MENTES INQUIETAS: EXPLORANDO O MUNDO DE HOXE DESDE A PERSPECTIVA DE 3ºESO

Neste curso 2023-2024 no IES Rafael Dieste iniciamos un novo programa de radio: "MENTES INQUIETAS". Trátase dun amplo conxunto de podcast realizados polo alumnado que cursa 3º ESO no que analizan a actualidade, os temas máis candentes do noso presente.

Desde a materia de Xeografía e Historia mergullámonos no mundo que nos rodea. Temas como os Estados, os sistemas de goberno, a globalización económica e ecolóxica, os sectores produtivos e os fenómenos migratorios, forman parte do mundo no que vivimos. Os alumnos e alumnas de 3º ESO exploran a actualidade desde a súa perspectiva mediante charlas, entrevistas e debates. Un novo

proxecto ilusionante para as nosas mentes inquedas!

Ligazón para escoitar os podcasts AQUÍ: MENTES INQUIETAS-RADIO

XIII SC / CHARLA-COLOQUIO CON ALFONSO GÓMEZ CRUZ, ALCALDE DE XENEBRA (SUIZA)

Por cuestións de axenda, hoxe tivemos unha última actividade que se incluiría dentro da Semana Cultural 2023. Tratouse da oportunidade de contar no noso instituto cun alcalde dunha cidade europea. Hoxe estivo charlando co noso o alumnado o galego Alfonso Gómez Cruz, orixinario de Corme (A Coruña), que na actualidade é o alcalde da cidade suiza de Xenebra. 

Falounos da realidade dunha ciudade europea actual cos seus problemas, realidades e posibles solucións desde o punto de vista da sostenibilidade e a ecoloxía pola súa militancia no partido dos Verdes.

Video da cidade:

XIII SC / CHARLA DE NEUROCIENCIA CO BIÓLOGO E DOUTOR EN CIENCIAS BIOLÓXICAS XURXO MARIÑO ALONSO

O xoves 30 de marzo o departamento de Filosofía organizou unha charla de neurociencia: Unha viaxe á máquina da mente, impartida por Xurxo Mariño Alonso.

Xurxo Mariño Alfonso, é biólogo, doutor en Ciencias Biolóxicas con especialización en neurofisioloxía pola Universidade de Santiago, profesor na Universidade da Coruña, escritor e divulgador científico 

 Ademais da súa carreira como investigador, profesor e divulgador científico, cultiva outros intereses como a programación informática, a xeoloxía, a paleoantropoloxía, a astronomía, a filosofía da ciencia e é un gran fotógrafo.   

XIII SC / CITIES IN ENGLISH

 Na asignatura de inglés, recopilouse información sobre as cidades nese idioma: información, cancións con nomes de cidades no título, videos en inglés sobre diferentes cidades. Todo o podedes ver nesta ligazón: CITIES

XIII SC / CONFERENCIA DO DOUTOR EN ARQUITECTURA ANTONIO AMADO

Dentro das actividades da XVIII Semana Cultural sobre "A CIDADE", hoxe contamos coa presencia do Doutor en Arquitectura da E.T.S de Arquitectura da Coruña, ANTONIO AMADO LORENZO quen impartíu unha charla sobre o modernismo na arquitectura da nosa cidade: "A CADA TEMPO A SÚA ARQUITECTURA. O MODERNISMO CORUÑÉS".

Asistíu o alumnado de 2ºBAC.

+ info: Antonio Amado Lorenzo

XIII SC / "O SALTO NO TEMPO"

 Ligazón aos videos feitos na actividade "O SALTO NO TEMPO", organizada polo Departamento de Filosofía para a Semana Cultural das "Cidades":

- VIDEOS "O SALTO NO TEMPO"

A RADIO E A BIBLIOTECA AO SERVICIO DA DIVULGACIÓN HISTÓRICA

A profesora do Departamento de Historia, Isabel González realizou ao longo do primeiro trimestre unha serie de actividades utilizando os recursos que ofrece a biblioteca do centro: 

- na Radio, a alumnado locutou e editou; 

- na Biblioteca, a rapazada elaborou unha exposición sobre Tutamkamon. 

Aquí deixamos unha selección destes traballos nestas ligazóns aos audios da radio:

- Un día na vida do samurai Katsumi  

- Luc o cabaleiro

- O cabaleiro Salvador

- Un día na vida de Oda Nobunaga

- Un día na vida dun monxe e dun abade

- Un día na vida de Pilar de Xesús

- Un día na vida de Claudio, un campesiño

- Un cabaleiro morto, un pantasma e un castelo

- Un día na vida do rei Xulio XII de Arcala

E como resultado da exposición "Cen anos con Tutankamon", fixeron un breve vídeo do que en conxunto, foi esta actividade:

FALECE A ESCRITORA NÉLIDA PIÑÓN

Foto: Gustavo Santos

Ven de morrer en Lisboa aos 85 a escritora e periodista brasileira, de orixe galega, Nélida Piñón. Foi  a primeira muller en presidir a Academia Brasileira das Letras e gañou o premio Príncipe de Asturias das Letras no 2005, además de ter recibido outros moitos.

+ info:

- BIOGRAFÍA

- noticia na prensa "El País":

Morre Nélida Piñón, a filla de emigrantes galegos que se convirtíu nun símbolo da literatura brasileira

 

O POETA VENEZOLANO RAFAEL CADENAS, PREMIO CERVANTES 2022

 Ven de coñercerse a concesión do Premio Cervantes 2022 ao poeta venezolano Rafael Cadenas. É a primeira vez que un venezolano recibe o máximo premio literario da lingua castelá.

+ info no xornal "El País":

O poeta venezolano Rafael Cadenas gaña o Premio Cervantes 2022

ANNIE ERNAUX, PREMIO NOBEL DE LITERATURA 2022

 

A escritora francesa Annie Ernaux foi galardoada co Premio Nobel de Literatura 2022, según comunicou o secretario da Academia Sueca, Mats Malm na sede da institución en Estocolmo hoxe.

Ernaux é so a muller número 17 que gaña o Nobel de Literatura no seus 123 anos de historia e era unha das favoritas deste ano.

O xurado destaca que se lle concede o premio "pola súa coraxe e agudeza clínica coa que descubre as raíces, os estranxamentos e as restricións colectivas da memoria persoal". Ernaux cre "na forza liberadora da escritura". O seu traballo é intransixente e está escrito nunha linguaxe sinxela e limpa.

+ info:

- wikipedia: ANNIE ERNAUX

- a noticia no xornal "EL PAÍS":

A escritora francesa Annie Ernaux gaña o Premio Nobel de Literatura 2022

NA MORTE DE JAVIER MARÍAS

 Foto: J. P. Gandul/Efe.

Onte sóubose da noticia do falecemento de escritor Javier Marías aos 70 anos de idade. Nado en Madrid en 1951, era escritor, tradutor, editor e membro da Real Academia Española e considerado un dos escritores mais relevantes da literatura española contemporánea. DEP

+ info sobre a súa biografía.

Noticia na prensa "El País", xornal donde publicaba artigos:

Morre Javier Marías, escritor clave da literatura en español

Reaccións á súa morte recollidas no seu blog: 

Na morte de Javier Marías

PESAR POLA MORTE DE DOMINGO VILLAR

 Foto: Marta G. Brea

Manifestamos o noso profundo pesar pola inesperada morte do escritor vigués Domingo Villar (Vigo, 6 marzo 1971 / 18 maio 2022). Escritor de novela negra, distinguido con múltiples premios, creador do personaxe do inspector Leo Caldas, protagonista dunha triloxía de novelas. Os seus libros traducíronse a máis de quince idiomas. DEP.

+ info:

- DOMINGO VILLAR @ Wikipedia

- @ NósDiario:

A novela negra está de loito

- @ PrazaPública:

Morre Domingo Villar: o día máis escuro para a novela negra galega

SOMOS GAÑADORES DO CONCURSO DE PÓDCAST POLO DÍA DAS LETRAS GALEGAS 2022

Concurso de Podcast 2022. Este ano céntrase en Florencio Delgado Gurriarán. gañamos o 1º premio cun podcast titulado A heroica vida de Florencio.

O punto de partida deste proxecto é a reflexión acerca de que é un heroe. Nas noticias viamos diariamente aos refuxiados da guerra de Ucraína, así como aos combatentes que quedaban a defender o país da invasión. Quen é un heroe? O que queda a loitar ou o que deixa todo? Como sinalou un estudante nunha redacción, “un heroe pode ser un bombeiro, pero tamén os que escapan do lume son heroes”. A partir destas reflexións, achegámonos á figura de Florencio Delgado Gurriarán, quen se exiliou en México por mor da Guerra Civil española. Obtivemos información sobre a súa vida e os seus poemas no libro de Héctor Cajaraville Florencio Delgado Gurriarán. Polos vieiros da saudade, do que se inclúen fragmentos no podcast.

Alumnado de 2º, 3º e 4º ESO co profesor Arcadio Gonzalez.

Ligazón para escoitar o PÓDCAST: 

Concurso de Podcast 2022 | ‘A heroica vida de Florencio’ do IES P. Rafael Dieste

 

 

XII SC/A SAÚDE: "A PESTE DE TUCÍDIDES", PROGRAMA DE RADIO

 O alumnado da asignatura de Grego 2ºBAC preparou a lectura de varios textos de "A Peste de Tucídides", para un programa de RadioFiestra como modo de participación na Semana Cultural de "A Saúde".

Nárrase a peste sufrida por Atenas no segundo ano da guerra contra Esparta (430 a.C.).

Podedes escoitalo nesta ligazón:

"A PESTE DE TUCÍDIDES" (audio)

XII SC/A SAÚDE: HEALTH & WELLNESS (A semana cultural en inglés)

"HEALTH & WELLNESS", Esta entrada funciona como un índice a todas as publicacións sobre o tema que aparecen no blog de inglés. Todos eles con vocabulario de referencia, información xeral, expresións de certas situacións médicas, videos e consellos en inglés e traballo do alumnado.

This post works as the index of all entries published about this topic throughout the´English blog. Most of them present related vocabulary, general information, expressions in certain medical situations, videos and advice all in English and student's work.

- WELLBEING VIDEOS

- THE WELLNESS LIFSTYLE PYRAMIDS

- MENTAL HEALTH

- WELLBEING

- HEALTHCARE LIFESTYLE: YOGA

- HEALTH & WELLNESS

- ALL THE ENTRIES ABOUT COVID19

- TYPES OF DOCTORS

- PHRASAL VERBS RELATED TO HEALTH

- ILLNESSES

- MEDICINES, FIRST AID & MEDICAL EQUIPMENT

- GOING TO THE DENTIST

- GOING TO THE DOCTORS

- BODY ANATOMY, HEALTH & FITNESS

- PARTS OF THE BODY

 

NA DESPEDIDA A MIGUEL GALLARDO

 O dibuxante de cómic Miguel Gallardo morreu onte. Gallardo, autor do mítico cómic Makoki dos anos 80 xunto a Juanito Mediavilla, caracterizábase por escribir sobre as vivencias que o rodeaban. A obra que lle otorgaría a aclamación definitiva foi ‘María y yo’ (2007): unha novela gráfica protagonizada pola súa filla autista que tiña entón 12 anos e él. Este título foi un éxito en ventas que se editou en 10 idiomas. ‘Algo extraño me pasó camino de casa’ (2020) foi a súa última obra na que relatou con humor a enfermidade da que foi víctima ao final. 

A Miguel dedicámoslle xa varias entradas neste blog anteriormente:

MARÍA E O SEU PAI e 

ENCONTRO CO ILUSTRADOR-HISTORIETISTA MIGUEL GALLARDO

Algo extraño me pasó camino de casa

Miguel Gallardo

A VISITA DE ESPIDO FREIRE AO "RAFAEL DIESTE"

Foto de Víctor Echave / La Opinión de A Coruña

Hoxe visítanos a escritora Espido Freire a partir das 12:30h.

Os grupos que asistirán á súa charla son os cinco de 2º de ESO no salón de actos. A autora falaranos sobre El chico de la flecha, narración que inicia unha triloxía xuvenil ambientada na Emérita Augusta do século I.

Ligazón a artigo na prensa: ("La Opinión de A Coruña")

Conversacións con Espido Freire no Rafael Dieste

TRISTE DESPEDIDA DE ALMUDENA GRANDES

Foto: Samuel Sánchez, El País.

Recién coñecida a triste noticia do falecemento da escritora Almudena Grandes, queremos recordala con esta entrada de homenaxe.

+ info: artigo de "El País"

Morre Almudena Grandes, a escritora que novelou a épica dos perdedores

 

XORNADAS DE BIBLIOTECAS ESCOLARES 2021

O pasado 20 de novembro de 2021 celebrouse, no Palacio de Congresos de Santiago de Compostela, a  Xornada de Bibliotecas Escolares de Galicia 2021 que reuniu, presencialmente, a preto de 600 persoas, entre participantes, relatores e asesores e asesoras de formación do profesorado.

No enlace que adxuntamos a redeBE podedes acceder aos vídeos das presentacións e aos materiais aportados  polos poñentes.

 

• PROGRAMA
• DOSSIER 
• redeBE 
• #XBEGA21

 

O GALEGO XESÚS FRAGA, PREMIO NACIONAL DE NARRATIVA

 

Xesús Fraga recibíu onte á mañá o Premio Nacional de Narrativa concedido polo Ministerio de Cultura. O escritor (Londres, 50 anos) foi galardoado pola obra Virtudes (e misterios) (Galaxia), que conta a historia da súa familia marcada pola emigración. Naceu no barrio londiniense de South Kensington, cidade á que chegaron os seus pais emigrantes siguindo os pasos da súa aboa, pero axiña se trasladou coa súa familia á Coruña, e posteriormente a Betanzos, donde agora vive. Licenciouse en Xornalismo pola Universidade de Salamanca e traballa dende 1996 no xornal "La Voz de Galicia". 

O xurado seleccionou esta obra “por mostrar cunha prosa moi coidada, no fondo e na forma, a historia de dúas xeracións de mulleres valentes dunha familia en tempos difíciles, e adentrarnos nun relato sobre a emigración galega en Inglaterra e América”.

+ info en "El País":

Xesús Fraga gaña o Premio Nacional de Narrativa cunha novela escrita en galego