22/12/21

'BIBLIODIESTE' DESÉXAVOS...

...POR UNHAS FESTAS TRANQUILAS E CON SAÚDE!

27/11/21

TRISTE DESPEDIDA DE ALMUDENA GRANDES

Foto: Samuel Sánchez, El País.

Recién coñecida a triste noticia do falecemento da escritora Almudena Grandes, queremos recordala con esta entrada de homenaxe.

+ info: artigo de "El País"

Morre Almudena Grandes, a escritora que novelou a épica dos perdedores

26/11/21

ENTREGA PREMIOS CONCURSO "AS MIÑAS BIBLIOTECAS 21-22"

Hoxe fíxose entrega na Biblioteca dos premios ao concurso de selfies "AS MIÑAS BIBLIOTECAS" que convocamos o pasado mes de outubro para conmemorar o Día Internacional das Bibliotecas. Parabéns para os gañadores.

22/11/21

XORNADAS DE BIBLIOTECAS ESCOLARES 2021

O pasado 20 de novembro de 2021 celebrouse, no Palacio de Congresos de Santiago de Compostela, a Xornada de Bibliotecas Escolares de Galicia 2021 que reuniu, presencialmente, a preto de 600 persoas, entre participantes, relatores e asesores e asesoras de formación do profesorado.

No enlace que adxuntamos a redeBE podedes acceder aos vídeos das presentacións e aos materiais aportados polos poñentes.

05/11/21

CONTOS DE MEDO NO SAMAÍN

Para celebrar o Samaín, dende o martes 2 ao xoves 11 de novembro imos ler contos terroríficos nos recreos. Alumnado voluntario e profesoras tamén voluntarias fannos pasar un rato de medio divertido entre sombras, cabazas, velas e seres descoñecidos…

Micro contos, contos curtos e algunha sorpresa xaponesa farán as delicias do alumnado máis pequeno que se acerca a biblioteca nesta primeira actividade en exclusiva para todos eles e elas.

03/11/21

XORNADAS DE FORMACIÓN DE USUARIOS NA BIBLIOTECA PARA ALUMNADO 1ºESO

Esta semana comezaron as xornadas de formación para o alumnado novo no centro. Aproveitando o ambiente especial do Samaín, presentamos a nosa biblioteca aos novos usuarios e usuarias de 1º ESO. Explicámoslles como sacar partido dos recursos da biblioteca: como atopar os libros, como usar o seu carné, os ordenadores, onde están os cómic, as películas e os xogos de xadrez. E presentamos as nosas novidades: o punto de intercambio, o caixón de suxestión e o anel Lgtbiq+.

Benvido todo o mundo!!!

29/10/21

LECTURAS PARA SAMAÍN

Lecturas para samain de bcuesta

15/10/21

O GALEGO XESÚS FRAGA, PREMIO NACIONAL DE NARRATIVA

Xesús Fraga recibíu onte á mañá o Premio Nacional de Narrativa concedido polo Ministerio de Cultura. O escritor (Londres, 50 anos) foi galardoado pola obra Virtudes (e misterios) (Galaxia), que conta a historia da súa familia marcada pola emigración. Naceu no barrio londiniense de South Kensington, cidade á que chegaron os seus pais emigrantes siguindo os pasos da súa aboa, pero axiña se trasladou coa súa familia á Coruña, e posteriormente a Betanzos, donde agora vive. Licenciouse en Xornalismo pola Universidade de Salamanca e traballa dende 1996 no xornal "La Voz de Galicia".

O xurado seleccionou esta obra “por mostrar cunha prosa moi coidada, no fondo e na forma, a historia de dúas xeracións de mulleres valentes dunha familia en tempos difíciles, e adentrarnos nun relato sobre a emigración galega en Inglaterra e América”.

+ info en "El País":

Xesús Fraga gaña o Premio Nacional de Narrativa cunha novela escrita en galego

07/10/21

NOBEL DE LITERATURA 2021: ABDULRAZAK GURNAH

Hoxe deuse a coñecer pola Academia Sueca o Premio Nobel de Literatura 2021 para Abdulrazak Gurnah. Abdulrazak Gurnah nacido en Zanzíbar, o 20 de dicembro de 1948 é un novelista tanzano que escribe en inglés e vive no Reino Unido. As súas novelas incluen Paraíso (1994); Deserció (2005); e Na orilla (2001).

+ info:

- WIKIPEDIA

- a nova no xornal "El País":

Abdulrazak Gurnah gaña o Nobel de Literatura pola súa “conmovedora descripción dos efectos do colonialismo”

05/10/21

CONCURSO "AS MIÑAS BIBLIOTECAS 2021-22"

Como todos os anos, o día 24 de outubro é o Día Internacional da Bibliotecas. Para celebralo, a Biblioteca convoca un concurso de Selfies AS MIÑAS BIBLIOTECAS 2021 – 2022.

O obxectivo do concurso é promover a visita ás bibliotecas da bisbarra e da cidade, ou cando menos, acercarse a elas e situalas. Rexerase polas seguintes bases:

I.- DESTINATARIOS. - O concurso está dirixido a todo o alumnado do IESPlurilingüe Rafael Dieste. Pódese participar individualmente ou en grupos

II.- CONTIDO. - Cada participante ou grupo de participantes debe facerse un selfie no que se vexa unha biblioteca real da cidade (non vale imaxe dunha biblioteca). As fotos poden ser individuais ou en grupo.

III.- PARTICIPACIÓN. - A participación no Concurso farase enviando a devandita foto a un dos siguientes correos:

-correo da biblioteca: bibliodieste21@gmail.com

- Correo da coordinadora da Biblioteca: bcuesta29@gmail.com

No correo hai que indicar en asunto Concurso de selfies. Ademais, hai que achegar a foto en formato jpg, e indicar nome e apelidos, curso e grupo. A Biblioteca encargase de imprimir as imaxes e poñelas no taboleiro da clase correspondente.

IV.- CALENDARIO. As imaxes poden enviarse ata o mércores 31 de outubro. A entrega do premio celebrarase nunha data, aínda por definir, dentro da primeira avaliación. As persoas gañadoras serán debidamente informadas desta data.

V.- PREMIOS. – Hai varias categorías de premios:

- Premio individual ao mellor selfie. Vale por 20 euros para utilizar en tendas da contorna. O vale é para o autor ou autora do premio.

- Premio para a foto con máis xente posando para o selfie. Vale por 30 euros para utilizar en tendas da contorna. O vale é para o autor ou autora do premio.

- Premio para a clase que teña a porcentaxe máis alta de selfies. Premio para a clase. Unha vez definidos os premios, faranse públicos a través do blog da Biblioteca.

VI.- MEMBROS DO XURADO. - O xurado estará integrado por 5 membros: unha persoa de dirección, un profesor o profesora do grupo da Biblioteca, un voluntario/a da Biblioteca, unha persoa do grupo DiverXentes e outra de persoal non docente do instituto.

VI.- DEREITOS DE IMAXE. - A participación no concurso implica ter entregado o permiso para utilizar a imaxe do alumno/a.

VII.- ACEPTACIÓN DAS BASES. - A participación no concurso implica a plena aceptación do contido destas bases. A Biblioteca, organizadora do concurso, resérvase o dereito de modificalos, comunicándollo aos participantes a través do blog da Biblioteca.

Ánimadevos!!

04/10/21

O MEU VERÁN FOI... (Expo fotográfica)

Irreal, impresionante, efímero, ajetreado, crazy, armonía, inmarcesible, relax, extraño…Estas son algunhas das palabras coas que os alumnos e alumnas cualifican ou relacionan o seu verán. Pedímoslles ademais imaxes, fotos feitas ao longo das vacacións e que foran representativas deses días. Con esta exposición que mestura verbas e imaxes inauguramos as actividades da Biblioteca.

Podedes ver más fotos:

O meu verán foi de bcuesta

29/09/21

HORA DE LER 2021-22: HORARIO PRIMEIRO TRIMESTRE

27/09/21

NOVIDADES BIBLIODIESTE 2021-22: PUNTO DE INTERCAMBIO

Levamos días organizando todo para poder abrir a Biblioteca o luns 4 de outubro. Temos preparadas xa algunhas sorpresas e novidades.
Para empezar, estreamos o Punto de Intercambio de libros co que queremos darlle unha segunda vida a un montón de libros marabillosos que están desexando ser lidos por alguén. Neste punto podes deixar os libros para que sexan aproveitados por outros lectores e lectoras e tamén podes coller libros, comics, películas, marcapáxinas… deixados aí para ser levados por alguén e así poder disfrútalos outra vez.

20/09/21

BIBLIODIESTE: "XA ESTAMOS DE VOLTA" (Curso 2021-22)

Xa estamos de volta e, como sempre, desexamos que o voso verán fose agradable, formidable, bestial... Moita auga, sol nos ollos, area e verde, verde e area, e moita luz. Durmir pouco ou moito, comer ben ou fatal, ter tempo para un mesmo o estar rodeados sen tregua de amizades, libros novos..

Xa estamos de volta e, coma sempre, desexamos que o inicio do curso tamén sexa bo: xente que nos gusta ver de novo, lapis de cores, gomas novas ou vellas, cadernos por estrear, máis libros novos ..o que lle guste a cada un.

Dende a Biblioteca do Dieste, estamos seguros de que este curso vai se mellor que o pasado. Para que así sexa, nós estamos dispostos a poñer o noso graniño de área con novidades, actividades, concursos e o que se vos ocorra propoñernos. Para iso temos unha caixa de suxestións noviña, agardando a que o estreedes a partir do primeiro de outubro.

Un saúdo e ata entón.

28/06/21

ENQUISA 2021 AO PROFESORADO SOBRE O USO DA BIBLIOTECA

Como ven sendo habitual ao finalizar cada curso escolar, achegamos a enquisa anual para o profesorado para coñecer o uso que facedes da biblioteca e saber que botades de menos de cara a cubrir as melloras necesarias no vindeiro curso 2021-22.

Pódese acceder á enquisa na ligazón inferior:

- Uso da biblioteca: profesorado IES Rafael Dieste xuño 2021

25/06/21

GUÍA DE LECTURAS PARA O VERÁN 2021

23/06/21

ENTREGA DE PREMIOS DO CONCURSO DOS CLUBES DE LECTURA 1ºESO

Onte fixemos a entrega dos premios do concurso dos Clubes de Lectura de 1ºESO, última actividade deste curso. Os premios entregáronse na librería do noso barrio "Luar".

07/06/21

CLUB DE LECTURA: CONCURSO-2 SHERLOCK HOLMES

O segundo concurso proposto dende o Club de Lectura é sobre Sherlock Holmes para alumnado de 3ºESO.

CLUB DE LECTURA: CONCURSO-1 DO DOUS VIDEOS

Concurso sobre os dous videos para alumnado de 1º e 2ºESO.

04/06/21

XIII XORNADA DOS CLUBS DE LECTURA 2021

Hoxe celébrase no Palacio de Congresos e Exposicións de Santiago de Compostela ás XIII

Xornadas dos Clubs de Lectura. A reunión anual do profesorado que coordina os clubs de lectura dos centros que participan no programa de CLUBS DE LECTURA, da Consellería de cultura Educación e Universidade. Neste curso 2020/2021 recibiron asignación, a través da convocatoria do programa, un total de 213 centros que matriculan alumnado de ESO, BAC, FP, Ensinanzas de Persoas Adultas, e Ensinanzas de réxime especial. Esta XIII Xornada dos Clubs de Lectura reunirá así a preto de 250 persoas, entre participantes, relatores e asesores e asesoras de formación do profesorado. Asiste a nosa coordinadora do Equipo de Biblioteca, Matilde de Cal.

Entrégase Premio dos Clubs de Lectura 2021, a escritora Eva Mejuto, por ser a autora galega máis lida nos clubs de lectura no curso 2019/2020. Premio, que xa recibiron Agustín Fernández Paz, Ledicia Costas, Miguelanxo Prado e Carlos Negro, María Reimóndez e Andrea Maceiras.

Participan a escritora Marta Sanz, o escritor, periodista e investigador en comunicación José Miguel Tomasena falará da xente moza as prácticas de lectura nas redes e o autor e ilustrador Miguelanxo Prado, Premio dos Clubs de Lectura no ano 2017.

27/05/21

OS PODCAST DE RADIOFIESTRA CURSO 2020-21

Dado o protocolo Covid deste curso e o empuxe que desde a biblioteca queremos dar á oralidade, podemos afirmar que éste foi un año moi frutífero para a nosa radio escolar. Aquí tedeis a ligazóns a todos os podcasts que creamos con diferentes traballos do alumnado. As deste curso aparecen consignados ca abreviatura do mes e o ano (Xan-2021). Hai podcast dende xaneiro ata maio de 2021, para o que teredes que pasar as distintas páxinas.

- OS PÓDCAST DE RADIOFIESTRA CURSO 2020-21

Fotos de actividades de formación de radio.

21/05/21

DESPEDINDO AO CERVANTES 2021, FRANCISCO BRINES

Foto: El País

Moitos poetas estamos a despedir, tamén a moitos premiados co Premio Cervantes. Primeiro foi o Cervantes 2019 JOAN MARGARIT, logo o Cervantes 2011 JUAN MANUEL CABALLERO BONALD, e agora o recientemente galardonado FRANCISCO BRINES BAÑÓ. Lástima dos poetas que se van indo... DEP.

FINAL III TORNEO INTERCENTROS XADREZ 2020-21

O pasado día 6 de maio rematou o noso III Torneo de Xadrez. Hoxe os nosos gañadores xogarán contra os do IES "Urbano Lugrís" e entregaranse os premios.

Hoxe tivemos unha visita moi especial: os campións e campioas do Torneo de Xadrez do IES Urbano Lugrís. Viñeron acompañados das profesoras África López e María Romero e dispostos a enfrontarse coa nosos campións:

- Daniel Rey, Miguel Fernández -1 e 2º da ESO-,

- Jordi Castro, gañador de Bacharelato e

- Kamille Prainha, premio raíña do taboleiro.

Previamente, os nosos gañadores recibieron os seus premios, como podedes ver nestas fotos que seguen.

No intercentros, despois de 3 roldas nas que cada persoa xogou dúas partidas, quedaron de finalistas Xavi e Hugo do Lugrís e Daniel do Dieste. O gañador foi Daniel Rey, a que Mateo, o director do noso instituto entregou a copa (foto superior da entrada).

Versión da entrada no Blog de Filosofía.