Día das Letras Galegas: Luisa Villalta

Celebramos este día cunha exposición de deseños de portadas de libros de poemas da escritora.

Tamén convocamos a III edición do concurso de microrrelatos Palabras Mínimas.

A GALEGA YOLANDA CASTAÑO, PREMIO NACIONAL DE POESÍA 2023

Foto: FESTIVAL DOS EIDOS - Arquivo

Yolanda Castaño foi galardoada co Premio Nacional de Poesía, correspondente ao ano 2023, pola súa obra 'Materia', a proposta do xurado reunido este 27 de setembro. O premio, concedido polo Ministerio de Cultura e Deporte, está dotado con 30.000 euros. O xurado destacou a súa obra "pola poderosa proposta poética na que cada estado da materia exprésase nun ton propio, con poemas dunha metafísica doente e orixinal

 

ACTIVIDADE "AQUÍ TAMÉN SE FALA GALEGO"

 Alberto Pombo, profesor do Depratamento de Galego do noso instituto, está facerndo unha actividade co alumnado de 4º. É unha actividade de dinamización lingüística que consiste nunha campaña nos negocios locais para promocionar o uso do galego. A campaña chámase "AQUÍ TAMÉN SE FALA GALEGO" e consiste en que o alumnado irá a diferentes negocios a pedirlles participar na campaña colocando un pequeno cartel no local. Deixámosvos a presentación da actividade:

AQUÍ TAMÉN SE FALA GALEGO 

...e a moito orgullo! 

Porque a historia das nosas letras non se pode entender sen esta cidade aberta ao océano. Aquí naceron as Irmandades da Fala, a Cova Céltica, a Escola Rexional de Declamación ou a Real Academia Galega. Aquí celebráronse os primeiros Xogos Florais e coroamos como poeta a Curros Enríquez, no que hoxe coñecemos como Teatro Rosalía de Castro, que tamén foi veciña da nosa cidade. Como veciños foron Murguía, Pondal, Lugrís, Dieste, Avilés de Taramancos, Novoneyra…

E como veciños son hoxe Pilar Pallarés, Manuel Rivas, Yolanda Castaño ou Xurxo Souto. E porque outro veciño noso, Pucho Boedo, internacionalizou para o mundo a poesía galega en forma de cancións! 

Os nosos barrios naceron tamén coa voz doutros galegos que aquí viñeron e hoxe, aquí, a nosa lingua renóvase florida con máis sotaques chegados da emigración latina, asiática, europea ou africana. 

 Por iso nós agora, o alumnado do IES Rafael Dieste, iniciamos esta ambiciosa campaña de dinamización con acción directa nos barrios, dos que tamén somos veciños e veciñas orgullosas! A nosa intención é crear un repositorio de 300 locais (cafetarías, lavandarías, talleres mecánicos, perruquerías…) que demostren que nesta cidade non somos hostís á lingua galega. Por iso, subiremos unha foto do teu negocio ao instagram @bibliotecadieste xunto co cancelo #aquítaménsefala, para dar publicidade. Sería algo así… 

“A cafetaría *** da Ronda de Outeiro nº 334, súmase ao proxecto #aquítaménsefala” e acompañaremos a publicación dunha foto do teu negocio. 

QUE VEÑAN MIL PRIMAVERAS MÁIS PARA A LINGUA GALEGA! GRAZAS

17-M, DÍA DAS LETRAS GALEGAS 2023: FRANCISCO FERNÁNDEZ DEL RIEGO

 

SOMOS GAÑADORES DO CONCURSO DE PÓDCAST POLO DÍA DAS LETRAS GALEGAS 2022

Concurso de Podcast 2022. Este ano céntrase en Florencio Delgado Gurriarán. gañamos o 1º premio cun podcast titulado A heroica vida de Florencio.

O punto de partida deste proxecto é a reflexión acerca de que é un heroe. Nas noticias viamos diariamente aos refuxiados da guerra de Ucraína, así como aos combatentes que quedaban a defender o país da invasión. Quen é un heroe? O que queda a loitar ou o que deixa todo? Como sinalou un estudante nunha redacción, “un heroe pode ser un bombeiro, pero tamén os que escapan do lume son heroes”. A partir destas reflexións, achegámonos á figura de Florencio Delgado Gurriarán, quen se exiliou en México por mor da Guerra Civil española. Obtivemos información sobre a súa vida e os seus poemas no libro de Héctor Cajaraville Florencio Delgado Gurriarán. Polos vieiros da saudade, do que se inclúen fragmentos no podcast.

Alumnado de 2º, 3º e 4º ESO co profesor Arcadio Gonzalez.

Ligazón para escoitar o PÓDCAST: 

Concurso de Podcast 2022 | ‘A heroica vida de Florencio’ do IES P. Rafael Dieste

 

 

XII SC/A SAÚDE: EXPOSICIÓN "ESCOLA DE MENCIÑEIROS" DE ÁLVARO CUNQUEIRO

O Departamento de Galego mostra nunha exposición a "ESCOLA DE MENCIÑEIROS" de Álvaro Cunqueiro.

Escola de menciñeiros é unha obra narrativa en galego, escrita por Álvaro Cunqueiro, publicada por Galaxia en 1960.

Relata a vida dos menciñeiros e os costumes galegos das primeiras décadas do século XX.

 

A ESCRITORA ANTÍA YÁÑEZ VISITA O "RAFAEL DIESTE"

 O Departamento de Galego organizou a visita que hoxe temos no instituto o da escritora Antía Yáñez. Esta escritora galega nacida en Burela. É enxeñeira de camiños, pero nunca exerceu como tal,​ traballa nunha academia,​ e imparte fora dela distintas actividades para rapaces, algunhas literarias​ e outras sobre igualdade e loita contra a violencia de xénero​ o que compaxina coa escritura e a participación en encontros literarios.​

Algunhas das súas obras son de xénero infantil; na primera, O misterio de Portomarín, está ambientada no entorno do seu pobo natal, e nela teñen importancia tanto a comunidade caboverdiana, como o Torque de Burela.

No 2018 publicou a novela Senlleiras, xa dirixida a un público máis adulto, na que se narra a investigación duns crimes e a violencia de género en dúas historias separadas no tempo.​

O MAR: PRIMEIRA PRESENTACIÓN

 

    Primeira das presentacións que preparamos sobre

"O MAR"

Departamentos de Filosofía, Francés e Galego.

Cursos: 2ºBAC-D, 1ºESO-D

Video presentación-1:

21-F: DÍA INTERNACIONAL DA LINGUA MATERNA

 

ACTIVIDADES DA HOMENAXE A LUZ POZO GARZA

Composición de fotografías de Luz Pozo feito por Olga Patiño

 Recopilamos nesta entrada as distintas actividades preparadas e desenvoltas na homenaxe a poeta Luz Pozo Garza. 

1) DESCRIPCIÓN DA HOMENAXE A LUZ POZO GARZA E LECTURA DRAMATIZADA DA VERSIÓN DE MEDEA EN "RADIOFIESTRA" [Composición e interpretación da música Andrea Rodríguez. Adrián, Kamille e Emma introdúcennos no mundo de Medea da man desta escritora galega]

2) A POETA OLGA PATIÑO RECITA DOUS POEMAS DE LUZ POZO DO SEU LIBRO "PROMETO A FLOR DE LOTO"

3) PROGRAMA DE 'RADIOFIESTRA': LUZ POZO SEGUNDO OLGA PATIÑO. [Segunda entrega da homenaxe que realizamos no IES Rafael Dieste a Luz Pozo, esta vez, da man da escritora Olga Patiño, quen comparte con nós as súas vivencias, lembranzas e a pegada que nela deixaron os momentos compartidos con Luz Pozo. Presentan o programa Emma e Kamille, asiduas xolaboradoras de Radiofiestra.]

4) PRESENTACIÓN LUZ POZO GARZA

5) PASAPALABRA SOBRE LUZ POZO GARZA

DO 17-M AO 31-O - DÍA DAS LETRAS GALEGAS 2020: RICARDO CARBALLO CALERO

Este ano 2020, a Real Academia Galega adica o Día das Letras Galegas á figura de Ricardo Carballo Calero.

Trinta anos costou que se lle adicara o Día de las Letras Galegas. A crise sanitaria adiou a celebración do 17 de maio e non é fácil saber se o autor soñaba con ser homenaxeado nesta data: un 31 de outubro. Pero hoxe celebramos a súa obra.

+ info sobre Carballo Calero.

DESPEDIMOS A ESCRITORA GALEGA LUZ POZO GARZA

 Ven de coñecerse a noticia do falecemento da escritora galega LUZ POZO GARZA. Nacida en Ribadeo (Lugo) pero afincada en A Coruña, foi unha das mais destacadas escritoras e poetas da segunda metade so século XX. DEP.

+ info: Luz Pozo Garza (Wikipedia)

DE PERSONAXES DE CINE AOS DEBUXOS, PASANDO POLOS DISFRACES

Velaquí o exemplo dos grandes artistas que temos no centro. Xunto cos disfraces de figuras emblemáticas do cine puidemos gozar cos deseños de Edgar Eduardo Alfaro Ferreiro, alumno de 1º BAC B.

A fotografía, o debuxo e o cine diluídos en perfecta harmonía.

DÍA DAS LETRAS GALEGAS 2019: ANTÓN FRAGUAS

O Día das Letras Galegas 2019 ten o nome de ANTÓN FRAGUAS que naceu en Loureiro, Cotobade (Pontevedra) o 28 de decembro de 1905 e morreu en Santiago de Compostela o 5 de novembro de 1999. Foi escritor, historiador, antopólogo e etnógrafo.

Máis información nas seguintes ligazóns:

- Wikipedia.

- Unidade didáctica do Museo do Pobo Galego.

X SEMANA CULTURAL: MICROVIDEOS PROMOCIÓN GALEGO

Dende o Departamento de Galego tamén prepararon microvideos para promocionar o idioma. Aquí deixamos un deles. Outros poderán atoparse no blogue de normalización próximamente. Na véspera do Día das Letras Galegas 2019.

Videos promocionais galego:

X SEMANA CULTURAL: VIDEORRECEITAS DE ESCARLATINA

Deixámosvos, como mostra, unha das videorreceitas que fixo o noso alumnado e que foron proxectadas durante a Semana Cultural. 

Video "Receita Ratatouille":

X SEMANA CULTURAL: A EXPOSICIÓN DE GALEGO

DEPARTAMENTO DE LINGUA GALEGA

O departamento de Lingua Galega conta con varias exposicións:

Banda Deseñada inspirada no cinema

Esta actividade, realizada nas aulas de 3º ESO, consistiu na creación dunha BD, ou cómic, inspirada nalgún trazo concreto de calquera filme escollido polo alumnado: argumento, personaxes, paisaxes, música..., calquera trazo específico e definíbel que alentase a idea de traballar unha breve historieta de non máis de 3 folios. O emprego da linguaxe do cómic (argumento e trama, deseño de personaxes, storyboard, traballo cos planos e os ángulos etc.) foi analizada previamente na clase. Aquí algunhas delas:

Reseñas de filmes

Nas clases de 1º Bacharelato traballáronse as reseñas de filmes, das que podemos ver una mostra na exposición do patio.

Fotogramas das películas favoritas

Nas clases de 2º e 3º ESO e algunhas de 1º ESO os alumnos elixiron un fotograma da súa película favorita e fixeron o traballo de describilo para todos.

ENCONTRO COA ESCRITORA ANDREA MACEIRAS

Tamén onte recibimos no instituto outra vez á escritora Andrea Maceiras, nun encontro organizado polo Departamento de Galego para o alumnado de 2ºESO. Con eles compartiu experiencias sobre o seu libro O QUE SEI DO SILENCIO. Foi presentada polo profesor David Paz, Andrea leunos un conto para pasar despois ás preguntas do alumnado.