BENVIDOS

Onte chegaron ao Insti os alumnos alemáns do INTERCAMBIO. Son rapaces e rapazas da idade dos nosos alumnos de 4º da ESO. De feito serán algúns alumnos de 4º os que farán de anfitrións e os aloxarán nas súas casas. Logo tocaralles a eles devolverlles a visita e pasar uns días na súa casa, na cidade de Nuremberg.

Non é a primeira vez que os nosos alumnos fan intercambio con alumnos desta cidade alemá. A profesora de inglés Hilda Fraga e a profesora de ed. física Teresa Amido levan xa uns anos organizando estas viaxes coa finalidade de animar aos alumnos a mellorar na práctica do inglés, idioma que utilizan para comunicarse cos alumnos estranxeiros que nos visitan.

O Escribano palustre

O escribano palustre foi nomeado pola Sociedade Española de Ornitoloxía, ave do ano 2009. O nomeamento pretende dar a coñecer a situación de perigo de extinción na que se atopa este paxariño e artellar medidas de conservación para que non desapareza.

A súa poboación non supera as catrocentas parellas, e está moi ameazada pola perda do seu hábitat a causa dos cambios nas prácticas agrícolas e a mala xestión das zonas húmidas.
Se queres saber máis sobre paxaros en xeral e sobre este en particular clica AQUÍ ou AQUÍ ou AQUÍ.

E aproveitando que xa está aquí a primavera, invitámoste a participar na campaña on-line de observación de aves migratorias de springalive AXÚDANOS A DESCUBRIR A PRIMAVERA.

Dia Mundial da Auga

Como cada ano desde que a ONU declarou o 22 de marzo Día Mundial da Auga, o mundo aproveita este día para reflexionar sobre un tema que foi sempre motivo de conflito entre os seres humanos. E precisamente este ano está dedicado ás augas compartidas.
Sen auga non se pode vivir e desgrazadamente é un ben cada vez máis escaso, por iso nos países pobres do continente africano morren cada día deshidratadas miles de persoas.
O cambio climático e o crecemento demográfico das zonas do mundo máis deprimidas está a ocasionar que cada vez haxa menos auga potable para todos e que a calidade da mesma sexa cada vez peor.
Aquí vos deixamos unhas cantas actividades para que tamén vós reflexionedes sobre o tema:

Auga e desenvolvemento
Caderno da Auga
A auga no mundo
Día Mundial da Auga

FELIZ ANIVERSARIO

Feliz aniversario Don Francisco. Quen puidera chegar aos 103 anos coa cabeza tan ben amoblada, ser a memoria viva da historia do século XX.
Francisco Ayala, narrador, ensaísta, sociólogo, crítico, sempre honesto consigo mesmo, afirma que "El verdadero ejercicio intelectual no consiste en seguir modas, sino en encararse con las dificultades de la propia época".
Como homenaxe invitámosvos a ler este fragmento de El jardín de las delicias, libro polo que recibiu en 1972 o Premio da Crítica:

"He visitado hoy el museo oriental de esta University of Chicago que voy a dejar, quizás para siempre, dentro de tres semanas.
En los seis o siete años que he estado aquí, quien sabe las veces que no habré pasado ante la puerta del museo, sin haber entrado nunca.
Pero ahora me voy de Chicago, quizás para siempre, y he querido verlo antes de irme.
Es pequeño el museo, y es excelente; bien merece su fama. Hay en él cosas asirias, egipcias.
Lo recorro, me demoro frente a las vitrinas, admiro joyas, estatuas.
Y por último, me detengo frente a la momia desnuda de una mujer.
Delante de ella me he quedado muy largo rato, contemplándola.
Sus pies, tan chiquititos.
Esas manos suyas, juntas, abajo, entre los muslos.
Sus pómulos.
La cabeza, de forma bellísima.
Los dientes, que relucen de blancos, los de abajo, los de arriba, y entre ambas hileras la lengua.
Sus hombros estrechos, la clavícula… no puedo dejar de contemplar el cuerpo de esta mujer que vivió hace veintisiete siglos.
Una ternura muy honda me inunda, una absurda ternura.
Veintisiete siglos hace vivió esta mujer, y yo ahora siento ante su cuerpo una emoción, una pena, como si me encontrara de pronto en presencia de alguien que acaba de morirse en plena juventud.
No es reverencia lo que siento, no es respeto arqueológico, ni temor, ni nada por el estilo: es una ternura insensata que casi me lleva al borde de las lágrimas. (Hablar de un misterioso reencuentro a través de los tiempos sonaría a literatura, bien lo sé. Basta, pues.)
Antes de retirarme, todavía echo una mirada última a la cabeza perfecta, al delgadísima cuello."

CONFERENCIA 17 DE MARZO

CON PERMISO DEL MUERTO*

*Información cultural y crítica en la Prensa del Siglo XXI

Conferencia do crítico musical, conferenciante, compositor e intérprete Julián Carrillo no IES Rafael Dieste de A Coruña (Prolongación Manuel Murguía s/n) o vindeiro martes 17 de marzo ás 17,15 horas.

Dende a súa dilatada experiencia como crítico e informador de Música Clásica tanto en prensa xeneralista como especializada (El País, La Voz de Galicia, Mundoclasico.com), o conferenciante mostraranos a súa visión da transmisión da información cultural e musical e o estado da crítica na prensa actual.

Achegamos o cartel da convocatoria, e invitamos a todos os que nos queiran acompañar.

SINIESTRAS AMADAS

Jack Mircala, ilustrador e autor de contos e poemas para xoves lectores publica “o seu particular poema gráfico” titulado Siniestras Amadas, onde recolle poemas e textos en prosa dedicados a 22 mulleres “amantes, amigas e meras fantasías” de Poe. Mircala pasou seis anos preparando esta obra ilustrada na que tamén traduce os textos de Poe do inglés ao castelán.
Mulleres reais como Annabel Lee, Helena, Adeline, Eleonora ou imaxinarias como Morella, Ligeia ou Berenice que inspiraron a Poe os poemas máis apaixonados, son recreados por Jack Mircala nas ilustracións de Siniestras Amadas, como homenaxe a Poe.
Mircala creou figuras e escenarios de cartolina, pintados con cores vivas, cos que fai maquetas que logo fotografa, cunha estética expresionista proxima á de Tim Burton, lonxe do arquetipo estético de terror que ilustra habitualmente as obras de Poe. RECOMENDABLE tanto para os amantes da lectura como para os amantes da ilustración.
BubbleShare: Share photos - Play some Online Games.

DÍA DA MULLER TRABALLADORA

Entre o 27 de febreiro e o 3 de Abril teremos no patio interior do Instituto unha exposición titulada A MULLER E A MATEMÁTICA para homenaxear á muller traballadora. A exposición, organizada polo Departamento de Matematicas, fai un percorrido cronolóxico dende a época sumeria ata os nosos días a través dunha serie de mulleres cuxo papel foi fundamental para o avance da ciencia.

Aproveitade esta oportunidade para coñecelas e saber o que fixeron, porque son un exemplo para todos NÓS.

SEN ADOUTRINAMENTOS NIN COMPLEXOS

O día 21 de febreiro, Día Internacional da Lingua Materna, saímos de viaxe de estudos para Grecia cos alumnos, e non puidemos celebralo dende a biblioteca. Mais, quen nos ía dicir que o iamos celebrar en Grecia. Que como o celebramos? Falando galego. E nisto foron fundamentais un grupo de alumnos galegofalantes doutro Instituto que tamén viñeron con nós na mesma viaxe. Sen adoutrinamentos nin complexos. Natural. Porque o galego é a lingua de Galicia. Ante o éxito do experimento a nosa proposta é que fagamos intercambios entre os institutos da Coruña e os doutras zonas galegofalantes. Estamos seguras de que os resultados serían chamativos.
Para que reflexionedes un pouco sobre este tema deixámosvos o documental Linguas cruzadas, dirixido por Mónica Ares e Mª Yañez e estreado hai dous anos na TVG o 17 de maio, que afonda na situación sociolingüística do idioma dende a perspectiva da xente nova. QUE VOS GUSTE!