Como sabedes a semana do 5 ao 9 de maio celebramos a SEMANA CULTURAL, que este curso ten como tema "Os xogos tradicionais". Para unha mellor organización, expoñeremos na sala de profesores antes deste martes 29 de abril o horario xeral coas actividades propostas. Xunto a este horario haberá outro en branco para que poidades anotarvos cos alumnos. Tende en conta que as actividades que se desenvolvan na biblioteca teñen un aforo limitado (non máis de 40 alumnos).
Durante toda a semana haberá na biblioteca unha exposición de xogos tradicionais elaborados artesanalmente por BUXAINA. Con alguns deles poderemos deixar xogar aos alumnos, pero con outros, que estarán en vitrinas, non. Xa vos avisaremos. Todos estes xogos poderán ser adquiridos por calquera de nós, están bastante ben de prezo. De feito imos comprar algun para a biblioteca, xa que queremos aumentar a sección de xogos.
Tamén haberá unha exposición de xogos da antiga Grecia e Roma preparada polos alumnos de Cultura Clásica que levarán a cabo unha pequena exhibición; xogos con cancións presentados por alumnos de música; o xogo de "vexo, vexo" en varias linguas; xogos matemáticos; dous xogos elaborados por alumnos de tecnoloxía; lectura de textos literarios en castelan e galego sobre "xogos" por parte de diversos alumnos; exhibición de pictionary por parte de alumnos de debuxo... e varias competicións de xogos no exterior: chave, rá, carreiras de zancos, carreiras de sacos, pelexa de galos, tiro de corda, petanca, brilé, peonza, salto de corda e goma, etc.
Este ano poñeremos a disposición de todos a presentación elaborada pola biblioteca con toda a información recibida, para que a poidades poñer nas vosas aulas en clase ou titorías. Desta maneira ninguén quedará excluído de vela.
Ningún comentario:
Publicar un comentario