PLAN ANUAL DE LECTURA

Estamos a elaborar o PLAN ANUAL DE LECTURA que, como xa sabedes, é a revisión e reflexión anual que cómpre facer a finais de curso sobre o Proxecto Lector. Un dos aspectos que este curso queremos mellorar é a integración dos recursos da biblioteca nos curriculos das diferentes materias. Para iso vimos elaborando ao longo deste último trimestre os seguintes listados de fondos que cremos poden ser importantes para ter en conta á hora de elixir as lecturas obligatorias e ás d´A Hora de Ler:

-listado de fondos de Literatura galega ou en galego dos que hai cinco exemplares ou máis/listado de fondos de Literatura española ou en español dos que hai cinco exemplares ou máis

-libros de literatura xuvenil galega ou en galego dos que hai cinco exemplares ou máis/libros de literatura xuvenil española ou en español dos que hai cinco exemplares ou máis

-listado de películas por orde alfabética

-listado de películas por xénero

-listado de películas por nº de rexistro

-mapa topográfico de DVDs na biblioteca

Estes listados foron compartidos con todos vós en google drive para que os poidades consultar e comentar sempre que queirades. Entregaremos tamén unha copia en papel a cada departamento na última CCP de curso. O obxectivo é que os profesores coñezamos os recursos que temos ao noso alcance para  aproveitalos e difundilos entre o alumnado.