VÍDEO DOS ACTOS DA SEMANA CULTURAL

Por fin chega ata arquivos o vídeo resumo dos actos que tiveron lugar ao longo da Semana Cultural sobre PATRIMONIO GALEGO! "Nunca é tarde se a dicha chega", di o refrán. 

CONCURSO DE BLOGS LECTORES MOZOS

Por segundo ano consecutivo a OEI  puxo en marcha o Concurso de Blogs Lectores de Mozos de 12 a 15 aos de idade.

Xa son case 500 participantes de todos os países

O premio é un IPad para o alumno/a gañador/a.

Invitámosvos a participar.

En Twitter están usando o hashtag #questasleyendo dende a conta @iberlectura que podedes seguir.

Compartimos un vídeo do escritor Antonio Skármeta que anima a ler:

FONDOS DO CILIJ (Centro Internacional do Libro Infantil e Xuvenil) NA REDE

Desde o Centro Internacional del Libro Infantil y Juvenil (CILIJ) queren dar a coñecer seus fondos documentais, en concreto o catálogo do Fondo Histórico Antiguo do CILIJ, formado por unha colección histórica de libros infantis e xuvenis que se configura en torno á creación de escritores e ilustradores españoles. Asimismo, conforma unha mostra do devenir da edición en España no subsector das publicacions para nenos e mozos e está composto por obras de literatura infantil e xuvenil publicadas con anterioridade a 1959.

Picade no enlace PINTEREST.

Seguro que a algún traeralle moi bos recordos.

GRADUACIÓN PROMOCIÓN 2ºBAC DO "RAFAEL DIESTE" 2013

O pasado venres 24, celebrouse un ano máis, o que xa é o tradicional acto de graduación da promoción de 2ºBAC do IES "Rafael Dieste" 2013. Este ano sendo unha promoción moi numerosa, tívose que tomar prestado o salón de actos dos nosos veciños do Conservatorio Superior de Música: o Auditorio "Andrés Gaos". A festa rematou, como xa é habitual, cunha cea fría, no patio central do noso instituto co alumnado, as súas familias e o profesorado. 

Noraboa a todos!

FORMULARIOS USO DA BILBIOTECA

Aquí tedes os enlaces ao formulario de alumnos e ao formulario de profesores sobre o uso da biblioteca ao longo do curso 2012-2013. Os resultados debemos incorporalos á memoria do PLAMBE que ha de estar lista antes do 7 de xuño. Estes enlaces estarán tamén no escritorio dos ordenadores da sala de profesores e da biblioteca, e na aula virtual no apartado "Biblioteca". Os alumnos deberán cubrilos na hora de titoría.

Grazas a todos pola colaboración.

O RAP DA EDUCACIÓN 2.0

Un pouco de música rap para ilustrar a nova educación 2.0. Escoitade...

CUESTIONARIO "Letras Galegas"

Se estiveches atento ás entradas e enlaces que estes días publicamos nesta páxina de arquivos, completa o cuestionario sobre as Letras Galegas 2013. Poderás responder ata o venres 31 de maio ás 14.10 que se cerrará. Cal será o premio para o gañador? Ah, sorpresa! 

 

Feliz DÍA DAS LETRAS GALEGAS!
 

LETRAS GALEGAS 2013: ROBERTO VIDAL BOLAÑO

Do IES Ribeira do Louro de O Porriño chéganos este slide do autor á quen se dedica este ano o Día das Letras Galegas, VIDAL BOLAÑO. Sirva como primeira entrada a toda unha serie que iremos publicando sobre este autor, actor e director de teatro galego. Estade atentos e ler todo con moita atención porque o día das Letras Galegas pode haber algunha sorpresa.

Roberto from Paz Pereiro

SEMANA CULTURAL 2013: AS FOTOS

Podedes ver as fotos da Semana Cultural no seguinte enlace.

EXPOSICIÓN NA BIBLIOTECA

Estes días temos expostos na biblioteca os traballos realizados por uns alumnos de 4ºB  sobre

"Moléculas de ADN".

Noraboa a estes alumnos e á profesora que os anima a plasmar e a expoñer o aprendido na clase.

LETRAS GALEGAS 2013: ROBERTO VIDAL BOLAÑO

Na Semana das Letras Galegas, Bibliotecas Escolares de Galicia publica no seu blog varios enlaces con recursos para o Día das Letras Galegas adicado este ano a Roberto Vidal Bolaño, que podedes encontrar picando AQUI.

VÉMONOS NA PÚBLICA

Nunha nova xornada de movilizacións, defendemos o ensino público e de calidade. Invirte en felicidade: ven á pública.

Video INVIERTE EN FELICIDAD: VEN A LA PÚBLICA:

ROSALÍA NO DÍA DAS LETRAS GALEGAS

Seguimos... Aquí tedes, de novo, a presentación das recitacións que fixemos no mes de febreiro con motivo do 150 aniversario de Cantares Gallegos de Rosalía de Castro. Noraboa a todos polo traballo realizado, en verdade merece moito a pena escoitalo!

CELSO EMILIO NO DÍA DAS LETRAS GALEGAS

Na próxima semana celebraremos o Día Das Letras Galegas, para ir abrindo boca, por fin podedes ver unha selección das lecturas de poemas de C.Emilio levadas a cabo no mes de decembro na nosa biblioteca.

 

 

SEMANA CULTURAL 2013: A PELÍCULA, "THE WAY"

E para rematar a nosa IV Semanal Cultural adicada ao noso Patrimonio Cultural, veremos ao rematar o venres a película "THE WAY" ("O Camiño").

The Way ("O Camiño") é unha película americana de drama do ano 2010 rodada en España. Trátase dunha colaboración de Martin Sheen e o seu fillo na vida real Emilio Estévez, homenaxe ao Camiño de Santiago.

O argumento trata de Tom Avery, un recoñecido oftalmólogo de California que un día recibe unha chamada informándolle da morte do seu fillo, Daniel, nos Pirineos. Tom viaxa a Europa para facer todos los preparativos propios dunha defunción pero, durante a súa estadía, descobre que Daniel estaba facendo o Camiño de Santiago e non puido pasar da primeira etapa. Tom decide entón que axudará ao seu difunto fillo a rematar o camiño, levando as súas cinzas nunha caixa.

Trailer da película "THE WAY":

A versión inglesa desta entrada @ ClickOnEnglish.