ROTEIRO URBANO LUGRÍS

 

O alumnado voluntario da biblioteca participou hoxe nunha actividades organizada polo IES Urbano Lugris e destinada a coñecer a obra do pintor en A Coruña, a súa cidade natal,  onde viviu e deixou a súa pegada.

VISITA Á BIBLIOTECA DA DIPUTACIÓN

Para rematar o curso, o alumnado dos clubes de lectura visitou onte a Biblioteca "Rosalía de Castro". Curiosidades e historias sobre o patrimonio de A Coruña que se atopan no depósito desta biblioteca.

 

RECOMENDACIÓNS DE LECTURA PARA O VERÁN DENDE "BIBLIODIESTE"

 Como todos os cursos, facemos recomendacións para seguir lendo durante as vacacións de verán. A disfrutar!

RETORNO AO MEDIEVO NA BIBLIOTECA DO "RAFAEL DIESTE"

Estes días celebráronse unhas xoranadas medievais desfrutando dos xogos que fixo o alumnado de Xeografía e Historia de 2ºESO coa profesora da asignatura isabel González. Previamente tamén o alumnado deste nivel realizaron unha excursión ata o Castelo de Moeche.

Na última das fotos superiores a profesora Isabel González e profesores do equipo de biblioteca caracterizados para a ocasión.

GAÑADORAS DO SEGUNDO CONCURSO DE MICRORRELATOS "PALABRAS MÍNIMAS"

 Para celebrar o Día das Letras Galegas deste ano, convocouse por segunda vez o concurso de microrrelatos. Na categoría da ESO, as gañadoras foron Laura Mora e Julieta Pérez. En Bacharelato, o premio é para Guillermo López.

Parabéns para os tres!

GRADUACIÓN PROMOCIÓN 2ºBAC 2023 DO "RAFAEL DIESTE"

Discurso do director: Mateo Torres Neira

Os presentadores: Clara Roca de Miguel e Bruno Carou Barreiro

Os titores de 2ºBAC: Hilda Fraga, Carolina Muiño e Ramón Barreiro

Actuación musical de Alba Filgueira Fernández

Discurso de Ana Pita Gismero

Onte celebrouse, como é costumbre, o acto de Graduación da Promoción 2022-23 do IES "Rafael Dieste". Cos nervios pasados, posto que a maioría xa teñen feitos os exames da ABAU, o alumnado, que rematou os seus estudos no noso centro, xuntouse coas súas familias e o profesorado a celebrar o momento no auditorio do Conservatorio Superior de Música.

Parabéns e moita sorte no seu futuro!

VII TORNEO INTERCENTROS XADREZ 2023 NO "RAFAEL DIESTE"

Este venres 2 de xuño tivo lugar a final do VII Torneo Intercentros de Xadrez no noso IES Plurilingüe "Rafael Dieste" en A Coruña. Enfrentáronse alumnado finalista dos centros IES "Salvador de Madariaga", IES "Urbano Lugrís", IES "Fernando Wirtz", IES Plurilingüe "Rafael Dieste" e IES Plurilingüe "Pedra da Águia".

Antes de xogar a final, toda a rapazada participou en partidas simultáneas co Mestre internacional de Xadrez Jacobo Caselas. As partidas foron moi disputadas e todas as persoas deron o mellor do seu xogo nos taboleiros.

Ainda que polo de agora a asistencia non é aberta ao público en xeral, a xornada contou cunha nutrida presencia do alumnado dos centros participantes.

Na categoria da ESO o gañador nesta edición 2023 foi Manuel Tomé Pérez, en na categoría de Bacharelato/FP a gañadora foi Ana Nieto Pérez, ambos do IES "Fernando Wirtz". Parabéns a todos os xogadores que quedan emprazados para próximas edicións.

ACTIVIDADE "AQUÍ TAMÉN SE FALA GALEGO"

 Alberto Pombo, profesor do Depratamento de Galego do noso instituto, está facerndo unha actividade co alumnado de 4º. É unha actividade de dinamización lingüística que consiste nunha campaña nos negocios locais para promocionar o uso do galego. A campaña chámase "AQUÍ TAMÉN SE FALA GALEGO" e consiste en que o alumnado irá a diferentes negocios a pedirlles participar na campaña colocando un pequeno cartel no local. Deixámosvos a presentación da actividade:

AQUÍ TAMÉN SE FALA GALEGO 

...e a moito orgullo! 

Porque a historia das nosas letras non se pode entender sen esta cidade aberta ao océano. Aquí naceron as Irmandades da Fala, a Cova Céltica, a Escola Rexional de Declamación ou a Real Academia Galega. Aquí celebráronse os primeiros Xogos Florais e coroamos como poeta a Curros Enríquez, no que hoxe coñecemos como Teatro Rosalía de Castro, que tamén foi veciña da nosa cidade. Como veciños foron Murguía, Pondal, Lugrís, Dieste, Avilés de Taramancos, Novoneyra…

E como veciños son hoxe Pilar Pallarés, Manuel Rivas, Yolanda Castaño ou Xurxo Souto. E porque outro veciño noso, Pucho Boedo, internacionalizou para o mundo a poesía galega en forma de cancións! 

Os nosos barrios naceron tamén coa voz doutros galegos que aquí viñeron e hoxe, aquí, a nosa lingua renóvase florida con máis sotaques chegados da emigración latina, asiática, europea ou africana. 

 Por iso nós agora, o alumnado do IES Rafael Dieste, iniciamos esta ambiciosa campaña de dinamización con acción directa nos barrios, dos que tamén somos veciños e veciñas orgullosas! A nosa intención é crear un repositorio de 300 locais (cafetarías, lavandarías, talleres mecánicos, perruquerías…) que demostren que nesta cidade non somos hostís á lingua galega. Por iso, subiremos unha foto do teu negocio ao instagram @bibliotecadieste xunto co cancelo #aquítaménsefala, para dar publicidade. Sería algo así… 

“A cafetaría *** da Ronda de Outeiro nº 334, súmase ao proxecto #aquítaménsefala” e acompañaremos a publicación dunha foto do teu negocio. 

QUE VEÑAN MIL PRIMAVERAS MÁIS PARA A LINGUA GALEGA! GRAZAS

17-M, DÍA DAS LETRAS GALEGAS 2023: FRANCISCO FERNÁNDEZ DEL RIEGO

 

VISITA DA ESCRITORA CORUÑESA NIEVES ABARCA

Onte o alumnado do "Rafael Dieste" tivo a oportunidade de escoitar á escritora coruñesa Nieves Abarca que veu a charlar co alumnado de 1ºBAC do seus libros e en espcial de "Voraces". Tamén tivo tempo para estar co alumnado dos clubes de lectura do centro.

 

COMEMORANDO O 23-A: DÍA INTERNACIONAL DO LIBRO

XIII SC / CHARLA-COLOQUIO CON ALFONSO GÓMEZ CRUZ, ALCALDE DE XENEBRA (SUIZA)

Por cuestións de axenda, hoxe tivemos unha última actividade que se incluiría dentro da Semana Cultural 2023. Tratouse da oportunidade de contar no noso instituto cun alcalde dunha cidade europea. Hoxe estivo charlando co noso o alumnado o galego Alfonso Gómez Cruz, orixinario de Corme (A Coruña), que na actualidade é o alcalde da cidade suiza de Xenebra. 

Falounos da realidade dunha ciudade europea actual cos seus problemas, realidades e posibles solucións desde o punto de vista da sostenibilidade e a ecoloxía pola súa militancia no partido dos Verdes.

Video da cidade: