26/02/13

CHÁMASE 'LER'...

Non vos deixedes abducir pola tecnoloxía... se non podedes chegar a isto:
"Chámase 'ler'. É como a xente instala o novo software no seu cerebro".

25/02/13

SOBRE A LECTURA E A ESCRITURA




Xa sabemos que non corren bos tempos para a lectura, claro que non corren bos tempos para case nada. Este enlace leva a un artigo do xornal El País onde se analizan as faltas de ortografía, a corrección sintáctica ou a comprensión lectora. Interesante artigo nestes tempos e, moi especialmente, para os que somos docentes e temos a obriga (moral?) de coidar o noso instrumento máis utilizado (deberíamos dicir "tesouro"?), a saber, a lingua.

EL PAÍS: "EL QUE ESCRIBA 'HABRIR' NO DEBERÍA GRADUARSE".

24/02/13

CONCURSO DE NARRACIÓN



Urco, a editora pioneira na edición de literatura fantástica en lingua galega convoca o: I Premio Urco de Relato Fantástico. Toda a información no enlace inferior:




A SORPRENDENTE VERDADE SOBRE A MOTIVACIÓN DO ALUMNADO


Para que un burro tire dun carro, din que hai que poñerlle unha cenoria diante. O burro sabe que algún dia a alcanzará... é a súa motivación. Os alumnos non vos motivades con cenorias, pero aquí incluímos un artigo sobre o que pode motivarvos a aprender mellor.

21/02/13

PETEIRO: O PINTOR QUE COLOREOU A NOSA CIDADE

Onte faleceu o pintor coruñés Jorge Peteiro. As súas obras tan características e recoñecibles están espalladas ao longo da nosa cidade, como ese pez espada que recibe aos visitantes da Casa dos Peixes.

A noticia no xornal LA VOZ DE GALICIA.
Jorge Peteiro: o arte na súas propias palabras.

20/02/13

EN DIRECTO DESDE O RAFAEL DIESTE


Como sabedes, onte a Cadena Ser fixo un programa en directo desde o noso centro, de hora e media de duración, no que varios alumnos se encargaron de facer as entrevistas ou de expor as actividades que estamos a desenvolver para a Semana Cultural ou, mesmo, dialogaron sobre as redes sociais.
Conscientes do esforzo que supón falar en directo pola radio, queremos dar a noraboa a todos os que colaborastes e animarvos a seguir practicando a conversa, a lectura en voz alta, a expresión oral, en definitiva.


19/02/13

150 ANOS DE CANTARES GALLEGOS


O venres 22 de febreiro celébrase o 150 aniversario da publicación de Cantares Gallegos de Rosalía de Castro. Con este motivo, a biblioteca vai gravar unha presentación coa lectura por parte de alumnos de ESO de varios poemas de dita obra. Mentres preparamos todo podedes entretervos con este xogo que o CEIP de Andrade-Pontedeume realizou e que agora pon desinteresadamente a nosa
disposición: GRAZAS!


14/02/13

OUTRO 14 DE FEBREIRO


Hoxe é 14 de febreiro, un ano maís, o día de San Valentín, Día dos Namorados. Por se tedes un/ha namorad@ estranxeir@, aquí tedes un enlace para saber como se di QUÉROTE en moitos outros idiomas.

Máis sobre San Valentín en inglés en ClickOnEnglish.

08/02/13

"ENTRE MAESTROS": UN DOCUMENTAL SOBRE O QUE PASA CANDO SE INTENTA INNOVAR NA CLASE

Non se para de falar sobre os problemas da educación pero qué pasa cando se fai algo distinto nunha clase? Están os alumnos preparados? E o profesor?
Esta é a premisa de "Entre maestros", un documental a medio camiño entre un reality e o xénero de películas épicas sobre profesores que se estrea hoxe, 8 de febreIro.
A cinta retrata 12 días de clase reais que tiveron lugar no mes de xullo de 2012 en Barcelona. O profesor é Carlos González, un docente e formador con 24 anos de experiencia enseñando matemáticas e física. Os alumnos, 11 rapaces e rapazas de entre 16 e 18 años, non se coñecían entre sí e foron seleccionados nun casting. "Buscamos o máis representativo dunha clase", explica o director e productor do documental Pablo Usón. "O rebelde, o pasota, o simpático..". Pero unha vez establecidos os roles, o profesor fai todo o posible por provocar aos alumnos para que saian de eles mesmos e por "fomentar o seu autocoñecimento". A forma: falando, falando todos moito. Do concepto de que "todos son maestros" e de que todos aprendemos de todos xorde o título do documental. Parece interesante...

Video tráiler do documental "ENTRE MAESTROS":

07/02/13

O FENÓMENO FINLANDÉS: O SISTEMA EDUCATIVO MÁIS ASOMBROSO DO MUNDO


En días de protestas pola posible reforma do sistema educativo... cando a televisión emite reportaxes comparando o noso sistema educativo e o finlandés... Atopamos un documental que nos mostra ese sistema educativo: THE FINLAND PHENOMENON: INSIDE THE MOST SURPRISING SCHOOL SYSTEM (O fenómeno finlandés: o sistema educativo máis asombroso do mundo). Está en inglés con subtítulos en castelán. É interesante para reflexionar se só é cuestión dun sistema educativo ou dunha sociedade completamente diferente... O debate está aberto.

Video O FENÓMENO FINLANDÉS:


06/02/13

CHEGA O ENTROIDO!



Este ano case non tivemos tempo de repoñernos do Nadal e....chega xa o Entroido! Seguro que o celebramos con disfraces e comilonas. Pois ben, para ir preparándonos podemos comezar aprendendo cousas sobre esta festa tan nosa que marca a fin do inverno -claro que este ano temos inverno aínda para rato. Aquí tedes enlaces de interés:

- CHEGA O ENTROIDO (Culturagalega.org)

- O ENTROIDO GALEGO ( Web Educativa Concello A Coruña).

- COLECCIÓN DE RECURSOS (Cuaderno Intercultural).

- ORIXES E RITOS DO ENTROIDO (Galicia Espallada).

- RECURSOS EDUCATIVOS: ENTROIDO (O Recanto de Mik)

01/02/13

SEMANA DA PAZ-CANCIÓNS (e 5): "SOMEWHERE OVER THE RAINBOW+WHAT A WONDERFUL WORLD"


Rematamos as cancións da semana da paz cunha doble canción. Unha versión de dous temas optimistas fusionadas nunha, porque non queríamos rematar con denuncia senon con esperanza. Trátase de dúas cancións clásicas norteamericas: "SOMEWHERE OVER THE RAINBOW" ("Nalgures por riba do arco da vella"), canción da película de 1939 "O mago de Oz", interpreada orixnalmente por Judy Garland. E "WHAT A WONDERFUL WORLD" ("Qué mundo tan marabilloso") clásico do jazz de 1967 de Louis Armstrong. As dúas cancións foron unidas nesta versión do cantante hawaiano, tamén falecido, Israel Kamawiwo'oe en 1993. Incluímos un audio con subtitulos en inglés e caselán.

Audio "SOMEWHERE OVER THE RAINBOW+WHAT A WONDERFUL WORLD", Israel Kamawiwo'oe:

Versión en inglés desta entrada en ClickOnEnglish.

ETIQUETAS

8-M a lingua acoso-bullying actividadeBiblio actualidade adolescencia Ágora alfin amor animación ApadriñaLector arqueoloxía arte astronomía audio audiovisual autores baile bibliotecas bioloxía blog cartel centenario certames cidades ciencia ciencia-ficción cine club de lectura comic compromiso concertos concursos conferencia congresos contacontos Cosmos cuca cuestionario curta dereitos humanos deseño dicionarios didáctica discapacidade DIVERINTERCULTURAL DiversidadeCultural documentais educación efemérides encontros con escritores enl enlaces enquisas ensaios entrevista entroido exposicións expresión oral familias feminismo ficha filosofía física fomento da lectura fondos formación de usuarios formularios fotografía francés galego Galicia Gastronomía graduación Grego guías HªEscritura HªOlimpiadas historia homenaxe HoraDeLer humor ilustración inglés iniciativas intercambio interculturalidade internet latín letras galegas LIBROS LibrosVivintes linguas estranxeiras literatura manualidades matemáticas medio ambiente microrrelatos mitoloxía mochilas viaxeiras mulleres MUSE museos música nadal narrativa natureza Nobel noticias O CINE O MAR obituario obradoiro Odisea OPINIÓN ortografía P.Cervantes P.Dado Pasapalabra patrimonio PATRIMONIOGALEGO paz pioneiros PLAMBE PlanProxecta poesía premios presentación publicidade química radio Radiofiestra RadioNaBiblio RD25Anos recursos revista roteiros S.C.AntiguaGrecia Samaín saúde semana cultural solidariedade teatro textos tics titoría traballo por proxectos traducción tríptico verán viaxes vídeos violencia de xénero votacións xadrez xeografía xogos XOGOSTRADICIONAIS xornadas xornalismo xubilación

PUBLICACIÓNS POPULARES DA SEMANA

PUBLICACIÓNS POPULARES DO MES

PUBLICACIÓNS POPULARES DE SEMPRE

ESTATÍSTICAS DE VISITAS

LinkWithin

Related Posts with Thumbnails

BIBLIOTECAS ESCOLARES DE GALICIA

BIBLIOTECAS ESCOLARES DE GALICIA
Blogue

BIBLIOTECAS GALEGAS DE PRIMARIA

BIBLIOTECAS GALEGAS DE PRIMARIA
Blogues

BIBLIOTECAS GALEGAS DE SECUNDARIA

BIBLIOTECAS GALEGAS DE SECUNDARIA
Blogues

BLOGALIZA

CANAL LECTOR

PASAPALABRA

PORTAL DAS PALABRAS

PROLINGUAPROLINGUAPROLING

TICs

educ@conTIC

WIKISABER