21/12/18

20/12/18

X SEMANA CULTURAL 2019: O CINE


A modo de recordatorio, rematado o primeiro trimestre, no vindeiro empezaremos a traballar na décima Semana Cultural no 'Rafael Dieste' que este curso adicaremos ao CINE.
Buscamos que os diferentes departamentos acheguen ideas para actividades a realizar e/ou expoñer entre o 29 de abril e o 3 de maio.
A rodar...! Acción!

Versión en inglés @ ClickOnEnglish.

19/12/18

ACTIVIDADES RECENTES DA BIBLIOTECA: EXPURGO E REXISTROS

Comentar as útlimas actuacións na biblioteca durante este trimestre. Son actuacións de funcionamento da mesma: 

- EXPURGO: temos expostos fora unha selección de libros en expurgo. Podedes coller e quedarvos con calquer libro que vos interese.

- E por fin concluimos o rexistro e clasificación de todos os fondos procedentes do antiguo IES "Paseo das Pontes", agora centro integrado de FP.

10 ANOS DE 'ARQUIVOS DO TRASNO'


Hoxe celebramos 10 anos da primeira entrada publicada neste blogue da biblioteca do 'Rafael Dieste': "ARQUIVOS DO TRASNO", dende entón publicamos 1200 entradas sobre libros, literatura e as actividades da nosa biblioteca de centro. E aquí seguimos...

Así era a nosa primeira entrada: "15 días de terror" (19/12/2008)

30/11/18

ISAAC ROSA NO 'RAFAEL DIESTE'

Onte estivo no noso instituto o escritor e xornalista Isaac Rosa para dar unha charla ao noso alumnado, organizado polo Departamento de Lingua e Literatura.
Autor de novelas, cómics e columninsta en varios medios de comunicación. Ven de presentar unha nova novela "Final feliz".


Foto: "El País"

26/11/18

HORA DE LER 2018-19


Todo o claustro do 'Rafael Dieste', no pasado mes de xuño, adoptamos o compromiso de fortalecer a actividade de HORA DE LER diaria para todos o alumnado da ESO establecendo por horas e días ese momento de lectura obrigatoria de lecer, para así pasar por todas as materias e sesións do curso.
Dende a biblioteca organizamos o horario e aportamos os materiais que foron necesarios para levalo a cabo.
Agora que xa pasaron as primeiras seis semanas da "Hora de ler", estamos comprobando que é unha actividade que está a funcionar moi ben, que os alumnos a acollen con agrado, e son eles mesmos quen lembran ás veces aos profesores. Os profesores tamén fan unha valoración moi positiva desta actividade.

23/11/18

ESTREAMOS ESPAZO CREATIVO EN 'BIBLIODIESTE'


'Bibliodieste', a nos biblioteca de centro é unha biblioteca inclusiva e intentamos ofrecer espazos diversos. Xa tiñamos una zona de traballo individual, unha por grupos, zona de proxeccións, zona de agougo ( para ler relaxadamente xornais, revistas, libros informativos en butacas...)
Agora vimos de ampliar e estrear un novo espazo creativo donde poder colorear, dibuxar e manipular materiais... e no recreo tamén é unha zona de xogos.

21/11/18

ENTREGA DE CARNÉS AOS NOVOS USUARIOS

Xa temos rexistrados todos os usuarios do instituto no Programa MEIGA, asi que xa podemos facer o préstamo dende o programa MEIGA.

Nas Xornadas de formación ao novo alumnado de 1º ESO xa fixemos entrega dos seus carés.

19/11/18

XORNADAS DE FORMACIÓN DE USUARIOS DE BIBLIOTECA ALUMNADO 1ºESO 2018-19


Na semana pasada xa viron á biblioteca cada un dos catro grupos de 1ºESO para a xornada de introdución á biblioteca e presentación da mesma aos nosos novos alumnos.

Nesa xornada presentamos  os espazos da biblioteca, o funcionamento da mesma, a atención aos usuarios, entregamos os carnets, falamos do uso das instalacións, a variedade de recursos (xornais e revistas, banda deseñada, sección xuvenil, libros informativos, escola de pais, libros de consulta, a organización dos fondos, o acceso ao catálogo en rede do instituto, o blogue da biblioteca (arquivosdotrasno.com).

Estas xornadas complementan as xornadas de portas abertas desenvolvidas no mes pasado para o novo persoal do centro.

17/11/18

DÚAS MULLERES POETAS PREMIADAS: IDA VITALE E FRANCISCA AGUIRRE

Nestes último días veñen de  ser premiadas dúas mulleres polo seu traballo literario de toda unha vida:

- A poeta uruguaia IDA VITALE de 95 anos co PREMIO CERVANTES 2018.
- E a tamén poeta alicantina FRANCISCA AGUIRRE co PREMIO NACIONAL DAS LETRAS 2018.

+ info de cada unha nestas ligazóns:

- IDA VITALE ('El País')

('Agencia EFE')

16/11/18

MOCHILAS VIAXEIRAS 2018-19

Xa está en marcha o proxecto das mochilas viaxeiras, que permite levar fondos da biblioteca á casa para compartilos coa familia.
A súa finalidade fundamental é a de achegar materiais para poñer en valor os libros e a lectura no contexto familiar, mediante o préstamo dun pequeno lote de libros e outros soportes que o alumnado levará de forma rotatoria ás súas casas, por un breve período de tempo (normalmente dúas semanas como máximo).
As de 1º ESO xa foron entregadas, e hoxe venres teremos as de 2º ESO.

14/11/18

NOVEMBRO: MES DA CIENCIA EN GALEGO NO IES 'RAFAEL DIESTE'

O Departamento de Ciencias do noso instituto xunto coa Biblioteca tamén celebran o mes da ciencia en galego das Bibliotecas con diversas actividades:

- Proxección de “Nanocosmos: un viaje a lo pequeño”.

- Somos Científicos.

- Universo:
Exposición de carteis e maquetas no vestíbulo do Instituto por parte dos alumnos de 1º de ESO. Exposición de libros de lectura sobre o tema na Biblioteca.

Fotos de cada unha das actividades:

«Este traballo quere transmitir as expectativas dos equipos que loitan por comprender este proceso: cando unha estrela morre lanza un material ao espazo que, a través de interaccións atómicas, poden formar algo moito máis grande como un planeta ou, por que non, un ser vivo» O documental conta coa financiación da Fundación Española para la Ciencia y la Tecnología - Ministerio de Economía (FECYT) , Industria y Competitividad, y del Consejo Superior de Investigaciones Científicas(CSIC) e foi producido pola empresa LuzLux.
Traballouse co alumnado de 1º bacharelato de “Cultura Científica” realizándose unha pequena Unidade Didáctica. 


Os estudantes interactúan con científicas e científicos a través de internet. Un concurso de divulgación para persoal investigador no que os estudantes son os xuíces. Alumnas e alumnos desafían a científicos a través de CHATS de texto en directo. PREGÚNTANLLES todo o que se lles ocorre e VOTAN para que a súa científica ou científico favorito gañe 500 € destinados a divulgar o seu traballo.

- Exposicións:

Proxección de documentais no Salón de Actos 
 “O Sistema Solar a escala” (subtítulos en galego, Martin Pawley) Watch This Guy Build a Massive Solar System in the Desert | Short Film Showcase 
 NOSA Axencia Espacial Escolar Galega Publicado el 15 feb. 2018 Imaxes da primeira cápsula MarumaSat, lanzada no IES Maruxa Mallo (Ordes) no curso 
 “A perda da escuridade”, curta documental sobre contaminación luminosa, dispoñible por fin en versión galega 
 Rosetta y Philae en Cometa 67P gran resumen para niños ... - YouTube (Ficha optativo) o Corto Ambition 
 Carlos Briones: ''Os voy a contar una historia'' NAUKAS BILBAO 2018

05/11/18

NOVEMBRO: MES DA CIENCIA EN GALEGO NAS BIBLIOTECAS


Un curso máis celébrase o Mes da Ciencia en Galego nas Bibliotecas cun manifesto, este ano a cargo de Luís Navarro (profesor de Bioloxía na Universidade de Vigo e integrante do grupo Divulgare nesa universidade. Deixamos aquí ligazóns ao seu manifesto e a outros documentos sobre recursos sobre ciencias en galego:




31/10/18

FELIZ SAMAÍN 2018 DENDE 'BIBLIODIESTE'!

Foto: profilepictures.com

Xa volve a ser o Samaín! Disfrutade do día e a longa fin de semana que este ano temos!

29/10/18

CONCURSO XOGANDO COA CDU

Convocouse o certame "XOGANDO COA CDU" destinado aos equipos de bibliotecas dos centros educativos galegos, coa finalidade de estimular a creación de materiais para as actividades de formación de persoas usuarias da biblioteca escolar.
O prazo  para presentar as propostas ao concurso remata o 23 de novembro.

24/10/18

"ANTÍGONA" NO 'RAFAEL DIESTE'


Esta mañá o alumnado de 4º da ESO e 1ºBAC-C  tiveron a oportunidade de ver a representación de "ANTÍGONA" en galego por parte dos membros do grupo de teatro "Sin ir más lejos" da Casa de Castilla-A Mancha de A Coruña.

24-OUTUBRO: DÍA DAS BIBLIOTECAS. "POÉTICAS DIVERSAS" LEMA 2018


O 24 de outubro está marcado como o Día Da Biblioteca dende que hai máis de 20 anos a Asociación Española de Amigos do Libro Infantil y Juvenil propuxo esta celebración.
Dende 2008, a Consellería de Educación edita un cartel específico para celebrar este día tamén nas Bibliotecas Escolares. Cada ano cun lema para dar a coñecer e difundir as moitas posibilidades que ofrece unha biblioteca escolar activa. Este curso a ilustradora é Nuria Díaz. O cartel xa está exposto na entrada da nosa biblioteca e o podedes contemplar nesta entrada.
Poéticas Diversas na Biblioteca Escolar é o lema que a Consellería de Educación propón para este curso 2018-19. "Para descubrir a poseía que nos rodea dende os recursos e as posibilidades das bibliotecas escolares. Convídase a asolagar as aulas de poesía, a tratar con poetas, a perderlle o medo á metáfora, a xogar coa palabra e coa imaxe, a coñecer a excelente e variada creación poética galega e a permitir que o alumnado galego poña voz e dea vida á tradición lírica galega dende Rosalía ata todas e todos os poetas que foron e son."

23/10/18

ALMUDENA GRANDES, PREMIO NACIONAL DE NARRATIVA 2018

Foto: El Mundo-EFE

A escritora e columnista Almudena Grandes ven de ser premiada co Nacional de Narrativa 2018 pola súa novela "Los Pacientes del Doctor García". Só 7 mulleres conseguiron este premio frente a 68 homes.

+ info:

22/10/18

CONCERTOS DA III SEMANA DAS MÚSICA DO AUDIOVISUAL (SEMUA)




Como unhas primeiras actividades preparatorias da nosa Semana Cultural 2019 adicada ao Cine, o alumnado de música de 2º da ESO participan hoxe e mañá na III Semana das Músicas do Audiovisual (SEMUA) que se celebra no Teatro Colón.
O concerto da Banda Municipal de A Coruña, presenta dúas cortometraxes "O XIGANTE" e "VILLA PELUSA" con música de Nani García e Marcos Mato e dúas suites con música de Charles Chaplin e de "O PANTASMA DA ÓPERA" de Andrew Lloyd Webber, que se interpretan acompañadas de imaxes das películas.
A presentación foi a cargo de Nani García, quen falou da importancia da relación de música e a imaxe.

18/10/18

PROXECTO "O SAMAÍN"


O proxecto "O Samaín", organizado polos departamentos de Lingua Galega, Teconoloxía e o apoio da biblioteca, pretende acercar ao noso alumnado A FESTA DO SAMAÍN intentando ofrecerlles a relación estreita que esta festa ten coa celebración anglosaxona do Halloween. Leremos e dramatizaremos textos narrativos e poéticos tanto dos nosos autores coma da tradición oral popular tratando de conculcar na xuventude do noso centro o valor das tradicións afincadas no noso medio natural ao que o pobo galego estivo sempre moi ligado e aínda segue, e sobre todo o código que usamos para expresármonos, a lingua. 
Por outra parte, procuraremos tamén establecer pontes entre a tradición de noso e os costumes ancestrais vinculados á cultura universal, en que o tema da morte se filtra na idiosincrasia de numerosos pobos. Esas actividades arredor da morte, como diciamos, realizábanse no noso medio natural pero, co progreso, a natureza vese alterada cun produto creado polo home, o primeiro material sintético, o plástico. Este, calquera que sexa a súa composición, propiedades, aplicacións e técnicas de fabricación está a ser un gravísimo problema para o noso medio natural e cómpre urxentemente a súa reciclaxe ou substitución mesma deste.

Ligazón á escolma de textos traballados no Proxecto "O Samain": AQUÍ

ANA PENYAS, PREMIO NACIONAL DO CÓMIC 2018


A artista valenciana Ana Penyas ven de ser galardoada co Premio Nacional do Cómic 2018 pola súa novela gráfica "ESTAMOS TODAS BIEN". É a primeira muller que consegue este premio. E o xurado selecionouna por "rescatar, a partir dunha historia familiar, a voz dunha xeración silenciada; pola innovación e a frescura da posta en escea gráfica, ademáis da habilidade para integrar recursos do cómi e doutros medios".
O cómic tédelo á vosa disposición na nosa biblioteca.
+ info (Noticia @ eldiario.es)

10/10/18

XA TEMOS 10.000 LIBROS EN "BIBLIODIESTE"!



Hoxe temos algo que celebrar na nosa biblioteca.
Hoxe fichamos o libro 

nº10.000 

do catálogo. Trátase do libro "22 SEGUNDOS" da autora EVA MEJUTO que vedes na foto. É un dos libros dos moitos clubes de lectura que temos en funcionamento no instituto este curso.
E a seguir sumando...!

02/10/18

O NOSO EX-ALUMNO IAGO MORA, PREMIO CERTAMEN ENSAIO SUBVERSIVO DO IES 'XELMÍREZ I'


Rescatamos hoxe unha noticia do pasado verán. O alumno noso de 2ºBAC foi premiado como mellor Ensaio Subversivo na VI edición de premios do Certame de Banda Deseñada e Ensaio Subversivo que organiza o IES 'XELMÍREZ I' de Santiago de Compostela, o pasado 22 de xuño. Noraboa Iago e sorte na túa nova andaina fora do noso centro!

01/10/18

BIBLIODIESTE ABRE A SÚAS PORTAS AO CURSO 2018-19


Co mes de outubro ábrense de novo as portas da Biblioteca do IES Plurilingüe "Rafael Dieste" a toda a comunidade escolar. Incluímos información relevante para este novo curso:

A semana cultural 2018-19 terá lugar do 29 de abril ao 3 de maio de 2019 (de luns a venres, tende en conta que o mércores 1 de maio é festivo) Están invitados todos os profesores e departamentos a participar cos grupo/s de alumnos que decidan e xa estamos recollendo ideas. Esta semana cultural terá como lema “O CINE”. Quen queira máis información e falar de como quere participar nela pode falar/escribir a Mercedes Garrote, Matilde De Cal e Beatriz López-Suevos.

Outras actividades da biblioteca: Ademáis da Semana Cultural ao longo do curso hai moitas actividades desenvolvidas na biblioteca: Mes da biblioteca, a Semana da paz, … Este blog da biblioteca recolle todas estas actividades e informa dos proxectos e actividades desenvolvidas ao longo do curso.

Adquisicións de libros e outro material audiovisual para os departamentos:
Disporemos este curso dun orzamento procedente do PLAMBE (Plan de Mellora de Bibliotecas Escolares). Este orzamento do PLAMBE destinarase principalmente ás lecturas obrigatorias dos departamentos.

Catálogo da biblioteca en rede:
Neste enlace podedes consultar o catálogo da biblioteca en rede do instituto: AQUÍ
Hai tamén unha ligazón aos fondos da biblioteca dende a páxina do blog.

Hora de ler:
Por decisión de claustro, imos fortalecer a actividade de HORA DE LER establecendo por horas e días ese momento de lectura obrigatoria de lecer, para así pasar por todas as materias e horas do curso. A actividade é para todos o alumnado da ESO.
A organización quedaría así:
Cada trimestre dedicaríanse seis semanas, quedando libres aquelas máis próximas ás avaliacións. Todos os días de cada unha desas seis semanas dedicaríanse vinte minutos á actividade:
1ª semana------ a 1ª hora todos os días da semana (20 primeiros minutos)
2ª semana------ a 2ª hora todos os días da semana (20 primeiros minutos)
3ª semana------ a 3ª hora todos os días da semana (20 primeiros minutos)
(Así sucesivamente ata rematar as seis semanas)

Ao facelo deste xeito o tempo que cada materia adica para a actividade queda equilibrada e todo o alumnado da ESO ten a "Hora de ler" no mesmo momento, polo que se lle da moita visibilidade.

Utilización da biblioteca para as clases:
O horario do equipo da biblioteca está no taboleiro da entrada. Para poder utilizar a biblioteca para alguna actividade nas horas de clase hai que anotarse con antelación no cadro de horarios de reserva de aula na Conserxería para non coincidir con outro profesor. En principio non se pode utilizar a biblioteca nas horas de traballo do equipo porque temos que ter disponible o ordenador.
Pedimos tamén que se use a biblioteca nas clases para aquelas actividades que impliquen a búsqueda de información e a lectura.
Non se permite ao alumnado estar so na biblioteca. Se un profesor está facendo a garda e quere ir á biblioteca cun grupo pequeno de alumnos ten que estar con eles en todo momento.

Mochilas viaxeiras:
Comezaremos coas mochilas viaxeiras no primeiro ciclo da ESO en outubro. O segundo ciclo unha semana despois. Coordinará esta actividade Beatriz López-Suevos en colaboración cos titores da ESO.

Novos carnets:
Xa están incorporados case todos os novos profesores do centro ao programa informatizado da biblioteca para que poidan levar en préstamo libros e outro material a casa. Contamos con rematar esta tarefa en dúas semanas. Os libros préstanse quince días e as películas 3 días (cun fin de semana en medio). Pero temos un préstamo especial para aquel material que os profesores levan para utilizar nas clases, e que facemos polo tempo que se necesita ese material na aula (1 mes, 1 trimestre,…). Ao alumnado novo se lles farán os carnets ao longo das primeiras semanas.

Blog da biblioteca
Este blog recolle as actividades e novidades dos proxectos e actividades desenvolvidas ao longo do curso. O encargado do blog é Ramón Neira polo que se queredes que se avise dunha actividade ou se recollan imaxes dunha xa levada a cabo podedes escribirlle para que a publique.

Club de lectura:
O coordinador desta actividade é Carlos Blanco No curso pasado tivemos clubes de lectura en toda a ESO e Bacharelato, a cargo de moitos profesores: Carlos Blanco, Mercedes Garrote, Matilde de Cal, Eloi Rodríguez, Ana Vidal, Manuel Agromayor, Luisa Blanco, Sarah Dumesnil, Isabel Couceiro, Begoña Santamaría, Manuel Santos, Lucía Sesto, Nazareth Rizo e Ben Davidson.

Por último, recordade que estamos á vosa disposición en todo aquelo que vexades que pode axudarvos a biblioteca.

O equipo de biblioteca está formado este curso 2018-19 polos seguintes profesores:

Carlos Blanco 
Dores Castro 
Matilde De Cal 
Mercedes Garrote
Beatriz López-Suevos 
Ramón Neira 
Eloi Rodríguez 
Lucía Sesto 

24/09/18

PRESENTACIÓN BIBLIODIESTE AO NOVO PROFESORADO DO CENTRO

A todo o profesorado novo do centro


O MÉRCORES 26 DE SETEMBRO NO SEGUNDO RECREO


ensinaremos a Biblioteca e as actividades que leva a cabo

18/06/18

GUÍA DE LECTURA VERÁN 2018


Como en cada periodo vacacional, e mais no verán cando haberá mais tempo libre, Bibliodieste fai as súas recomendacións de libros e películas para entreterse. Deixámosvos a nos guía de lectura do verán 2018.


ETIQUETAS

8-M a lingua acoso-bullying actividadeBiblio actualidade adolescencia Ágora alfin amor animación ApadriñaLector arqueoloxía arte astronomía audio audiovisual autores baile bibliotecas bioloxía blog cartel centenario certames cidades ciencia ciencia-ficción cine club de lectura comic compromiso concertos concursos conferencia congresos contacontos Cosmos cuca cuestionario curta dereitos humanos deseño dicionarios didáctica discapacidade DIVERINTERCULTURAL DiversidadeCultural documentais educación efemérides encontros con escritores enl enlaces enquisas ensaios entrevista entroido exposicións expresión oral familias feminismo ficha filosofía física fomento da lectura fondos formación de usuarios formularios fotografía francés galego Galicia Gastronomía graduación Grego guías HªEscritura HªOlimpiadas historia homenaxe HoraDeLer humor ilustración inglés iniciativas intercambio interculturalidade internet latín letras galegas LIBROS LibrosVivintes linguas estranxeiras literatura manualidades matemáticas medio ambiente microrrelatos mitoloxía mochilas viaxeiras mulleres MUSE museos música nadal narrativa natureza Nobel noticias O CINE O MAR obituario obradoiro Odisea OPINIÓN ortografía P.Cervantes P.Dado Pasapalabra patrimonio PATRIMONIOGALEGO paz pioneiros PLAMBE PlanProxecta poesía premios presentación publicidade química radio Radiofiestra RadioNaBiblio RD25Anos recursos revista roteiros S.C.AntiguaGrecia Samaín saúde semana cultural solidariedade teatro textos tics titoría traballo por proxectos traducción tríptico verán viaxes vídeos violencia de xénero votacións xadrez xeografía xogos XOGOSTRADICIONAIS xornadas xornalismo xubilación

PUBLICACIÓNS POPULARES DA SEMANA

PUBLICACIÓNS POPULARES DO MES

PUBLICACIÓNS POPULARES DE SEMPRE

ESTATÍSTICAS DE VISITAS

LinkWithin

Related Posts with Thumbnails

BIBLIOTECAS ESCOLARES DE GALICIA

BIBLIOTECAS ESCOLARES DE GALICIA
Blogue

BIBLIOTECAS GALEGAS DE PRIMARIA

BIBLIOTECAS GALEGAS DE PRIMARIA
Blogues

BIBLIOTECAS GALEGAS DE SECUNDARIA

BIBLIOTECAS GALEGAS DE SECUNDARIA
Blogues

BLOGALIZA

CANAL LECTOR

PASAPALABRA

PORTAL DAS PALABRAS

PROLINGUAPROLINGUAPROLING

TICs

educ@conTIC

WIKISABER