ACTIVIDADES DO DÍA DA PAZ 2019

Como todos os cursos o vindeiro 30 de xaneiro conmemoraremos o DÍA DA PAZ.

O equipo da biblioteca preparou unha serie de actividades para traballar o tema:

- CONCURSO DE MICRORRELATOS.

A temática do concurso será A PAZ.

Os textos terán unha extensión máxima de 150 palabras, sen contar o título. O texto será orixinal, inédito e non presentado a ningún outro concurso con anterioridade.

O alumnado entregará o microrrelato que presente a concurso ao seu titor/a que o fará chegar ao equipo da biblioteca. 
O prazo de presentación será entre o mércores 23 ata o 30 de xaneiro.

O xurado do concurso estará composto por un ou dous profesores do equipo da bibliotecca e un alumno/a do grupo de mediadores do centro. 
O fallo farase público o venres 8 de febreiro.

Haberá premios en dúas categorías:

- CATEGORÍA A (1º e 2º ESO). 

- CATEGORÍA B ( 3º, 4º ESO e 1º, 2ºBAC)

Primeiro premio: un libro de valor apoximado de 20€ e un segundo premio: un libro de valor aproximado de 15€, para cada unha das categorías, respectivamente.

- SESIÓNS DE TITORÍAS DE SECUNDARIA:

Nas sesións de titoría da vindeira semana (28-xaneiro ao 1-febreiro), pediráselle ao alumnado que reflexionen sobre a convivencia no instituto para que escriban sobre os seguintes puntos:

- Qué problemas de convivencia observan no centro.

- Qué solucións propoñen para mellorar a convivencia no centro.

- Cómo deberían sancionarse as conductas conflictivas.

Unha vez recollidas as reflexións, farase unha listaxe cos resultados acadados e se comentarán.

Nas sesións de titoría de 1ºESO intentaremos que asista un alumno/a do grupo de mediadores do instituto para informar ao novo alumnado da labor que realizan.

- ACTIVIDADE DE SENSIBILIZACIÓN:

- Colocar en todas as portas das aulas un cartel cun texto alusivo á PAZ.

- Durante os recreos do mércores 30, sonarán no patio interior cancións relativas á PAZ.

- Tamén colgaranse carteis no patio central recordando a celebración.