BO VERÁN!

Recollidas as calificacións, empeza o periodo de descanso estival. A todos, desconectade e pasádeo moi ben

TRABALLO POR PROXECTOS

Na última CCP volvimos a falar do traballo por proxectos. Alguns expuxemos a posibilidade de comezar a traballar por proxectos nas aulas de reforzo e de diversificación. Pois ben, sirva este enlace para incidir no tema, convencidos como estamos da necesidade de implantar un cambio na metodoloxía.

"DÍGAME Y OLVIDO, MUÉSTREME Y RECUERDO. INVOLÚCREME Y COMPRENDO" [proverbio chino]

GUÍA E PRÉSTAMO DE VERÁN

Mañá comezaremos a repartir polas aulas a guía de lectura para o verán. Repartiremos unha guía en cor por aula e será o titor o encargado de promocionala entre o seu alumnado. Na biblioteca repartiremos tamén unha guía a todos os usuarios que leven estes días algun documento para o verán. O préstamo de verán abarca desde o 16 até o próximo 30 de xuño e poden levarse ata tres documentos por persoa que haberá que devolver á volta de vacacións no mes de setembro.

Educación documental

Como xa informamos na CCP e no Claustro, o equipo de biblioteca leva dous anos incorporando no apartado de "formación de usuarios" enlaces a traballos elaborados por alguns centros que estamos no PLAMBE. Pois ben, un destes traballos sobre "alfabetización informacional" (ALFIN) do CEIP Milladoiro foi actualizado recentemente e, como nos parece francamente interesante e de gran axuda cando poñamos a andar a educación documental como materia nova para 2º de ESO no curso 2016-2017, traémolo aquí para que lle botedes unha ollada. Pode servirnos como punto de partida para comezar a pensar nun programa propio. Temos todo un ano por diante. 

ENQUISA BIBLIOTECA 2015

Todos os anos por estas datas o profesorado do equipo prepara a memoria anual da biblioteca. Para avaliar os seus recursos e actividades elaboramos esta enquisa con 8 preguntas (baixade a barra lateral para velas todas), que necesitamos que todo o profesorado conteste con absoluta sinceridade. Por medio dela queremos ver que cousas funcionaron ben e cales necesitan cambios que nos axuden a adaptar a biblioteca ás necesidades do centro.

PREPARANDO A SELECTIVIDADE

En plena época de preparativos para os exames de Selectividade, achegamos 9 pistas útiles para que as teñades en conta:

1- APROVEITA TODO O TRABALLO QUE FIXECHES DURANTE O CURSO.

2- SELECCIONA OS CONTIDOS DAS ASIGNATURAS.

3- ESCRIBE O QUE SABES DA MELLOR MANEIRA POSIBLE.

4- NON CAMBIES A TÚA RUTINA.

5- FAI O QUE QUEIRAS O DÍA ANTES DO EXAME, PERO A NOITE ANTES, DESCANSA.

6- ÍLLATE NO EXAME.

7- NON TE CASTIGUES POLOS ERROS.

8- NON DEIXES OCOS EN BRANCO.

9- CONTROLA O TEMPO.

Estas 9 pistas foron consideradas por Susana García, xefa de estudos do Centro Universitario de San Bernardo, especializada na preparación da Selectividade. A información completa e as pistas máis detalladas neste enlace ao artigo de Huffington Post.

Versión en inglés desta entrada @ ClickOnEnglish.

GAÑADORES DOS CONCURSOS DA VI SEMANA CULTURAL "HISTORIA DA ESCRITURA"

XA TEMOS GAÑADORES!!!

LISTA DE GAÑADORES NOS CONCURSOS DA SEMANA CULTURAL

Publicamos a lista dos gañadores dos concursos celebrados con motivo da VI Semana Cultural sobre "A historia da escritura": 

•    Sistemas de numeración (Matemáticas):

Sonia Melón  (S1ºA)

María Ciucurean (S1ºA)

Claudia Cicurean (S1ºA)

Raquel Torres (S1ºA)

Ángel González (S1ºA)

Joaquín San Miguel S2ºC

•    Braille:

Adriana Calviño (S2ºA)

•    Relatos:

Mar Álvarez (S2ºA)

Santiago Nogueira (S2ºC)

Juan Jo´se Rodríguez (1ºBAC.A)

Sara Romero (2ºBAC.B)

•    Emoticonas:

Zeltia Mira (S1ºD)

Lucía Lorenzo (S1ºD)

•    Caligrafía cuneiforme:

Paula Varela (S1ºA)

Diego Rodríguez (S1ºB)

•    Caligrafía grega:

Gonzalo Reverte (S2ºB)

Miguel Alcalde (S3ºB)

Adrián Freire (S3ºD)

Sara Díez (1ºBAC.B)

Carla Dávila (2ºBAC.B)

•    Transcrición fonética francesa:

Zeltia Mira (S1ºD)

Lucía Lorenzo (S1ºD)

•    Caligrafía xaponesa:

Iria Pardo (S3ºC)

Noraboa a todos e esperamos que na semana cultural do ano que vén participedes de novo e animedes a outros compañeiros.