Visitas a biblioteca municipal Ágora

Estes días os grupos de 1º ESO visitaron a biblioteca municipal Ágora. O alumnado percorreu, da man de Eva Vieites e Nuria Rey, as diferentes salas de lectura e os espazos de ordenadores e reunións. Visitamos desde a sala dos máis pequenos ata a sala de adultos a que pode accederse a partir dos catorce anos.

No vindeiro mes de novembro a biblioteca terá dispoñible un bo número de xogos de mesa.

Por outro lado, o martes día 22, houbo un encontro do IES Agra do Orzán e do IES Plurilingüe Rafael Dieste, onde os docentes compartiron experiencias.

E ti, xa tes o carné de persoa usuaria da biblioteca Ágora?

X SEMANA CULTURAL: PROXECCIÓN DE 'O VERDUGO' NO ÁGORA

Durante a Semana Cultural programouse a proxección da película "El Verdugo", de Luis García Berlanga no Centro Ágora, o martes 30 de abril ás 16.30h da tarde. Organizamos esta proxección en colaboración co CGAI, que proporcionou a película e o Concello de A Coruña cedeu o auditorio do Ágora. Asistiron o alumnado do centro de 3º e 4º ESO, e 1º e 2º de Bacharelato, e ampliamos a invitación a familiares e veciños.

Entregamos unha folla de sala con información da película preparada polo alumnado de 1º de bacharelato que están no Plan Proxecta- CinED ( que ten como obxectivo achegar a mocidade ao cine europeo e descubrir a súa diversidade). Foron eles quen acomodaron aos asistentes e lles entregaron a folla de sala, así como a breve presentación inicial previa á proxección.

III PREMIOS DADO 2019

Onte martes 30 de abril falláronse os III Premios Dado no Ágora. Alumnado do noso instituto foi premiado:

III PREMIOS DADO 

- Segundo premio na categoría A: Xoel Añón Lage (S1B).

- Primer premio na categoría B: Uxía Queijeiro Sesar (B1B).

AdemáIs, na categoría B fOron tamén finalistas Raquel Torres (B1A) E Paula Iglesias (B1B).

Vera Losada Castro (S2D) foi finalista na categoría A de Booktrailers.

X SEMANA CULTURAL: PROXECCIÓN DA PELÍCULA "EL VERDUGO" NO ÁGORA

 

Durante a Semana Cultural haberá a proxección da película "El Verdugo", de Luis García Berlanga no Centro Ágora, o martes 30 ás 16.30h da tarde. Organizamos esta proxección en colaboración co CGAI, que proporciona a película e o Concello de A Coruña cede o auditorio do Ágora. Asistirán o alumnado do centro de 3º e 4º ESO, e 1º e 2º de Bacharelato. Invitamos a que nos acompañen tamén nais, pais, avoas e avós... 
Entregaremos unha folla de sala con información da película preparada polo alumnado, e farán tamén unha breve presentación antes da proxección. O aforo do Ágora é de máis de 500 asentos, e a entrada é libre ata completalo. A película dura aproximadamente 1h 30',  contamos con terminar a actividade en torno ás 18.15 h. Citamos a todo o alumnado destes cursos de estar no Ágora ás 16:15h para que empece a proxección ás 16:30h.

ÁGORA: FORMACIÓN DE USUARIOS 2019

A colaboración da biblioteca do IES Rafael Dieste coa biblioteca do Ágora continúa outro ano máis coa visita dos alumnos de 1º ESO nunha xornada de formación. Este ano o fixemos coincidir co Día Internacional da Lingua Materna e o aniversario de Rosalía.

Os alumnos de 1º A e C fomos recibidos este martes, 20 de febreiro, na biblioteca do Ágora por Rosalía e Curros Enríquez, quen nos amosaron os espazos da biblioteca, os servicios que ofrecen e interpretaron para nós o poema que Curros adicou a Rosalía "No bico un cantar".

O vindeiro martes continuaremos coa visita cos outros dous grupos de 1º ESO.

PREMIOS DADO 2018

Alumnado de BAC do 'Rafael Dieste' participante nos Premios Dado 2018.

Alumnado de ESO do 'Rafael Dieste' participante nos Premios Dado 2018.

Podedes ver nas fotos superiores o alumnado do 'Rafael Dieste' que participou no certame de microrrelatos "Premios Dado 2018". Entre todos eles, tivemos dous premiados. Os premios entregáronse o pasado martes 19 de abril. Noraboa a todos os premiados e os que participaron!

PREMIOS DADO DE MICRORRELATOS 2018

AMELIA MARTÍNEZ LOUREDA (S2C)

GAÑADORA DO SEGUNDO PREMIO

NA CATEGORÍA A

PREMIOS DADO DE MICRORRELATOS 2018

YAHYA HICHAM REDOUAN (B1C)

GAÑADOR DO SEGUNDO PREMIO

NA CATEGORÍA B

ALFABETIZACIÓN DE USUARIOS @ "ÁGORA"

Esta semana levamos a cabo a segunda parte das actividades de alfabetización de usuarios, organizadas polo Ágora para o alumnado de 1ºESO do noso centro.

A primeira parte foi aquí no instituto, como xa informamos AQUÍ.

A segunda parte, empezou esta semana y prolóngase á que ven, porque cada día un grupo de 1ºESO vai ao Ágora.

Nas primeiras sesións no instituto, explícanlles cómo funciona unha biblioteca e asígnanlles un tema para cada grupo. Nas segundas sesións no Ágora tiñan que buscar información sobre a materia asignada.
Esta semana foron os grupos 1ºESO A e B. A vindeira irán o C e o D.

Incluímos ligazóns á fotos nas páxinas do Ágora. 

- ALUMNADO DO "RAFAEL DIESTE" NO ÁGORA (flickr-Ágora)

E máis abaixo fotos do grupo de 1ºESO-B no día da súa visita o pasado martes 20 de febreiro.







Foto superior o grupo 1ºESO-A na sesión na nosa biblioteca a semana pasada.
Grupo 1ºESO-B:

ALFABETIZACIÓN E FORMACIÓN DE USUARIOS @ 'BIBLIODIESTE'

Durante este mes de febreiro e en colaboración coa Biblioteca Municipal do Ágora, imos ter sesións de ALFABETIZACIÓN E FORMACIÓN DE USUARIOS para todo o alumnado de 1ºESO, divididas en dúas partes: a primeira na nosa propia biblioteca e a segunda cunha visita ao Ágora. Empezamos mañá venres.

Estas sesións serán seguindo o seguinte calendario:

- NOS VISITAN AS BIBLIOTECARIAS DO 'ÁGORA':

VENRES 16-FEB:

9:20h - 1ºESO-A

10:30h: 1ºESO-B

11:20h: 1ºESO-C

12:30h: 1ºESO-D

- VISITAMOS O 'ÁGORA':

LUNS 19-FEB: 

10:30h a 12:10h: 1ºESO-A

MARTES 20-FEB:

10:30h a 12:10h: 1ºESO-B

LUNS 26-FEB: 

10:30h a 12:10h: 1ºESO-C

MARTES 27-FEB:

10:30h a 12:10h: 1ºESO-B

Fotos das súa sesións no instituto co grupo 1ºESO-A:

OS 'LIBROS VIVINTES-2018' (2ª edición - 2ª parte)

Como anunciamos previamente, estamos levando a cabo este curso a segunda edición dos 'Libros Vivintes' en colaboración coa Biblioteca Municipal do Ágora. A primeira parte celebrouse na nosa biblioteca o pasado 12 de xaneiro, como xa informamos aquí. 
Dos encontros da segunda parte da actividade, os pasados martes 23 e 30 de xaneiro, incluímos hoxe fotos e enlaces á páxina Flickr do Ágora, máis abaixo.

Nestas segundas sesións no Ágora, o alumnado dos grupos encontrouse cos protagonistas das historias escollidas:

Raquel Santamaría 

Marta Cámara 

Piero Piga

+ fotos:

- As fotos no Flickr do ÁGORA.

OS 'LIBROS VIVINTES-2018' (2ª edición - 1ª parte)

Hoxe venres 12 de xaneiro, comenzamos a segunda edición da actividade 'Libros Vivintes', unha iniciativa da Biblioteca Municipal Ágora, na que participamos por segundo ano consecutivo.

A primeira fase realizouse hoxe na nosa biblioteca, o alumnado dos grupos de 4ºESO neste horario:

4ºESO-B ás 9:20, 4ºESO-A ás 10:30 e 4ºESO-c ás 11:20.

Os vindeiros martes 23 e 30 de xaneiro terán lugar a segunda fase no Ágora.

info: Libros Vivintes.

Fotos do encontro de venres:

Videos:

ÁGORA: FORMACIÓN DE USUARIOS

Con motivo da celebración o pasado 24 de outubro do DÍA DAS BIBLIOTECAS ESCOLARES, no noso Instituto levamos a cabo ao longo da semana (desde o 23 ao 30 de outubro) unha serie de actividades, entre as que queremos destacar nesta entrada o cursiño de formación de usuarios impartido pola biblioteca municipal da Ágora ao profesorado do equipo. Este cursiño forma parte da colaboración que vimos desenvolvendo estes anos coas bibliotecas municipais do noso barrio, a da Ágora e a de Los Rosales, a quen quedamos moi agradecidos pola súa disposición a colaborar con nós.

OS LIBROS VIVINTES, 2ª EDICIÓN 2017-18

Outra das actividades previstas de BiblioDieste para este curso 2017-18, é participar por segundo ano na actividade de "OS LIBROS VIVINTES", que organiza a Biblioteca do Ágora do Concello de A Coruña. Teremos unha primeira reunión preparatoria o vindeiro 11 de outubro, pero para refrescar a memoria, deixámosvos o enlace ás entradas da nosa participación o curso pasado:

- OS LIBROS VIVINTES - CURSO 2016-17

CONCURSO MICRORRELATOS "DADO 2017"

O pasado martes 23 de maio, celebrouse na Biblioteca Municipal do Ágora a fase final do concurso de microrrelatos organizado polo grupo DADO (formado por seis institutos da cidade: Agra, Elviña, Monelos, Monte das Moas, Rafael Dieste e Zalaeta). Un xurado formado por escritores e persoal da biblioteca do Ágora decidiron os galardonados. Entre eles están algúns do noso alumnado. (Na foto podedes ver a todos os participantes do noso instituto).

- CARLOS INFANTE RODRÍGUEZ 
(2ºESO-A) foi o 2º premio da súa categoría (A- ata 2ºESO)

- JONATHAN SUÁREZ FILGUEIRA 
(1ºBAC-C) foi o 1º premio da súa (B- ata Bacharelato)

Ademáis tiveron mencións honoríficas, chegando á final entre os cinco mellores:

- AROA JIMÉNEZ JIMÉNEZ (1ºESO-A) e 

- LUISANA ÁLVAREZ MONSALVE (1ºBAC-B)

Noraboa e parabéns para todos eles!