A LECTURA

Estes días andamos os profesores dándolle voltas a un tema que nos preocupa, A LECTURA. E preocúpanos porque é unha ferramenta básica (agora chámanlle "competencia") para a vida, para que unha persoa se poida desenvolver dunha maneira máis digna. E preocúpanos porque estamos comprobando que os alumnos non len "case nada" e non entenden o pouco que len. Claro que hai excepcións, pero esas non nos preocupan. Ademais constatamos que o pouco que len é o que lemos nas clases ou o que lles mandamos ler obrigatoriamente para aprobar unha materia.