O Departamento de Grego con motivo da X Semana Cultural 'O CINE' preparou co seu alumnado da materia de Cultura Clásica dúas actividades:
- A primeira consistiu nunha homenaxe ao teatro grego, principal actividade audiovisual da Grecia antiga, coa representación de dúas partes da traxedia de Eurípides "As Bacantes". En concreto representouse o monólogo inicial do deus Dionisio reclamando a súa identidade ante a cidade de Tebas, e o posterior agón dialéctico entre o rei Penteo e Dionisio. Este enfrontamento, debido a que o rei rexeita os ritos deste deus, termina co apresamento de Dionisio, que finalmente se liberará e enlouquecerá ao rei como vinganza. Agradecemos aos alumnos a súa participación nesta actividade, moi especialmente a Adrián Jiménez, alumno de Cultura Clásica de 4ºC, que interpretou ao deus Dionisio.
- A segunda consistiu na realización de presentacións audiovisuais sobre os deuses gregos, mediante a elaboración de videos con imaxes, texto e música. Proexectáronse como exemplos as do deus Poseidón e a deusa Hera.
Video:
Video:
Ningún comentario:
Publicar un comentario