PRESENTACIÓN SOBRE OS PLANETAS E OS DEUSES

Os derradeiros coletazos da Semana Cultural. Hoxe mostramos a presentación sobre os planetas e os deuses vista no Salón de actos o pasado 7 de abril con durante a Semana Cultural.

O cosmos semana cultural 2017 - versión final de Matilde De Cal Cortina

VIII SEMANA CULTURAL: OS VIDEOS DAS ESCENIFICACIÓNS DOS PLANETAS

Volvemos a actividade da Semana Cultural que facía unha "Escenificación dos planetas" dende a mitoloxía-filosofía, incluíndo hoxe os videos.
Enlace á presentación AQUÍ.

Videos:

VIII SEMANA CULTURAL: ESCENIFICACIÓN DOS PLANETAS

Rematando xa as múltiples actividades desta intensa Semana Cultural, no último día tivemos ao alumnado de 1ºBAC escenificando os planetas desde as referencias clásicas da filosofía e mitoloxía.
Enlace á presentación AQUÍ.

HORARIO DA SEMANA CULTURAL

Este é o horario definitivo das actividades que se van a desenvolver no centro ao longo da semana que vén:

	Luns 29 ABRIL	Martes 30 ABRIL		Xoves 2 MAIO	Venres 3 MAIO
8.30/9.20
9.20/10.10				M.M.(2)+Teledieste
1º RECREO	Gaiteiro/acordeonista	Heracles e Xerión			Baile alumnos
10.30/11.20	M.M. (1)+teledieste (45´)-música alumnos	M.M.(2)+teledieste		M.M.(2)+Teledieste	lectura de   lendas
11.20/12.10	M.M. (2)+teledieste (45´)-música alumnos	M.M.(2)+teledieste		M.M.(1)+teledieste	Heracles /Teledieste
2º RECREO		Xogo (para S2º)		Xogo (semifinal)	xogo (final)
12.30/13.20	M.M. (1)+teledieste (45´)	M.M.(1)+teledieste		Heracles+ Telediste	Proxección película The Way
13.20/14.10				M.M.(1)+teledieste
					Degustación gastronómica
16.30/17.20
17.20/18.10		As 17.30 coral polifónica

Actividades no patio central

Actividades na biblioteca

Actividades no Salón de actos

Actividade na cafetería??

Na biblioteca haberá exposicións:
- dun traxe rexional,
- cerámicas populares galegas,
 e outros obxectos.

No patio central haberá exposicións:
- ilustracións do códice Calixtino,
- plantas e alzados da Igrexa de Santiago (A Coruña) e a Igrexa Sta María A Nova (Noia),
- paneis cos lugares patrimoniais galegos máis emblemáticos,
- lendas tradicionais,
- a Torre de Hércules,
- o Pórtico da Gloria,
- maquetas de pontes,
e unha selección das mellores fotos das excursións que fixemos.

Nos recreos, coma sempre, haberá:
- diversas actuacións musicais, teatrais, de baile, etc.
Este ano os alumnos de 2º de ESO participarán nun xogo sobre o patrimonio. Por iso, esta semana están a baixar á biblioteca para ver as presentacións dos traballos, que todos os demais veredes a semana que vén.

Para asistir ás actividades da biblioteca (as de cor azul) é necesario anotarse no horario baleiro que está exposto no taboleiro da sala de profesores, xusto debaixo do das actividades, tendo en conta o horario de actividades previstas e o aforo da biblio (só caben dous grupos completos, c. 45 alumnos). Se acudides con grupos partidos, por favor poñede entre paréntese o nº de alumnos para poder organizar.

Para que poidades saber a qué actividade vos interesa anotarvos, esta é a explicación das abreviaturas.

• M.M. (1)= presentación sobre o patrimonio prerromano e romano galego

Departamentos participantes: historia, galego, grego, tecnoloxía e matemáticas.

• M.M. (2)= presentación sobre o patrimonio de época medieval e posterior

Departamentos participantes: debuxo, música, latín, relixión, galego, inglés e francés.

• Teledieste: programa televisivo sobre as murallas de Lugo gravado na biblioteca e en directo.

Departamento de grego, alumnos de Cuca de 4ºA-B

• Lectura de lendas tradicionais galegas.

Departamento de galego, alumnos de galego de 2º ESO

• Heracles: escenificación do enfrontamento entre Heracles e Xerión

Departamento de grego, alumnos de Cuca de 3ºA-D

Para as actividades no salón de actos (as de cor verde) hai que falar coa Vicedirectora, pero tede en conta que non entran máis de catro cursos.

E agora só queda ultimar detalles e....PREPARADOS, LISTOS...

SEMANA CULTURAL 2013: GALICIA E BRETAÑA, PATRIMONIO COMPARTIDO

Dentro da IV Semana Cultural do IES "Rafael Dieste": "O NOSO PATRIMONIO ARTÍSTICO CULTURAL", o Departamento de Francés preparou xunto cos seus alumnos unha presentación sobre as similitudes entre Galicia e Bretaña (francés Bretagne, e bretón Breizh). As dúas rexións e o seu patrimonio cultural compartido.

E CHEGOU A PRIMAVERA...

A primavera, o resurxir da vida despois do periodo de latencia invernal, deu orixe a multitude de obras de arte. Non é difícil rastrexar dende tempos remotos ata os nosos días referencias a esta estación en infinidade de obras de escritores, pintores, músicos..., ben como tema ben como motivo ou símbolo.

O rapto de Perséfone de Gian Lorenzo Bernini

Xa que estamos a preparar a Semana de Grecia eliximos para celebrar o día de hoxe un mito grego, O rapto de Perséfone, e unha pintura do Renacemento que utiliza elementos mitolóxicos gregos, A Primavera de Botticelli.

Son moitas as versións que hai sobre o rapto de Perséfore, máis a primeira e máis fermosa de todas é O himno homérico a Deméter, que nos resumen así Matilde de Cal e José Manuel Bértolo en Os deuses do Olimpo, mitoloxía clásica en Galiza de Baía Edicións:

"Este himno conta como Perséfone, que estaba a coller flores cunhas ninfas nunha pradaría, foi raptada polo seu tío Hades e levada ao mundo subterráneo sen que ninguén escoitase os seus berros. A nai buscou a filla durante nove días vestida de loito e alumeándose de noite cun facho. Ao décimo día Hécate, que vira pasar a Core (=Perséfone) nun carro, cóntallo a Deméter e mándaa xunto a Helio co fin de coñecer o nome do raptor. Informada de todo o sucedido, abandona o Olimpo e emprende unha longa busca. Finalmente a deusa, moi afrixida, deixa sen vida os campos. Entón Zeus envía a Hermes ante Hades para que deixe volver a Perséfone. Hades non desobedece, pero antes dá de comer á súa muller un gran de granada, que fai que a deixe ligada ás mansións subterráneas. Ante esta situación chégase a un acordo: Perséfone permanecerá un terzo do ano, o que corresponde ao inverno, no Hades co seu esposo, e os dous terzos restantes, os que corresponden ao florecemento das sementes e a maduración das colleitas, no Olimpo coa súa nai. A explicación deste mito é clara: a semente (Perséfone) pasa un terzo do ano baixo terra para renacer con forza en primavera."

Así explicaban os antigos gregos os ciclos da morte e renacemento anual da natureza.

A continuación podedes ver efémeras creacións de area mentres escoitades a Primavera de Vivaldi.

FALTAN 54 DÍAS

Comezamos a conta atrás, pero queda moito traballo por diante. Durante estes días seguro que aprenderedes moitas cousas relacionadas coa histora da cultura occidental e atoparedes achados que vos sorprenderán.

Para que vos vaiades ambientando deixámosvos un monólogo mitolóxico gravado por Ana Losada que conta a historia de Atalanta e Hipomenes. Que non sabedes quen son? Escoitade e veredes como estades fartos de velos, aínda que só sexa na televisión.

UN MITO DE AMOR

Aqui tedes este mito para celebrar o Día dos Namorados. Trátase da historia de amor de ORFEO e EURÍDICE. Acaso hai maior proba de amor que baixar ao Hades a buscar á amada morta?