25/02/15

ANA ALCOLEA NO "RAFAEL DIESTE"

(Foto: conocelautor.com)


Onte recibimos a visita no noso centro da escritora Ana Alcolea. O alumnado de 3ºESO poido escoitar a súa charla despois de ter lido un dos seus libros "El secreto del galeón" e tamén ter o seu exemplar do libro firmado pola propia autora.

Ana Alcolea Serrano, naceu en Zaragoza, en 1962. 
É licenciada en Filoloxía Hispánica e diplomada en Filoloxía Inglesa. Dende 1986, é profesora de secundaria nun instituto. 
Viviu en Teruel, Cantabria e Alcalá de Henares. 
Pasa largas temporadas en Noruega. Gústalle viaxar e sempre o fai cun caderno no que toma notas e apuntes que logo recrea nas súas novelas.Os seus primeiros recordos veñen da súa primeira viaxe a Italia, un país ao que volve sempre que pode. 
A súa obra é de literatura infantil – xuvenil. Fiel á súa profesión, pronuncia frecuentes charlas en colexios e institutos (como o de onte no "Rafael Dieste"), e publica artígos didácticos sobre teatro (sobre todo do “clásico” español) e sobre lingua e literatura.



"O SEGREDO DO GALEÓN"
Principios do século XIX: Marina viaxa xunto coa súa familia a España dende as colonias americanas. Ela non se parece en nada ás súas irmás: non pensa en casarse nin en bordar o seu enxoval, so desexa vivir no mar, convertirse en mariñeira; algo completamente imposible. Dos seus pensamentos e anhelos sabe moito a súa escrava Ramira, unha muller á que lle arrebataron todo o que algunha vez amou e que oculta un gran poder herdado do seus antepasados africanos. Na actualidade, a nai de Carlos estudia os restos dun galeón español afundido no Atlántico. Hai algo nestes obxetos que a inquieta, que fai que non traballe a gusto, e esta sensación aumentará coa chegada ao museo do seu exmarido para colaborar na restauración. Mentras, Carlos intentará acercarse de todas as formas posibles a Elena, unha compañeira de clase. O que non sabe é que, grazas ao estudio do seus pais, poderá estreitar lazos con ela.

[Información de: compartelibros.com]

Máis fotos coas firmas do libro:

24/02/15

GOOGLE CON ROSALÍA NO SEU 178 ANIVERSARIO


Se hoxe entrades en Google para buscar algo na rede, atoparédesvos con este "doodle" (as ilustracións que decoran á páxina de Google para sinalar a efemérides do día) adicado á nosa escritora máis universal: Rosalía de Castro, no 178 aniversario do seu nacemento.

21/02/15

DÍA INTERNACIONAL DA LINGUA MATERNA 2015: QUINCE ANIVERSARIO


O termo lingua materna refírese á primeira lingua ou idioma que aprende unha persoa. Chámase "materna" porque é a muller quen a transmite aos fillos. Tamén se refiere á  lingua que se coñece mellor no caso dos fillos de pais con idiomas distintos ou no caso de ser unha persoa que coñece moitas linguas. Así como, á lingua adquirida de forma natural sen intervención pedagóxica.
A importancia da lingua materna, explícanos a UNESCO, é unha que merece gran reflexión e atención. En primeiro lugar, as linguas son dunha riqueza cultural incalculable, trátase nada menos que dunha forma única de interpretar a realidade, un ben cultural que conxunta identidade, integración social, comunicación. 
Este ano cúmplense 15 años de accións e "estructura de vixilancia operativa" que realiza a Organización das Nacións Unidas para a Educación, a Ciencia e a Cultura (UNESCO). Ano a ano, dende o 2000, levaron ao tema a distintos aspectos culturais nos que resalta o valor e a atención ás linguas maternas.
Este ano 2015 o tema é A educación inclusiva por medio do idioma – Os idiomas contan. Resulta un tema moi complicado e importante debido ao traballo que se ten por diante: capacitación docente, sensibilización social e integración de materiais educativos de calidade.
Para coñecer máis sobre a lingua materna e a riqueza destes podes visitar o sitio Endangered lenguages, "un proxecto destinado á preservación e documentación de linguas de todo o mundo". En ese sitio se explica que das 7 mil linguas que se falan actualmente se espera que o 50% desaparezan antes do vindeiro século.

14/02/15

PAZ, A FRASE GAÑADORA


Estes son os resultados da enquisa realizada a finais de xaneiro para elixir a frase de paz que nos represente no blog:


RESULTADOS ENQUISA “Cal destas dez frases de paz che gusta máis?”
A paz non é só a ausencia da guerra; mentres haxa pobreza, racismo, discriminación e exclusión difícilmente poderemos acadar un mundo de paz.................................................
24%
A paz debe ser creada dentro de un mesmo, entón se poderá crear na familia e logo na comunidade.............................................................................................................................
21%
A violencia é o medo aos ideais dos demais..........................................................................
9%
Non hai máis calma que a enxendrada pola razón................................................................
6%
Todos queren a paz, e para asegurala, fabrican máis armas que nunca.................................
6%
Cando o poder do amor sexa máis grande que o amor ao poder, o mundo coñecerá a paz....
6%
Se queremos un mundo de paz e de xustiza hai que poñer decididamente a intelixencia ao servizo do amor...........................................................................................................................
3%
Cando os ricos fan a guerra son os pobres os que morren.........................................................
3%
É unha gran inxustiza facernos crer que é inevitable o que é evitable......................................
3%
A violencia é o último recurso do incompetente.........................................................................
0%



Polo tanto, a nosa frase de paz é
"A paz non é só a ausencia da guerra; mentres haxa pobreza, racismo, discriminación e exclusión difícilmente poderemos acadar un mundo de paz"

Quedará de forma permanente neste blog.

13/02/15

ENTROIDO 2015


Preparados un ano máis a celebrar o Entroido que chega para ser disfrutado a tope! Pasádeo moi ben!

- Outros Entroidos en ArquivosDoTrasno.

11/02/15

SEMANA DO AMOR

Saímos da semana da paz e xa estamos metidos na do amor. Este curso seguimos coa actividade que tanto éxito tivo o ano pasado, os tuits de amor. Engadimos unha novidade, podedes enviar tamén whatsapps


Seleccionamos tamén textos de temática amorosa, algúns cun enlace musical, para que todo o que queira atope neles esas palabras que quixéramos dicir e non nos saen, esas palabras que os poetas xa inventaron por nós e para nós. Esta selección de textos de amor enviarémola a todo o profesorado por correo e poñeremos unha copia en papel enriba da mesa da sala de profesores. A finalidade é que teñamos material suficiente para ler estes días nas aulas. Esperamos que vos gusten. 
OMNIA VINCIT AMOR (Virxilio dixit)

Mañá venres obsequiaremos a todos os usuarios da biblioteca cun poema.
Enlace: A HISTORIA DE SAN VALENTIN e moito + EN INGLÉS ClickOnEnglish

A AVENTURA DE LER LIBROS, SEGÚN JOSÉ Mª MERINO

[Foto: EFE]

José María Merino, nacido en A Coruña (5-Marzo-1941), é un escritor, poeta, ensaísta, que escribe en castelán e membro da Real Academia da Lingua. Toda a información sobre él AQUÍ. Deixámosvos outro enlace no que fala do que ler é para él, toda unha aventura.

Enlace. A AVENTURA DA FICCIÓN

09/02/15

QUE A CIENCIA TE ACOMPAÑE




Outra entrada referida ao cine e as ciencias, trátase dun libro "QUE LA CIENCIA TE ACOMPAÑE" de Miguel Barral. Aquí incluímos un resumo do contido.

"Entre a ciencia e o cine existe unha relación ineludible e íntima, que se fai explícita na denominación dun dos xéneros máis populares: a ciencia-ficción. Pero esta relación ten un reverso tenebroso. Un lado oscuro ao que conducen os erros conceptuais ou de contido e de natureza científica que abundan nas películas e que denotan un profundo descoñecemento da cuestión que se está a tratar. Este libro revela e intenta aclarar algúns destes erros científicos agazapados nos diálogos das películas. Invitamosvos a que leades eses diálogos como verdadeiras “adiviñas científicas” que desafían y que tedes que tratar de resolver".

04/02/15

AS MATEMÁTICAS NO CINE


Seguindo coa temática matemática ao que adicamos actividades na biblioteca durante o primeiro trimestre, traemos hoxe un enlace a unha páxina que recopila 15 películas que teñen que ver ou se basean nas matemáticas. Para que vos poñades a ver alguna delas...
Picade aquí: 15 películas baseadas nas matemáticas

02/02/15

A ESCRITURA NO SÉCULO XXI / WRITING IN THE XXIst CENTURY


O pasado venres 23 de xaneiro, celebrábase no mundo anglosaxón o National Handwriting Day (o Día Nacional de Escritura). Algún xornal, como o británico, The Guardian celebraba o día no seu blogue cunha recopilación de citas literarias escritas á man, como podedes ver neste enlace. Un dos exemplos pódese ver nesta foto inferior, cunha cita dun libro de Harry Potter e da súa autora J.K. Rowling.

Como xa todos sabedes, a semana cultural deste ano tratará precismente o tema da historia da escritura. O Departamento de Inglés do instituto participará con actividades sobre a escritura do século XXI. No blogue de inglés foron aparecendo entradas adicadas a cómo escribimos na actualidade (mensaxes de móbil, emoticonos, tweets...) e diferentes propostas de participación de cara a ter material para expoñer e poder montar actividades para a semana cultural.
Podedes seguir estas entradas e as propostas de actividades indo ao blogue ou enlazando dende aquí:  ClickOnEnglish/TheHistoryOfHandwriting/WritingInTheXXICentury.

ETIQUETAS

8-M a lingua acoso-bullying actividadeBiblio actualidade adolescencia Ágora alfin amor animación ApadriñaLector arqueoloxía arte astronomía audio audiovisual autores baile bibliotecas bioloxía blog cartel centenario certames cidades ciencia ciencia-ficción cine club de lectura comic compromiso concertos concursos conferencia congresos contacontos Cosmos cuca cuestionario curta dereitos humanos deseño dicionarios didáctica discapacidade DIVERINTERCULTURAL DiversidadeCultural documentais educación efemérides encontros con escritores enl enlaces enquisas ensaios entrevista entroido exposicións expresión oral familias feminismo ficha filosofía física fomento da lectura fondos formación de usuarios formularios fotografía francés galego Galicia Gastronomía graduación Grego guías HªEscritura HªOlimpiadas historia homenaxe HoraDeLer humor ilustración inglés iniciativas intercambio interculturalidade internet latín letras galegas LIBROS LibrosVivintes linguas estranxeiras literatura manualidades matemáticas medio ambiente microrrelatos mitoloxía mochilas viaxeiras mulleres MUSE museos música nadal narrativa natureza Nobel noticias O CINE O MAR obituario obradoiro Odisea OPINIÓN ortografía P.Cervantes P.Dado Pasapalabra patrimonio PATRIMONIOGALEGO paz pioneiros PLAMBE PlanProxecta poesía premios presentación publicidade química radio Radiofiestra RadioNaBiblio RD25Anos recursos revista roteiros S.C.AntiguaGrecia Samaín saúde semana cultural solidariedade teatro textos tics titoría traballo por proxectos traducción tríptico verán viaxes vídeos violencia de xénero votacións xadrez xeografía xogos XOGOSTRADICIONAIS xornadas xornalismo xubilación

PUBLICACIÓNS POPULARES DA SEMANA

PUBLICACIÓNS POPULARES DO MES

PUBLICACIÓNS POPULARES DE SEMPRE

ESTATÍSTICAS DE VISITAS

LinkWithin

Related Posts with Thumbnails

BIBLIOTECAS ESCOLARES DE GALICIA

BIBLIOTECAS ESCOLARES DE GALICIA
Blogue

BIBLIOTECAS GALEGAS DE PRIMARIA

BIBLIOTECAS GALEGAS DE PRIMARIA
Blogues

BIBLIOTECAS GALEGAS DE SECUNDARIA

BIBLIOTECAS GALEGAS DE SECUNDARIA
Blogues

BLOGALIZA

CANAL LECTOR

PASAPALABRA

PORTAL DAS PALABRAS

PROLINGUAPROLINGUAPROLING

TICs

educ@conTIC

WIKISABER