"FEMENINO PLURAL", AS MULLERES E AS NENAS NA CIENCIA: A EXPO

Durante a pasada semana do 5 ao 9 de Febreiro, o Departamento de Ciencias Naturais adicou unha semana a conmemorar o 11 de febreiro: Día Internacional das Mulleres e as Nenas na Ciencia.

Con este motivo houbo charlas, xogos, visionado de películas e actividades de divulgación preparadas polo alumnado coa muller na ciencia como protagonista. Toda a información AQUÍ.

Entre estas actividades estaba tamén a exposición preparada polo alumnado de ciencias que ofrecía folletos informativos de mulleres que tiveron un papel importante na disciplina científica e unha mostra de libros sobre o tema.

Esta exposición tivo lugar na nosa biblioteca. E estas fotos son a mostra.

AMOR 2018

Todos sabemos que o 14 DE FEBREIRO é SAN VALENTÍN e celebramos o DÍA DOS NAMORADOS.

Somos conscientes de que esa data é un reclamo comercial, con clara finalidade consumista, pero tamén sabemos o importante que é o AMOR na vida dunha persoa, e que esta data do amor hai que celebrala TODOS OS DÍAS.

Para darlle visibilidade a un sentimento que debemos cultivar, propoñemos dende a Biblioteca a seguinte actividade:

Queremos encher o patio interior do Instituto con definicións orixinais, ou frases breves sobre o amor. As expoñeremos en paneis e poderedes participar da seguinte maneira:

- Participantes: todo o alumnado do instituto.

- Presentación: nunha cuartilla (medio folio), figurando, na parte posterior, o nome e o curso do alumno/a.

- Traballo a realizar: hai que escribir unha definición orixinal ou frase breve sobre o amor. Pode estar escrita en calquera dos catro idiomas maioritarios que estudiamos no instituto: Castellano, Français, Galego ou English. (Alumnado de Grego e Latín, tamén poden participar con estes idiomas).

- Prazo de entrega: entre o 5 e o 19 de febreiro.

- Forma de entrega: entregaranse aos titores, que as farán chegar ás profesoras encargadas da biblioteca: Sarah ou Mercedes.

VEÑA, ANIMÁDEVOS A PARTICIPAR!

OS 'LIBROS VIVINTES-2018' (2ª edición - 2ª parte)

Como anunciamos previamente, estamos levando a cabo este curso a segunda edición dos 'Libros Vivintes' en colaboración coa Biblioteca Municipal do Ágora. A primeira parte celebrouse na nosa biblioteca o pasado 12 de xaneiro, como xa informamos aquí. 
Dos encontros da segunda parte da actividade, os pasados martes 23 e 30 de xaneiro, incluímos hoxe fotos e enlaces á páxina Flickr do Ágora, máis abaixo.

Nestas segundas sesións no Ágora, o alumnado dos grupos encontrouse cos protagonistas das historias escollidas:

Raquel Santamaría 

Marta Cámara 

Piero Piga

+ fotos:

- As fotos no Flickr do ÁGORA.