ACTIVIDADES DO DÍA DA PAZ 2018

Para conmemorar o Día da Paz (30 Xaneiro) temos preparadas as seguintes actividades:

- PARA O ALUMNADO DA ESO:

Nas sesións de titoría da semana do 22 ao 26 de xaneiro, pediremos ao alumnado que escriba nun folio "microconflictos" que eles perciben no instituto. Unha vez recollidos, farase unha lista de todos e comentaremolos.

Nas sesións de titoría da semana do 29 de xaneiro ao 2 de febreiro, pediremoslles "solucións" que eles consideren para evitar estes roces entre compañeiros e mellorar o clima do centro.

Ás sesións de titoría desta semana tentarase que asista un alumno do grupo de mediadores que ten o instituto, para falar sobre o tema e sobre a labor que realizan.

- PARA TODO O ALUMNADO (ESO e BAC):

Convócase un Concurso de "Microrrelatos" sobre o tema da PAZ. Aquí están ás bases do concurso:

1.- Requisitos do texto: a temática do cocncurso será "A PAZ". 

O texto terá unha extensión máxima de 150 palabras, sen contar o título- Será orixinal, inédito e non terá sido presentado a ningún outro concurso con anterioridade.

2- Presentación dos textos: o alumnado entregará o microrrelato que presente a concurso ao seu titor correspondente, quen os fará chegar ás persoas representantes da Biblioteca: Sarah ou Mercedes.

3- Prazo de presentación: o prazo de presentación dos textos comenza o luns 15 e remata o mércores 30 de xaneiro.

4- Resolución do xurado: o xurado estará composto por dous profesores do equipo da Biblioteca e un alumno do grupo de mediadores. O fallo do xurado farase público o venres 9 de febreiro.

5- Premios:

Categoría A (1º e 2ºESO): 

Primeiro premio: un libro por valor apoximado de 20€.

Segundo premio: un libro por valor aproximado de 15€

Categoría B (3º e 4ºESO e BAC):

Primeiro premio: un libro por valor apoximado de 20€.

Segundo premio: un libro por valor aproximado de 15€