Día das Letras Galegas: Luisa Villalta

Celebramos este día cunha exposición de deseños de portadas de libros de poemas da escritora.

Tamén convocamos a III edición do concurso de microrrelatos Palabras Mínimas.

17-M, DÍA DAS LETRAS GALEGAS 2023: FRANCISCO FERNÁNDEZ DEL RIEGO

 

A ESCRITORA ANTÍA YÁÑEZ VISITA A NOSA BIBLIOTECA

 

A escritora Antía Yañez visitounos onte xoves 1 de decembro. A autora de "O Misterio de Portomarín", falou co alumnado de 1ª da ESO no Salón de Actos do instituto. 

Tivo un momentiño para pasar pola biblioteca onde temos varios exemplares da súa obra asignados por ela.

PREMIOS DO CONCURSO DE MICRORRELATOS "PALABRAS MÍNIMAS 2022"

Estes son os gañadores do primeiro concurso de mircorrelatos "PALABRAS MÍNIMAS", convocado co motivo do Día das Letras Galegas deste ano.

Na foto a gañadora do primeiro premio: IRENE SÁNCHEZ MARTÍNEZ (3ºESO-A)

Sen Vida.

Florencio non dixo máis nada. E que non podía dicir máis nada. De feito, aínda que poidera non o faría. Supoño que é o que se chama esto usen palabras, sen fala. Pero a Florencio ademáis faltáballe a propia boca……e as mans…….e as pernas…..

Todo isto quedara nunha Caixa baixo a terra e unha pedra co seu nome e as siglas D.E.P. gravadas. Para os que aínda tiñan boca e pernas, Florencio quedara nunha idea, nunha brisa, nun pasado. A pesar de que o que verdaderamente lle quedaba era unha eternidade….sen boca, sen….

O segundo premio foi para. ANTÓN BECERRA SEOANE (1ºESO-D)

Florencio non dixo máis nada. Tampoco facía falla, aquelas palabras sementaraqn a confusión na cara do seu compañeiro: “A partir de agora vou falar eu” O compañeiro observou a actitude decidida daqueles ollos abertos, a postura ríxida de Florencio e berrou “O meu boneco cobrou vida!”

Mención especial. SANDRA PÉREZ RODRÍGUEZ (1ºBAC-C)

SOMOS GAÑADORES DO CONCURSO DE PÓDCAST POLO DÍA DAS LETRAS GALEGAS 2022

Concurso de Podcast 2022. Este ano céntrase en Florencio Delgado Gurriarán. gañamos o 1º premio cun podcast titulado A heroica vida de Florencio.

O punto de partida deste proxecto é a reflexión acerca de que é un heroe. Nas noticias viamos diariamente aos refuxiados da guerra de Ucraína, así como aos combatentes que quedaban a defender o país da invasión. Quen é un heroe? O que queda a loitar ou o que deixa todo? Como sinalou un estudante nunha redacción, “un heroe pode ser un bombeiro, pero tamén os que escapan do lume son heroes”. A partir destas reflexións, achegámonos á figura de Florencio Delgado Gurriarán, quen se exiliou en México por mor da Guerra Civil española. Obtivemos información sobre a súa vida e os seus poemas no libro de Héctor Cajaraville Florencio Delgado Gurriarán. Polos vieiros da saudade, do que se inclúen fragmentos no podcast.

Alumnado de 2º, 3º e 4º ESO co profesor Arcadio Gonzalez.

Ligazón para escoitar o PÓDCAST: 

Concurso de Podcast 2022 | ‘A heroica vida de Florencio’ do IES P. Rafael Dieste

 

 

O GALEGO XESÚS FRAGA, PREMIO NACIONAL DE NARRATIVA

 

Xesús Fraga recibíu onte á mañá o Premio Nacional de Narrativa concedido polo Ministerio de Cultura. O escritor (Londres, 50 anos) foi galardoado pola obra Virtudes (e misterios) (Galaxia), que conta a historia da súa familia marcada pola emigración. Naceu no barrio londiniense de South Kensington, cidade á que chegaron os seus pais emigrantes siguindo os pasos da súa aboa, pero axiña se trasladou coa súa familia á Coruña, e posteriormente a Betanzos, donde agora vive. Licenciouse en Xornalismo pola Universidade de Salamanca e traballa dende 1996 no xornal "La Voz de Galicia". 

O xurado seleccionou esta obra “por mostrar cunha prosa moi coidada, no fondo e na forma, a historia de dúas xeracións de mulleres valentes dunha familia en tempos difíciles, e adentrarnos nun relato sobre a emigración galega en Inglaterra e América”.

+ info en "El País":

Xesús Fraga gaña o Premio Nacional de Narrativa cunha novela escrita en galego

DÍA DAS LETRAS GALEGAS 2021: XELA ARIAS RECORDADA EN 'RADIOFIESTRA'

Aquí tedes as ligazóns aos podcast de "RadioFiestra" en homenaxe a Xela Arias, a quen se lle adica o Día das Letras Galegas 2021.

Preparado por alumnado e profesorado do noso instituto.

- XELIÑA FALA GALEGO

- COMO SOA XELA

 

Con estes podcast participamos no III Concurso de Podcast de "Radio na Biblio".

17-MAIO DÍA DAS LETRAS GALEGAS 2021: XELA ARIAS

O Día das Letras Galegas 2021 está adicada a XELA ARIAS, escritora, poeta, traductora e profesora de Galego.

+ info

DO 17-M AO 31-O - DÍA DAS LETRAS GALEGAS 2020: RICARDO CARBALLO CALERO

Este ano 2020, a Real Academia Galega adica o Día das Letras Galegas á figura de Ricardo Carballo Calero.

Trinta anos costou que se lle adicara o Día de las Letras Galegas. A crise sanitaria adiou a celebración do 17 de maio e non é fácil saber se o autor soñaba con ser homenaxeado nesta data: un 31 de outubro. Pero hoxe celebramos a súa obra.

+ info sobre Carballo Calero.

DÍA DAS LETRAS GALEGAS 2019: ANTÓN FRAGUAS

O Día das Letras Galegas 2019 ten o nome de ANTÓN FRAGUAS que naceu en Loureiro, Cotobade (Pontevedra) o 28 de decembro de 1905 e morreu en Santiago de Compostela o 5 de novembro de 1999. Foi escritor, historiador, antopólogo e etnógrafo.

Máis información nas seguintes ligazóns:

- Wikipedia.

- Unidade didáctica do Museo do Pobo Galego.

APADRIÑANDO 2018: CEIP SAN PEDRO DE VISMA

Hoxe volvimos a apadriñar novos lectores, esta vez, entre os rapaces do CEIP "San Pedro de Visma". Igual que fai tres semanas recibíamos os rapaces do CEIP "Prácticas", hoxe foron os noso alumnado quen visitou este colexio e nas súas instalaciones repetiron case que todas as actividades: Candela volveu a facer de María Vitoria Moreno, contándolles a súa vida. Zeltia, Eva e Carlos representaron un anaco de "Mar Adiante". Volveron a facer vagalumes, visitamos a súa horta e galiñeiro e tivemos tempo para contar contos.

DÍA DAS LETRAS GALEGAS 2018. MARÍA VICTORIA MORENO

Ilustración: cidadedacultura.gal

Foto: Compostela 24h.

A figura a quen este ano se lle adica o Día das Letras Galegas é MARÍA VICTORIA MORENO. Unha profesora extremeña de Lingua e Literatura española que aprendeu galego para poder comunicarse co alumnado e pais do seu primeiro destino docente en Lugo. É a cuarta muller a quen se lle adica este día conmemorativo. Nos enlaces que seguen, tedes información sobre esta muller:

- Galicia Confidencial:

María Victoria Moreno, a estremeña que loitou en galego e coa docencia contra o franquismo

- Wikipedia: MARÍA VICTORIA MORENO


O vídeo de Nicolás, Antía, Clara e Carolina de 1º de ESO C:

APADRIÑANDO 2018: ALUMNADO CEIP DE "PRÁCTICAS"

  

Hoxe empezamos ás sesións de Apadriñamento de Novos Lectores co alumnado do colexio de primaria adscrito "Prácticas". Así estaba a nosa Biblioteca esta mañá preparada para recibir ao alumnado de 6º de Educación Infantil, 20 rapaces en total.

Primeiramente, visitaron a nosa horta. Vicky, a profesora de bioloxía, deulles un iogur para que o enchesen de terra e lle meteran semente de tomate.

Despois fomos á biblio. Candela fixo de María Vitoria Moreno, contándolles a súa vida. Zeltia, Eva e Carlos representaron un anaco de "Mar Adiante": "O Vagalume" e "O Luceiro".

Logo os pequenos fixeron uns vagalumes de cortiza, con ollos e pintura de neón para brillar na oscuridade.

A continuación, por parellas, leron contos e, por último, veron vermes de seda.

Videos: