ACTIVIDADES DA HOMENAXE A LUZ POZO GARZA

Composición de fotografías de Luz Pozo feito por Olga Patiño

 Recopilamos nesta entrada as distintas actividades preparadas e desenvoltas na homenaxe a poeta Luz Pozo Garza. 

1) DESCRIPCIÓN DA HOMENAXE A LUZ POZO GARZA E LECTURA DRAMATIZADA DA VERSIÓN DE MEDEA EN "RADIOFIESTRA" [Composición e interpretación da música Andrea Rodríguez. Adrián, Kamille e Emma introdúcennos no mundo de Medea da man desta escritora galega]

2) A POETA OLGA PATIÑO RECITA DOUS POEMAS DE LUZ POZO DO SEU LIBRO "PROMETO A FLOR DE LOTO"

3) PROGRAMA DE 'RADIOFIESTRA': LUZ POZO SEGUNDO OLGA PATIÑO. [Segunda entrega da homenaxe que realizamos no IES Rafael Dieste a Luz Pozo, esta vez, da man da escritora Olga Patiño, quen comparte con nós as súas vivencias, lembranzas e a pegada que nela deixaron os momentos compartidos con Luz Pozo. Presentan o programa Emma e Kamille, asiduas xolaboradoras de Radiofiestra.]

4) PRESENTACIÓN LUZ POZO GARZA

5) PASAPALABRA SOBRE LUZ POZO GARZA

HOMENAXE PÓSTUMO A LUZ POZO GARZA EN "BIBLIODIESTE"

 Como xa anunciáramos o 19 de outubro no Día das Escritoras, e dentro das homenaxes que cada curso preparamos sobre un escritor galego, este curso adicámolo á poeta Luz Pozo Garza, recentemente falecida. Será entre o 16 e o 22 de decembro.

 Estamos elaborando unha presentación, na que este ano incorporaremos as lecturas do alumnado, xa que non podemos celebrar o acto no salón de actos. Esta presentación e o pasapalabra serán publicados aquí en Arquivos e no curso que a biblioteca ten na aula virtual. A presentación poñerase ao longo deses días (do 16 ao 22) nas aulas para que o alumnado coñeza a esta poeta galega, escoite aos compañeiros recitando os seus poemas e participe no concurso do pasapalabra.

Tamén contaremos coa presenza da poeta Olga Patiño Nogueira, que recitará poemas de Luz Pozo na nosa radio "RadioFiestra".

DÍA DAS ESCRITORAS 2020

 

O Día das Escritoras é unha iniciativa promovida pola Biblioteca Nacional de España en colaboración coa Federación Española de Mujeres Directivas, Ejecutivas, Profesionales y Empresarias (FEDEPE) e coa Asociación Clásicas y Modernas. Desde 2016 búscase reivindicar o labor e o legado das escritoras a través da historia.

Como en edicións anteriores, a data elexida é o luns máis cercano á festividade de Teresa de Jesús, o 15 de outubro. A V Edición celébrase este ano 2020  o 19 de outubro baixo o lema "O esforzo cotián das mulleres". "Ben se podería dicir que a literatura escrita por mulleres está a miúdo esporeada por unha conciencia esencial do esforzo." , explica Elvira Lindo, comisaria desta V Edición do Día das Escritoras 2020.

Desde as bibliotecas escolares propoñen tamén que se visibilice a obra das escritoras galegas e nos dende Bibliodieste anunciamos que, como todos os cursos, no primeiro trimestre faremos unha homenaxe a un escritor galego. Unha vez mais será unha muller, a poetisa galega recientemente falecida LUZ POZO GARZA. Esta homenaxe póstuma será na última semana de decembro.