Olimpiadas Dieste 2012 (2ª parte)

Como prometimos, aqui está a segunda parte da presentación das fotos. Corresponden co 3º e 4º día e co almorzo do último día. Aínda que podedes velas por separado, naturalmente, gustaríanos tamén facer unha presentación conxunta para comentalas todos xuntos. Por iso, este martes no 2º recreo vos esperamos na biblioteca.

Olimpiadas Dieste 2012 (1ªparte)

Xa temos a primeira presentación coas fotos da Semana Cultural deste ano "Olimpiadas Dieste 2012". Estamos xa preparando a segunda parte. Tede paciencia que axiña a poderedes ver tamén aqui en arquivos.

Ide pensando xa todos o tema do curso que vén. É importante que o teñamos elixido en xuño, antes das vacacións, para poder introducilo nas programacións das materias e nas actividades do proxecto lector.

Os Xogos Olímpicos modernos

Esta é a terceira presentación que preparamos para a semana cultural. Trata sobre os xogos olímpicos da nosa era. Comeza e termina coa mesma música, mais no medio pódense escoitar dúas interpretacións musicais,  "carros de fuego" de Vangelis e "amigos para siempre" de A. LLoyd Webber, a cargo dun grupo de alumnos de música de 4º de ESO. Noraboa, porque tocar todos ao mesmo tempo e con "carrillóns" ten moito mérito.

HISTORIA DOS XOGOS OLÍMPICOS

Por fin! Xa temos os power-points convertidos en vídeo para poder presentalos aqui, en arquivos. Se algún curso non puido acudir á biblioteca esta semana, agora ten a oportunidade de ver as presentacións:
-"Historia dos Xogos Olímpicos antigos" e 
-"Mitoloxía e deporte". 
Á primeira presentación tivemos que cambiarlle a música grega orixinal, por iso dos "dereitos de autor". Agradecemos ao Departamento de latín ás anécdotas de Aulo Gelio e Suetonio aportadas A segunda presentación contén a narración por parte dos alumnos de dous mitos relacionados co deporte: o mito de Atalanta e Hipómenes, e o de Ulises e as sereas. Este último está dramatizado por alumnos de 1º de ESO que leron a Odisea na HORA DE LER.

Advertimos que os power-points perderon algo de calidade na conversión a  vídeo.

Os Xogos Olímpicos antigos

Mitoloxía e deporte

A terceira presentación sobre "Os Xogos Olímpicos modernos" subirémola estes días, así como as fotos das actividades.

Como premio, ademáis da camiseta haberá un almorzo olímpico este luns para todos os que participastes nalgunha actividade desta semana cultural nas materias de Debuxo, Informática, Tecnoloxía, Educación Física, Matemáticas, Inglés, Cultura Clásica, Grego ou na Hora de Ler... 

NORABOA A TODOS, tamén ao público sen o cal níngunha actividade é posible. 

QUEDAN INAUGURADOS...

"QUEDAN INAUGURADOS OS XOGOS OLÍMPICOS RAFAEL DIESTE 2012".

Ao longo desta semana e da que vén iremos colgando aqui as presentacións coas imaxes captadas durante os actos que estamos celebrando estes días. Pero ata entón, ide mirando esta foto do acto de inauguración de onte. QUE PENA QUE A CHUVIA IMPEDISE QUE O DESFILE SAÍSE Á RÚA!

Pero xa se sabe "ao mal tempo, boa cara". Fixémolo por dentro do recinto do Instituto e  prendemos a chama olímpica que non se apagará ata o venres 4, día da clausura destes Xogos deportivos e culturais.  

XA ESTAMOS PREPARADOS

Xa estamos preparando todo para que a nosa 3ª semana cultural sexa perfecta. Como os bos deportistas traballamos moito e seguro que todo sae ben. Pero aínda queda dar os últimos toques á decoración, ás presentacións, ao desfile, ás probas deportivas...

Éste é o horario definitivo:

	LUNS 30 abril	MARTES F E S T I V O	MÉRCORES 2 maio	XOVES 3 maio	VENRES 4 maio
8.30/9.20	Desfile
9.20/10.10				Hª Olimpiadas	Hª Olimpiadas
10.10-10.30	Encendido pebeteiro Exhibición ximn. rítmica		halterofilia	taekuondo	Ximnasia rítmica individual
10.30/11.20	Hª Olimpiadas		Hª Olimpiadas	Hª Olimpiadas	Hª Olimpiadas
11.20/12.10	Hª Olimpiadas		Hª Olimpiadas	Hª Olimpiadas	Hª Olimpiadas
12.10-12.30	judo		salto de altura	voleibol	Clausura Exhibición acrosport
12.30/13.20				Hª Olimpiadas	Cine “Quero ser como Beckham”
13.20/14.10	Hª Olimpiadas		Conferencia entrenador olímpico

 

O desfile terá lugar fóra do centro e chegará ao patio ás 10 para acender co facho olímpico o pebeteiro. Actividades nos recreos no patio central Actividades na biblioteca Actividades no Salón de actos

Se queremos asistir cos alumnos, os profesores debemos anotarnos NA SALA DE PROFESORES para o acto da biblioteca, que se repetirá 2-3 veces ao día para que todos poidamos ter a oportunidade de disfrutar da "Historia das Olimpiadas".
NON DEIXEDES DE MIRAR AS EXPOSICIÓNS QUE VOS TEMOS PREPARADAS TANTO NO PATIO COMO NA BIBLIOTECA E DE PARTICIPAR NOS CONCURSOS "ARTE E DEPORTE" E "OS XOGOS OLÍMPICOS ANTIGOS" QUE ESTARÁN ABERTOS NA AULA VIRTUAL A PARTIR DO VENRES 4 DE MAIO.

E AGORA...CITIUS, ALTIUS, FORTIUS

AS MASCOTAS DOS XOGOS OLÍMPICOS

Estas son as once mascotas dos Xogos Olímpicos modernos desde Munich 1972 ata Londres 2012. Todos os préstamos que se leven a cabo durante a semana cultural terán como regalo un marcapáxinas diseñado por alumnos con unha destas mascotas. Ide pensando cál vos gusta máis.

XA QUEDAN POUCOS DÍAS

Quedan tan só dezasete días para que comece a 3ª SEMANA CULTURAL no noso centro. Este ano o tema elixido é  Os Xogos Olímpicos. Os preparativos van vento en popa:

-xa están ultimando a antorcha e o pebeteiro nas clases de Tecnoloxía, os pictogramas nas clases de debuxo, as presentacións en ordenador sobre a historia dos Xogos Olímpicos desde Grecia a Londres con textos literarios e música nas clases  de música, lingua castelá, galega, latín, cultura clásica e grego.

-xa andamos maquinando e organizando cómo será o desfile inaugural e a decoración do estadio (patio interior) e da palestra (biblioteca)

-xa están os nosos deportistas entrenando para as clasificacións nas probas nas clases de Educación Física.

Ademais andamos preparando sorpresas, concursos, regalos e premios...

 Este é o horario provisional.

	LUNS 30 abril	MARTES F E S T I V O	MÉRCORES 2 maio	XOVES 3 maio	VENRES 4 maio
8.30/9.20	Desfile
9.20/10.10					HªOlimpiadas
10.10-10.30	Encendido pebeteiro Exhibición ximn. rítmica		halterofilia	vóley ball	Ximnasia rítmica individual
10.30/11.20	Hª Olimpiadas		Hª Olimpiadas	HªOlimpiadas
11.20/12.10	Hª Olimpiadas		Hª Olimpiadas	HªOlimpiadas	HªOlimpiadas
12.10-12.30	judo		salto de altura	vóley ball	entrega de premios exhibición acrosport
12.30/13.20			Conferencia		Cine
13.20/14.10	Hª Olimpiadas			HªOlimpiadas

Ademais o patio central estará decorado cos 27 carteis das Olimpiadas modernas, os aros olímpicos e os paneis con pictogramas seleccionados dos deportes olímpicos. Os pictogramas restantes serán expostos no taboleiro da entrada do centro.

Decoración da biblioteca coa mascota de Londres 2012 e unha exposición sobre “arte e deporte”.

As actividades nos recreos durarán uns 10-15 minutos e terán lugar no patio central.

A Historia das Olimpiadas terá lugar na biblioteca e haberá que anotarse previamente nun horario adxunto colocado no taboleiro da biblioteca na sala de profesores. Son en total 10 sesións, cada unha poderá ter un aforo máximo de 40 alumnos. Está disposto así para que poidan acudir todos os grupos.

Durante a semana estarán a disposición de todos nos ordenadores da biblioteca os enlaces aos dous concursos on line sobre Xogos Olímpicos e arte e deporte.

Durante a semana haberá unha exposición bibliográfica no patio de fondos prestados por dúas bibliotecas municipais. Estes fondos poderán ser levados en préstamo durante quince días.

Todos os préstamos que teñan lugar nesa semana terán como regalo un marcapáxinas coas mascotas dos Xogos Olímpicos modernos.

Todo os materiais, agás os 27 carteis olímpicos, están sendo elaborados polos alumnos.

Moito traballo de moita xente. Para todos os participantes haberá "un almorzo olímpico" para coller forzas e unha camiseta olímpica para o desfile, grazas á aportación do APA á Semana Cultural. Uns días antes poñeremos o horario definitivo. Ide anotándoos para as sesións da biblioteca no horario que figurará na sala de profesores. ÁNIMO E A SEGUIR QUE XA FALTA POUCO!