30/09/11

REUNIÓN INFORMATIVA COS PAIS

Todos escoitamos estes días que algo se move por fin no ensino. Pero no mundo de hoxe, o mundo da comunicación, non debemos escoitar só o que din os telediarios ou ler só o que din os xornais, senón que temos a obriga de informarnos ben e ler todo tipo de opinións.
Con esta idea onte á tarde un grupo de profesores do noso Instituto reunímonos no salón de actos para informar aos pais dos últimos sucesos e folgas habidas no ensino público.
En arquivos deixámosvos esta opinión  dun ensinante porque cremos que neste asunto hai que escoitar aos profesores, non só aos políticos.

28/09/11

APERTURA DA BIBLIOTECA

Hoxe mércores por fin a biblioteca abre as súas portas para os usuarios despois de permanecer pechada a primeira semana do curso para organizar todo o material donado polo Instituto do Paseo das Pontes. Porén, atoparedes que durante uns días non se poderá acceder á parte do fondo, onde seguimos traballando duro para poder acabar de ordenar e colocar todo o material o antes posible. 
Tamén andamos estes días tratando de organizar a HORA DE LER con melloras e cambios con respecto ao proxecto que iniciamos o curso pasado. O horario e as lecturas quedarán fixadas nas avaliacións iniciais a primeiros de outubro.
Cando estea todo listo publicaremos neste blog todas as novidades deste proxecto de fomento de lectura.

22/09/11

Haberá traballo no ensino para a xente nova?

Este comezo de curso está sendo moi movido por causa do aumento do horario lectivo dos profesores e os recortes da Consellería nas plantillas dos centros. Sobre este tema déixovos este artigo que Carlos Martínez Buján publicou en El País.
E eu digo, se os profesores fixos damos máis horas de clase polo mesmo prezo, haberá traballo no ensino nos próximos anos para a xente nova? Quedarán profesores fora das salas dos psiquiatras? Claro que, vista a imaxe que ilustra esta entrada, o aumento de clases, a baixada de soldo e o desprestixio social con que nos agasallan os políticos, non creo que haxa moitas vocacións novas.


15/09/11

PRINCIPIO DE CURSO

Comezamos o curso con tristeza.
Temos que despedir á compañeira Mª Dolores Martínez Tobío, docente no IES Luis Seoane de Pontevedra e responsable da biblioteca escolar do centro. Hai só uns meses que Mª Dolores nos puxo a Salvar Libros por centros de toda Galicia. Salvar os libros que valen a pena, as linguas nas que se escriben eses libros, as bibliotecas nas que se gardan... a memoria dunha mestra que día a día traballou a favor da cultura e a educación.
Este é un documento colaborativo como tantos outros nos que Mª Dolores adoitaba participar co seu habitual entusiasmo. Desgraciadamente convocounos hoxe a súa despedida e pensamos nesta pequena homenaxe que xorde da mesma rede que ela axudou a tecer. Canto tempo e ilusión dedicados a Biblioiris, a súa bitácora vinculada á biblioteca escolar do instituto!  Por iso os nosos blogs lamentan hoxe a súa ausencia. Por iso esta entrada será publicada por moitos outros centros, ademais dos que aquí figuran. Esperamos que este documento saiba representar tamén a tantas persoas que, desde a rede PLAMBE das bibliotecas escolares galegas, desexan expresar o seu pesar e as súas condolencias á familia e amigos da nosa compañeira. Son tantos os centros que a súa relación excede as dimensións deste documento.
Grazas Mª Dolores polas palabras, polas reflexións, polas propostas, polo tempo, polo que fixemos xuntos e que permitirá seguir camiñando pola ruta das bibliotecas escolares.

Cristina Novoa
Pilar Sampedro
Asesoría Bibliotecas Escolares
posanollocurtiscambre 
jdoloresj
 teisolgamuxiavictorsaenztaragonacatoiraquintelatrafgegandoImaxe das ligazóns: Rapaza lendo. Gustav Adolf Hennig 
 

 GRAZAS Mª DOLORES!  O que perdura de nós son os nosos feitos, e os teus xa deixaron pegada. Foi un pracer traballar na distancia contigo. Desde arquivos mandámosche un bico alá onde estés.

ETIQUETAS

8-M a lingua acoso-bullying actividadeBiblio actualidade adolescencia Ágora alfin amor animación ApadriñaLector arqueoloxía arte astronomía audio audiovisual autores baile bibliotecas bioloxía blog cartel centenario certames cidades ciencia ciencia-ficción cine club de lectura comic compromiso concertos concursos conferencia congresos contacontos Cosmos cuca cuestionario curta dereitos humanos deseño dicionarios didáctica discapacidade DIVERINTERCULTURAL DiversidadeCultural documentais educación efemérides encontros con escritores enl enlaces enquisas ensaios entrevista entroido exposicións expresión oral familias feminismo ficha filosofía física fomento da lectura fondos formación de usuarios formularios fotografía francés galego Galicia Gastronomía graduación Grego guías HªEscritura HªOlimpiadas historia homenaxe HoraDeLer humor ilustración inglés iniciativas intercambio interculturalidade internet latín letras galegas LIBROS LibrosVivintes linguas estranxeiras literatura manualidades matemáticas medio ambiente microrrelatos mitoloxía mochilas viaxeiras mulleres MUSE museos música nadal narrativa natureza Nobel noticias O CINE O MAR obituario obradoiro Odisea OPINIÓN ortografía P.Cervantes P.Dado Pasapalabra patrimonio PATRIMONIOGALEGO paz pioneiros PLAMBE PlanProxecta poesía premios presentación publicidade química radio Radiofiestra RadioNaBiblio RD25Anos recursos revista roteiros S.C.AntiguaGrecia Samaín saúde semana cultural solidariedade teatro textos tics titoría traballo por proxectos traducción tríptico verán viaxes vídeos violencia de xénero votacións xadrez xeografía xogos XOGOSTRADICIONAIS xornadas xornalismo xubilación

PUBLICACIÓNS POPULARES DA SEMANA

PUBLICACIÓNS POPULARES DO MES

PUBLICACIÓNS POPULARES DE SEMPRE

ESTATÍSTICAS DE VISITAS

LinkWithin

Related Posts with Thumbnails

BIBLIOTECAS ESCOLARES DE GALICIA

BIBLIOTECAS ESCOLARES DE GALICIA
Blogue

BIBLIOTECAS GALEGAS DE PRIMARIA

BIBLIOTECAS GALEGAS DE PRIMARIA
Blogues

BIBLIOTECAS GALEGAS DE SECUNDARIA

BIBLIOTECAS GALEGAS DE SECUNDARIA
Blogues

BLOGALIZA

CANAL LECTOR

PASAPALABRA

PORTAL DAS PALABRAS

PROLINGUAPROLINGUAPROLING

TICs

educ@conTIC

WIKISABER