Rockola Clásica

Non me puiden resistir a compartir con todos esta páxina na que se poden escoitar cancións subtituladas ao latín. Cando menos curioso, non si?
Elixin esta canción de Barbra Streisand para que a disfrutedes. Espero que vos guste.

CENTENARIO DE CELSO EMILIO FERREIRO

Este ano cúmplense cen anos do nacemento do escritor galego C.E. Ferreiro (Celanova 1912-Vigo 1979). Para render homenaxe ao autor de "Longa noite de pedra", aqui vos deixamos este libro que seguro será do voso gusto e que dentro duns días xa poderedes disfrutar na biblioteca.

 

Animádesvos a celebrar O MES DE C.E.FERREIRO na biblioteca? Pois ide pensando actividades.

Debate

Que tal un debate para comezar o curso? Que vos parecen os 10 propósitos deste profesor? Sería bo que cada un de nós escribísemos os nosos propósitos para este curso?

10propósitos from Aitor Lázpita

DE NOVO XUNTOS

Un novo curso comeza e, ainda que sentimos preguiza de comezar, seguro que se nos pasa cando esteamos todos xuntos e nos poñamos a traballar. Aqui estamos para servir de apoio ás clases e ás actividades relacionadas coa lectura e o proxecto lector.

Os profesores levamos xa uns días planificando o curso, e grazas a iso xa podemos anunciar que o tema deste curso para o proxecto anual do centro será "O noso patrimonio artístico". Xa está en poder dos departamentos un borrador que os profesores deberán discutir e incorporar ás programacións das distintas materias. Xa sabedes que o proxecto anual, que se encadra dentro do proxecto lector e que levamos desenvolvendo dende hai tres anos, desemboca nunha SEMANA CULTURAL a finais de abril con actividades diversas no patio central, na biblioteca e no salón de actos.

Tamén estamos a tratar as lecturas e os horarios d´A HORA DE LER que esperemos poidamos comezar no mes de outubro.

Estes días informaremos sobre a data de inicio do club de lectura e buscaremos alumnos de ESO para que se incorporen ás tarefas de COLABORADORES DA BIBLIOTECA, xa que necesitamos renovar tres que, por diferentes motivos, non poden seguir con nós.

PREPARADOS...LISTOS....BENVIDOS AO CURSO 2012-2013!