOLARES DE GALICIA

BIBLIOTECAS ESCOLARES DE GALICIA
Blogue

BIBLIOTECAS GALEGAS DE PRIMARIA

BIBLIOTECAS GALEGAS DE PRIMARIA
Blogues

BIBLIOTECAS GALEGAS DE SECUNDARIA

BIBLIOTECAS GALEGAS DE SECUNDARIA
Blogues

BLOGALIZA

CANAL LECTOR

PASAPALABRA

PORTAL DAS PALABRAS

PROLINGUAPROLINGUAPROLING

TICs

educ@conTIC

WIKISABER